Okubala 26:62 - Baibuli Ekibono kya Katonda 2014

⁶² Abasaadha Abalevi boonaboona abaabalibwa, okuva ku mwana omulenzi agheziiza omwezi omulala n'okusingagho, baali emitwalo ebiri n'enkumi isatu (23,000). Abo tibaabalirwa ghalala na Baisiraeli bandi, kuba Abalevi abo tibaagheebwa mugabo gwa itaka lya nsikirano mu Baisiraeli banaibwe.

Okubala 26:62 ပူးပေါင်းရင်းမြစ်များ

Okubala 1:47

Aye Abalevi tibaabalibwa ghalala na bika bindi,

Okubala 1:49

“Ab'ekika ky'Abalevi otababala, era obungi bwaibwe otabugaita ku bwa Baisiraeli banaibwe.

Okubala 26:63

Abo n'abantu Musa ni Eleazari kabona, be baabala e Yeriko okumpi n'omwiga Yorudani, mu biketezo eby'oku museetwe eby'e Moabu.

Okubala 3:39

Obungi obw'Abalevi boonaboona, okuva ku baana ab'omwezi omulala okutuuka ku basaadha abakulu, baali emitwalo ebiri n'enkumi ibiri (22,000). Abo Musa ni Aaroni be baabala nga bajiira ku nda dhaibwe, nga Musengwa Katonda bweyalagira Musa.

Okubala 4:27

Aaroni ni batabane be n'abanaalagiriranga Abalevi abasimuka mu Gereshoni bye banaakolanga ni bye banaabbeedanga. Iwe oidha kubagemya obuvunaanizibwa obw'ebintu byonabyona bye banaabbeedanga.

Okubala 4:48

Baali kanaana na bitaanu na kinaana (8,580).

Amateeka Agokubiri 10:9

Eyo n'ensonga lwaki ab'ekika kya Levi tibaafuna mugabo gwa itaka lya nsikirano ng'oti n'ab'ebika ebindi. Bo baagabanaku kya kuba bakabona ba Musengwa Katonda, nga Musengwa Katonda waimwe bweyabakoba beene.)

Yoshua 13:14

Ekika eky'Abalevi ni kyonka Musa ky'ataagha mugabo. Omugabo gwaibwe nga guli na kuva ku ebyo ebigheebwayo eri Musengwa Katonda nga byokerwa ku alutaari nga Musengwa Katonda oyo bwe yalagira Musa.

Yoshua 13:33

Aye ekika eky'Abalevi tiyakigha mugabo. Yabakoba ati omugabo gwaibwe gwidha kuvanga ku binaagheebwangayo eri Musengwa Katonda wa Isiraeli.

Yoshua 14:3

Musa yali amaze okugha ebika ebibiri n'ekitundu omugabo gwaibwe e buvandhuba wa Yorudani, aye Abalevi tiyabagha.