Okubala 27:20 - Baibuli Ekibono kya Katonda 2014

²⁰ Era omughe ku buyinza bwo, Abaisiraeli boonaboona bamuwulirenga.

Okubala 27:20 ပူးပေါင်းရင်းမြစ်များ

2 Bakyabazinga 2:15

Abalanzi abaali e Yeriko bwe baamubona, baakoba bati: “Obuyinza bwa Eliya buli ku Elisha.” Agho baidha okumweisuusaayo, era baakuba amakiryaivu agho mu maiso ge,

1 Ebyomubyanda 29:23

Kale Solomoni yaatyama ku kityamo eky'obwakyabazinga Musengwa Katonda kye yataagho, yaaba kyabazinga mu kifo kya lata we Daudi. Ebintu byajiiranga Solomoni oyo bukalamu, era eighanga Isiraeli lyamugonderanga.

1 Ebyomubyanda 29:25

Musengwa Katonda yaaleetera Isiraeli yoonayoona okugha Solomoni ekitiibwa eky'obwakyabazinga, ekitabangaghooku ku kyabazinga wundi yeenayeena eyaali afuzeeku mu Isiraeli.

Okubala 11:17

Ndidha kwika ndhogere n'iwe agho, era ntoole ku mwoyo oguli ku iwe boona ngubateeku. Olwo babe nga bakubeeraku okwetwika obuvunaanizibwa obw'abantu abo, bulobe kubanga ku iwe wenka.

Okubala 27:19

Omale omutwale ayemerere mu maiso ga Eleazari kabona nga n'abantu boonaboona abeesoloiza babona, omugemye ogw'okubakulemberanga.

Okubala 27:21

Yoshua oyo aidha kujanga ye Eleazari kabona, Eleazari kabona oyo akozesenga Urimu ni Thummimu okumubuulizaagho eri nze Musengwa Katonda, aghange okumanha kye nhenda akole. Era ekyo Eleazari ky'anaazuulanga, Yoshua n'Abaisiraeli boonaboona kye banaajiirangaku mu buli kye banaakolanga.”

1 Samueli 10:6

Agho omwoyo gwa Musengwa Katonda gwidha kukwidhaku n'amaani mangi, ofuuke muntu wundi era olange ghalala nabo.

1 Samueli 10:9

Saulo bwe yakyuka n'akuba Samueli omugongo okuva gh'ali, Katonda yaakyusa Saulo oyo omwoyo. Era obumanhiso obwo bwonabwona bwatuukirira ku lunaku olwo.