Okubala 26:10 - Baibuli Ekibono kya Katonda 2014

¹⁰ Era ku olwo eitaka lyayasama, lyabamira ghalala ni Kora. Mu nsambo eyo, ekikunsu ky'abantu abo kyafa, ku lule omuliro lwe gwasenkeenha abantu abaaghera ebikumi ebibiri n'ataanu, ni bafuuka akamanhiso ak'okulabula abandi.

Okubala 26:10 ပူးပေါင်းရင်းမြစ်များ

Okuvaayo 16:35

Abaisiraeli baalya mannu okumala emyaka amakumi ana, okutuusa lwe baatuuka mu nsi ey'e Kanaani ghe baafuula obutaka bwaibwe.

Yeremia 29:22

Era abantu abaatoolebwa e Yerusalemu ni batwalibwa e Babilonia mu bunhage, bwe banaayendanga okukolimira omuntu, baidha kukobanga bati, ‘Musengwa Katonda agwananga yaakukola kye yakola Zedekia ni Ahabu, kyabazinga ow'e Babilonia be yayokya mu muliro ni bafa.’

Ezekieli 14:8

Ndimwefuulira naamukyagha, naamufuula akamanhiso ak'okulabulanga abandi era eky'okuyeeyereza. Era ndimuboola naalekera agho okumubalira mu bantu bange, memale olwo mwamanha nga ninze Musengwa Katonda.

Okubala 16:2

beesitula nga bali n'abantu ebikumi bibiri n'ataanu, nga bakulembeze mu Isiraeli era nga bamanhiibwa bukalamu.

Okubala 16:38

Ebiniokezebwamu obubbaani ebyo eby'abantu abo abaayonoona ni baitibwa, bitukuvu, kuba baabighaayo eri nze Musengwa Katonda. Kale ni ka babigheeseemu amabaati ag'okughembanga ku alutaari, kabenga akamanhiso ak'okulabulanga Abaisiraeli.”

Okubala 17:3

Era oidha kughandiika eriina ly'Aaroni ku mwigo ogw'ekika kya Levi, kuba buli mukulu wa kika aidha kuba n'omwigo mulala.

Okubala 27:3

“Lata waife yafiira mu irungu nga tazaireeku mwana mulenzi. Aye tiyeeyimbaku n'abo abeekungaania ni batakania Musengwa Katonda ghalala ni Kora. Mwene yafa lwa kibi kye kindi.

Amateeka Agokubiri 11:6

Era mwidhukira kye yakola Dathani ni Abiramu batabane ba Eliabu ow'omu kika kya Reubeni. Musengwa Katonda oyo yaleetera eitaka okwasama ng'Abaisiraeli boonaboona babona, lyamira abantu abo, n'ab'omu maka gaibwe, n'eweema dhaibwe, na kiisi kiramu kye baali nakyo.

Amateeka Agokubiri 28:46

Ebikolimo ebyo biidha kubabangaku imwe ni baidhukulu baimwe enaku dhoonadhoona, bibenga ebyewuunhio n'ebyewuninkiriza.

2 Petero 2:6

Katonda yafuula Sodoma ni Gomorra eky'okuboneraku eri abo abatalimutya bwe yasalira ebibuga ebyo omusango ni gubisinga, n'abisaaniagho n'omuliro.

Yuda 1:7

Nhenda era okubaidhusa Sodoma ni Gomorra n'ebibuga ebindi ebyali biriiraine agho, byona ebyakola ebikolwa eby'ensoni n'eby'amairu ag'abasaadha n'abakazi agatajiira ku butonde. Bino byabonerezebwa mu muliro ogutazikira, byafuuka eky'okuboneraku.

1 Samueli 2:34

Era kino ekija okutuuka ku batabane bo bombi, Hofuni ni Finehasi, kiidha kuba akamanhiso akakakasa; bombi baja kufa ku lunaku lulala.