Okubala 27:18 - Baibuli Ekibono kya Katonda 2014

¹⁸ Agho Musengwa Katonda yaakoba Musa ati: “Twala Yoshua mutabane wa Nuni, omusaadha aliku omwoyo, ote emikono gyo ku mutwe gwe.

Okubala 27:18 ပူးပေါင်းရင်းမြစ်များ

Amainhama 41:38

Kyabazinga yaakoba abakungu be ati: “Tusobola okuzuulayo omusaadha ali ng'oti n'ono, omusaadha aidhwire omwoyo gwa Katonda.”

1 Ebyomubyanda 7:27

Nuni, Nuni yaazaala Yoshua.

Okuvaayo 17:9

Musa yaakoba Yoshua ati: “Londayo abasaadha muje enkyo mulwane n'Abamaleki. Nze ndidha kuba ku mutwe ogw'olusozi nga ngemye omwigo Katonda gwe yankoba okuja nagwo.”

Danieli 5:14

Nawulira nga bakwogeraku bati oliku omwoyo gwa bakatonda abatukuvu, era bati weeyoleka okuba omuntu alengera eghala, ng'ali n'okutegeera, era ng'ali n'amagezi agabitiriire.

Okubala 11:17

Ndidha kwika ndhogere n'iwe agho, era ntoole ku mwoyo oguli ku iwe boona ngubateeku. Olwo babe nga bakubeeraku okwetwika obuvunaanizibwa obw'abantu abo, bulobe kubanga ku iwe wenka.

Okubala 13:16

Ago n'amaina ag'abantu Musa be yatuma okukeeta ensi Kanaani. Era Musa yakyusa eriina lya Hoshea mutabane wa Nuni, yaamweta Yoshua.

Okubala 13:8

Hoshea mutabane wa Nuni ow'omu kika kya Efuraimu;

Okubala 27:23

Musa oyo yaata emikono gye ku mutwe gwa Yoshua, yaamugemya ogw'okukulemberanga abantu abo, nga Musengwa Katonda bweyalagira Musa oyo.

Yoanne 3:34

Oyo Katonda ye yatuma ayogera ebibono bya Katonda, kuba Katonda tagaba Mwoyo we mu bipimo.

Ebikolwa by'Abatume 13:3

Agho bwe baamala okusiiba n'okusaba, baabaisaaku emikono, baabatuma.

Ebikolwa by'Abatume 19:6

Paulo bwe yabaisaaku emikono, Mwoyo Mutukuvu yaabaikaku baayogera mu nnimi era baayogera ekibono kya Katonda.

Ebikolwa by'Abatume 6:3

Kale ni baganda bange, mwerondemu abasaadha musanvu abatuufu, abaidhwire Mwoyo Mutukuvu, ab'amagezi, be tughanga okugemya omulimo ogwo.

Ebikolwa by'Abatume 6:6

Bano baabaleeta y'Abatume abaabasabira ni babaisaaku n'emikono.

Amateeka Agokubiri 1:37

Era ku lwaimwe, zeena Musengwa Katonda yansungughalira, yankoba ati, ‘N'iwe Musa, weena tolingira mu nsi eyo,

Amateeka Agokubiri 3:21

“Naalagira Yoshua mu biseera ebyo nti, ‘Weeboneireku n'agago ebyo byonabyona Musengwa Katonda waimwe by'akoze ku bakyabazinga abo ababiri, Sihoni ni Ogi. Atyo ni, bw'aja okukola ku buli bwakyabazinga bwe munaajanga okulumba.

Amateeka Agokubiri 3:28

Aye sikirira Yoshua abe mumalirivu era omugumye, kuba n'alikulemberamu abantu bano basomoke, okuja okutwala ensi eyo y'oja okulengera.’

Amateeka Agokubiri 31:14

Musengwa Katonda yaakoba Musa ati: “Mpegaano osigaizaayo enaku ntono ofe. Mbeeni yeta Yoshua, mweyandhule mu Weema ey'Okwagaananirangamu ni Musengwa Katonda, nsobole okumutaagho ng'omukulembeze wa Isiraeli.” Agho Musa ni Yoshua baaja beeyandhula mu Weema ey'Okwagaananirangamu ni Musengwa Katonda.

Amateeka Agokubiri 31:23

Agho Musengwa Katonda yaataagho Yoshua mutabane wa Nuni ng'omukulembeze wa Isiraeli, yaamukoba ati: “Ba mugumu era mumalirivu. Kuba niiwe oidha okutuusa Abaisiraeli mu nsi ye nasuubiza, era ndidha kubanga ghalala n'iwe.”

Amateeka Agokubiri 31:3

Musengwa Katonda waimwe n'aidha okubakulemberamu nga musomoka, azikirize abamaghanga agaliyo, nga mukaali kutuukayo, olwo mughange okutwala ensi yaibwe. Era Yoshua n'aidha okubakulembera okusomoka, nga Musengwa Katonda bwe yakoba.

Amateeka Agokubiri 34:9

Yoshua mutabane wa Nuni yali ng'aidhwire amagezi, kuba Musa yali ng'amaze okumutaagho aire mu kifo kye. Kale ni Abaisiraeli baawuliranga Yoshua oyo, era baakolanga nga Musengwa Katonda bwe yalagira Musa.

1 Timotheo 4:14

Otagayaalira kitone ky'oli nakyo, ekyakugheebwa bwe waisibwaku emikono abakulembeze b'abaikiriza ng'abalanzi bwe baalanga.

1 Timotheo 5:22

Toyanguyirizanga kwisa mikono ku muntu yeenayeena. Tiweetabanga mu bibi bya bandi. Weekuumenga ng'oli mwamufu.

Abaheburayi 6:2

Era nga tubeegeresa ebigema ku kubatizibwa okwa buli nsambo, n'ebigema ku kuteebwaku emikono, n'ebigema ku kuzuukira okw'abafu era n'ebigema ku kusalirwa omusango ogutawaagho.

Yoshua 1:17

Era twidha kukugonderanga buliidho nga bwe twagonderanga Musa. Tusaba bwa Musengwa Katonda wo, abenga n'iwe nga bweyalinga ni Musa.

Abalamuzi 11:29

Agho omwoyo gwa Musengwa Katonda gwaidha ku Yefutha, yaabita mu Gileadi ni mu Manasse, yaira mu Mizipa eky'omu Gileadi, yaaja y'Abammoni.

Abalamuzi 3:10

Omwoyo gwa Musengwa Katonda gwaidha ku Othinieli, yaakulembera Abaisiraeli. Yaaja okulwana olutalo ni kyabazinga Kushani Rishathaimu ow'e Mesopotamia, era Musengwa Katonda yaaleetera Othinieli oyo okughangula.

1 Samueli 16:18

Ghaabaagho omwisuka yaakoba ati: “Bona eno, nze nabona eyo mutabane wa Yesse Omubethelehemu ng'aidhi inho okugikuba. Omusaadha oyo mulwani wa ntalo aziramu ntete, mwogezi mulungi, mulungi mu mboneka ye, era Musengwa Katonda ali naye.”