Okubala 27:7 - Baibuli Ekibono kya Katonda 2014

⁷ “Baghala ba Zelofehadi batuufu mu kye bali kukoba. Oidha kubagha omugabo ogw'eitaka ery'ensikirano ogwaibwe ku bwaibwe mu boluganda lwa lata waibwe, olwo oleetere obusika bwa lata waibwe okwira ku beene.

Okubala 27:7 ပူးပေါင်းရင်းမြစ်များ

Yobu 42:15

Mu nsi yoonayoona nga ghazira bakazi baboneka bulungi ng'oti ni baghala ba Yobu. Era iseibwe yaabagha emigabo egy'obusika aghalala ni baanhinaibwe.

Zabbuli 68:5

Oyo ni Katonda aba mu kifo kye ekitukuvu, ni lata w'abo abazira balata baibwe era n'akuuma banamwandu.

Yeremia 49:11

Muleke bamulekwa baimwe, nze ndidha kubalabirira. Ni banamwandu baimwe beesige nze.

Okubala 27:6

Musengwa Katonda yaakoba Musa ati:

Okubala 27:8

Era oidha kukobera Abaisiraeli oti, ‘Omusaadha bw'afanga nga talese mwana mulenzi, mughanga mughala we obusika.

Okubala 36:5

Agho Musa yaagha Abaisiraeli ekiragiro kino ekyava ye Musengwa Katonda, ati: “Ab'ekika kya mutabane wa Yosefu, kye bali kukoba kituufu.

Okubala 36:6

Kale ni kino Musengwa Katonda ky'alagiire ku baghala ba Zelofehadi abo, ati, ‘Bali n'eidembe okubayira omuntu yeenayeena ye baba nga basiimye. Aye omuntu oyo ateekwa kuba nga wa ku nda edhiri mu kika kya Zelofehadi, ise w'abaghala abo.’

Ab'e Galatia 3:28

Mperaano ghazira ati ono Muyudaaya ate ole Mugureki, ono mwiru ate ole yeetaaya, oba ati ono musaadha ate ole mukazi kuba mwenamwena mwafuuka muntu mulala mu Kurisito Yesu.

Yoshua 17:4

Bano beesitula baaja ye Eleazari kabona, ni Yoshua mutabane wa Nuni, n'abakulu ab'ebikunsu, baabakoba bati: “Musengwa Katonda yalagira Musa okutugha twena emigabo ng'oti ni Bamanasse banaife abasaadha.” Kale nga Musengwa Katonda bwe yalagira baagheebwa emigabo ng'oti ni Bamanasse banaibwe abasaadha.