Okubala 27:17 - Baibuli Ekibono kya Katonda 2014

¹⁷ Omuntu aidha okubakulemberangamu era abakuumenga mu buli kye banaakolanga. Olwo abantu bo abo, iwe Musengwa Katonda, balobe kubanga ng'oti n'entaama edhiziraku mwayi.”

Okubala 27:17 ပူးပေါင်းရင်းမြစ်များ

2 Samueli 5:2

Mu biseera ebyabita nga Saulo ni kyabazinga waife, niiwe owakulemberangamu eigye lya Isiraeli okuja mu ntalo. Agho Musengwa Katonda yaakukoba ati, ‘Oidha kukulemberanga abantu bange Abaisiraeli, obenga mufuzi waibwe.’ ”

1 Bakyabazinga 22:17

Mikaia yaakoba ati: “Mboine abaisirukale ba Isiraeli boonaboona nga basansaaniire eyo ku nsozi, ng'oti n'entaama edhiziraku mwayi. Musengwa Katonda yankoba ati, ‘Abantu abo baziraku mukulembeze, buli mulala leka aireyo miraala mu maka ge.’ ”

1 Bakyabazinga 3:7

Wo Musengwa Katonda wange, iwe buti onfiire nze omugheereza wo, mbe kyabazinga mu kifo kya lata wange Daudi, waire nga ndi mwana muto. Nzira kye ndidhi naire.

2 Bakyabazinga 11:8

Mwidha kwemerera nga mwezungulwire kyabazinga ku ndhuyi dhoonadhoona, buli muntu ng'agemye eby'okulwanisa bye. Omuntu yeenayeena anaaseetaku okumpi n'enhiriri dhaimwe nga mumwita. Mwidha kuba ghalala ni kyabazinga buli gh'anaajanga.”

2 Ebyomubyanda 1:10

nkusaba ompe amagezi n'okumanha, nsobole okukulembera abantu bano kuba naani asobola okufuga eighanga lyo lino eikologho liti?”

2 Ebyomubyanda 18:16

Mikaia yaakoba ati: “Mboine abaisirukale ba Isiraeli boonaboona nga basansaaniire eyo ku nsozi, ng'oti n'entaama edhiziraku mwayi. Musengwa Katonda yankoba ati, ‘Abantu abo baziraku mukulembeze. Leka buli muntu aireyo miraala mu maka ge.’ ”

Ezekieli 34:5

Kale dhaasansaana olw'okubula omwayi, ensolo edh'omu nsiko dhaadhiita dhaadhirya.

Zekaria 10:2

Abantu beebuuza ku misambwa, ni ku balaguzi, ni ku bavuunuzi b'ebirooto, aye bye babairamu bya buguya byereere era bizira kye bibayamba naire. Kale ekyo kyaleetera abantu okutambulatambula eyo batyo ng'oti ntaama edhibuze. Olwo baadaazibwadaazibwa olw'okubulwa omukulembeze.

Zekaria 13:7

Musengwa Katonda Afuga Amagye akoba ati: “Iwe empiima yange situkiramu, ja olumbe omwayi wange andhayira entaama. Ita omwayi oyo entaama dhisansaane. Nze mwene ndirumba abantu bange.

Matayo 10:6

Aye, muje eri entaama edhaabula edh'omu ndhu ya Isiraeli.

Matayo 15:24

Yesu yairamu ati: “Tyatumibwa ghandi okutoolaku eri entaama edhaabula edh'omu ndhu ya Isiraeli.”

Matayo 9:36

Bwe yabona abantu kamaala batyo, yaabagemerwa ekisa, kuba baali beinhamiire era nga babundaire ng'oti n'entaama edhiziraku mwayi.

Mariko 6:34

Yesu bwe yali atuuka ku bukalu ati yaabona eikuukuubira ery'abantu, yaabasaasira, kuba baali oti n'entaama edhiziraku mwayi. Agho yaatoolera okubeegeresa ebintu kamaala.

Yoanne 10:9

Ninze omulyango, yeenayeena abita mu nze ng'aingira, aliwona yaingira era yaafuluma, era yaafuna n'eby'okulya.

Amateeka Agokubiri 31:2

yaabakoba ati: “Mpegaano mpeziiza emyaka kikumi n'abiri (120). Tikaaghanga kuba mukulembeze waimwe. Ate era bwona, Musengwa Katonda yankoba ati, ‘Toidha kusomoka mwiga guno Yorudani.’

1 Petero 2:25

Mwali ng'oti n'entaama edhibuze, aye mperaano mwiziibwa y'Omwayi era Omukuumi w'emyoyo gyaimwe.

1 Samueli 18:13

Kale Saulo yaalekeza Daudi okubanga agho mu maiso ge, yaamufuula muduumizi wa baisirukale lukumi (1,000) Daudi yaabakulemberanga okuja mu ntalo.

1 Samueli 8:20

olwo twena tube ng'oti n'amaghanga agandi goonagoona. Kyabazinga oyo aidha kutufuganga era atukulemberenga atulwaniregho entalo dhaife.”