Okubala 27:21 - Baibuli Ekibono kya Katonda 2014

²¹ Yoshua oyo aidha kujanga ye Eleazari kabona, Eleazari kabona oyo akozesenga Urimu ni Thummimu okumubuulizaagho eri nze Musengwa Katonda, aghange okumanha kye nhenda akole. Era ekyo Eleazari ky'anaazuulanga, Yoshua n'Abaisiraeli boonaboona kye banaajiirangaku mu buli kye banaakolanga.”

Okubala 27:21 ပူးပေါင်းရင်းမြစ်များ

2 Samueli 21:1

Agho mu kiseera Daudi kye yafugiramu Isiraeli endhala yaagwa, yaalumira emyaka esatu egiiraganwaku. Daudi yaaja yeebuuza ku Musengwa Katonda. Musengwa Katonda yaamukoba ati: “Saulo n'ab'endhu ye baliku omusango ogw'obutemo, kuba Saulo yaita Abagibeoni.”

Ezera 2:63

Eyali omufuzi mu kiseera ekyo yaabalobera okulyanga ku bigheebwayo eri Katonda okutuusa nga bafunie kabona asobola okwebuuza ku Musengwa Katonda ng'akozesa Urimu ni Thummimu.

Nehemia 7:65

Eyali omufuzi mu kiseera ekyo yaabalobera okulyanga ku bigheebwayo eri Katonda okutuusa nga bafunie kabona aghanga okwebuuza ku Musengwa Katonda ng'akozesa Urimu ni Thummimu.

Okuvaayo 28:30

Era mu kivaalo ekyo eky'omu kifuba, Omukulu wa Bakabona ky'anaakozesanga okumanha nze Musengwa Katonda kye nhenda, oidha kutaamu ebintu eby'okukozesebwanga kabona oyo okumanha kye nhenda ebyetebwa Urimu ni Thummimu, bibenga mu kifuba kye ng'ali kwidha mu maiso gange. Mu nsambo eyo Aaroni, aidha kubanga n'obusobozi mu kifuba kye obw'okumanhanga kye nhenda Abaisiraeli bakole.”

Abalevi 8:8

Yaamuvaaza ekivaalo eky'omu kifuba, yaakitaamu ebintu ebyetebwa Urimu ni Thummimu.

Malaki 2:7

kuba bakabona omulimo gwaibwe gwa kwegeresa magezi amatuufu agava ye nze Musengwa Katonda Afuga Amagye. Era abantu bandibairenga nga baja ye bakabona abo okugalagirwa bye nhenda bakole.

Okubala 27:17

Omuntu aidha okubakulemberangamu era abakuumenga mu buli kye banaakolanga. Olwo abantu bo abo, iwe Musengwa Katonda, balobe kubanga ng'oti n'entaama edhiziraku mwayi.”

Okubala 27:2

Abaghala abo baaja baayemerera mu maiso ga Musa, ni Eleazari kabona, n'abakulembeze, n'abantu boonaboona, agho ku mulyango ogw'Eweema ey'Okwagaananirangamu ni Musengwa Katonda. Baakoba bati:

Okubala 27:20

Era omughe ku buyinza bwo, Abaisiraeli boonaboona bamuwulirenga.

Okubala 27:22

Agho Musa yaakola nga Musengwa Katonda bweyamulagira. Yaatwala Yoshua, yaamwemereza mu maiso ga Eleazari kabona nga n'abantu boonaboona beesoloiza.

Okubala 27:5

Agho Musa yaatwala ensonga yaibwe eyo eri Musengwa Katonda.

Amateeka Agokubiri 31:3

Musengwa Katonda waimwe n'aidha okubakulemberamu nga musomoka, azikirize abamaghanga agaliyo, nga mukaali kutuukayo, olwo mughange okutwala ensi yaibwe. Era Yoshua n'aidha okubakulembera okusomoka, nga Musengwa Katonda bwe yakoba.

Amateeka Agokubiri 33:8

Yaasabira Abalevi ati: “Wo Musengwa Katonda, kozesa Urimu ni Thummimu, oyoleke abantu bo ky'oyenda, ng'obita mu Balevi abagheereza bo abeesigwa. Wabaleba e Massa, waakakasa nga batuufu gha maadhi g'e Meriba.

Yoshua 9:14

Kale Abaisiraeli baaganha okulya ku mere eyo abasaadha abo ye baasiba, ng'akamanhiso ak'endagaano. Aye kino baakikola nga tibeebuuziizaaku ku Musengwa Katonda.

Abalamuzi 1:1

Agho Yoshua ng'amaze okufa, Abaisiraeli baabuuza Musengwa Katonda bati: “Kika ki ekibe kisooke okuja okulumba Abakanaani okubalwanisa?”

Abalamuzi 20:18

Abaisiraeli beesitula baaniinaniina okuja e Betheli, baabuuza Katonda bati: “Kika ki ekibe kisooke okulumba Ababenjamini?” Yaabairamu ati: “Ekika kya Yuda n'ekibe kisooke.”

Abalamuzi 20:23

Agho baaniinaniina okuja mu kifo ye basinziza, baalirira mu maiso ga Musengwa Katonda okutuusa eigulo. Baabuuza Musengwa Katonda bati: “Twiremu kabiri okulumba baganda baife Ababenjamini tubalwanise?” Musengwa Katonda yairamu ati: “Muje mubalwanise.”

1 Samueli 14:19

Saulo yabanga eno ng'ali kwogera ni kabona, ere okutabuka okwali mu kifo Abafilisiti ghe baasimba weema dhaibwe nga kuli kweyongera. Agho Saulo yaakoba kabona ati: “Toolagho omukono gwo!”

1 Samueli 23:9

Daudi yaakitegeera nga Saulo ali kutegeka okumukola akabi. Kale yaakoba Abiathari kabona ati: “Leeta ghano ekivaalo eky'obwakabona.”

1 Samueli 28:6

Era yeebuuza ku Musengwa Katonda, aye Musengwa Katonda yaaloba kumwiramu, ka mube mu birooto, oba mu kukozesa Urimu, oba waire ng'abita mu balanzi.

1 Samueli 30:7

Daudi oyo yaakoba Abiathari kabona mutabane wa Ahimeleki ati: “Ndeetera ekivaalo eky'obwakabona.” Abiathari yaaleeta ekivaalo eky'obwakabona eri Daudi.