Okubala 25:4 - Baibuli Ekibono kya Katonda 2014

⁴ Musengwa oyo yaakoba Musa ati: “Twala abakulembeze ab'Abaisiraeli boonaboona obaitire mu maiso gange omusana ng'abantu boonaboona babona, memale obusungu bwange obubitirivu bubaveeku imwe Abaisiraeli.”

Okubala 25:4 ပူးပေါင်းရင်းမြစ်များ

2 Samueli 21:6

Kale ni batughe abantu musanvu ku baidhukulu be, tubasibe emigugha mu nkoto tubalengeedhie mu maiso ga Musengwa Katonda e Gibea ku lusozi lwa Musengwa Katonda.” Kyabazinga yaabairamu ati: “Ndidha kubagha abantu abo omusanvu.”

2 Samueli 21:9

Abo omusanvu yaabaghaayo eri Abagibeoni babaghanika baabalengeedhia mu maiso ga Musengwa Katonda ku lusozi, era baafiira ghalala boonaboona. Baabaita mu nnaku edhisooka edh'amakungula, ng'abantu baakainhama okukungula sayiri.

Zabbuli 106:29

Olw'ebikolwa byaibwe ebyo baaleetera Musengwa Katonda okusungughala, yaabaleetamu endwaire embi einho eyabamulungula.

Okuvaayo 18:25

yaalinga mu Baisiraeli boonaboona, yaalondamu abantu abali n'obusobozi, yaabafuula abakulembeze b'abantu olukumi olukumi, n'abantu ekikumi ekikumi, n'abantu ataanu ataanu, n'abantu eikumi eikumi.

Yona 3:9

Tomanha, oba katyo Katonda asobola okukyusa ekirowoozo kye, yaalekera okusungughala ekibitiriire, yaaloba kutuzikiriza.’ ”

Okubala 25:11

“Finehasi mutabane wa Eleazari era nga mwidhukulu wa Aaroni kabona, alekeiza obusungu bwange okuba ku Baisiraeli. Agemeibwa enkikidi eyange ye ndi nayo ku bantu bange abo Abaisiraeli, yaaloba kuguminkirizaaku waire omulala ku bo, okusinza katonda atali nze. Kye nviire ni ntabazikiriza mu busungu bwange.

Okubala 25:18

baabasenderasendera e Peori. Era balumbe, obaite, olwa Kozubi mwanhinaibwe, mughala w'omufuzi ow'e Midia. Kozubi oyo yaitibwa mu biseera ekibamba ghe kyaitira abantu, nze Musengwa kye nasindika olw'ebyo ebyali e Peori.”

Amateeka Agokubiri 13:11

Agho Abaisiraeli boonaboona bwe banaawuliranga ekibairegho, baidha kutyanga. Olwo ghalobe kubaagho muntu wundi mu imwe airayo kukola kibi kyaga agho.

Amateeka Agokubiri 13:13

ghaligho abantu ab'eighanga lyaimwe abadankaanu, abamaze okusendasenda abatyamye b'omu kibuga kyaibwe okusinza bakatonda be mutasinzangaku.

Amateeka Agokubiri 13:15

mwitenga bwite abatyamye ab'omu kibuga ekyo,n'ebyayo byaibwe, ekibuga mukisaaniengagho.

Amateeka Agokubiri 13:17

Muteesigalizangayo kintu waire ekirala ku ebyo ebigheereibwayo okuzikirizibwa. Olwo Musengwa Katonda asobole okukomya obusungu bwe obubitirivu. Aidha kubagemerwanga ekivunika, abasaasire, era abafuule bangi nga bweyasuubiza badhaadha baimwe.

Amateeka Agokubiri 21:22

“Omuntu bw'anaakolanga ekibi ekimugwaniiza okufa, era nga mumaze okumwita, ni mumughanika ku muti n'alengeedhera okwo,

Amateeka Agokubiri 21:23

omulambo gwe tiguusulenga ku muti okwo, aye munaaguziikanga ku lunaku olwo lwene. Kuba omulambo ogughanikiibwa ku muti ni gulengeedhera okwo guleeta ekikolimo kya Katonda ku nsi. Kale ni mulobenga kwonoona nsi Musengwa Katonda waimwe y'ali kubagha okuba obutaka bwaimwe.”

Amateeka Agokubiri 4:3

Imwe beene mweboneraku n'agaimwe, Musengwa Katonda waimwe bye yakolera e Peori, ebigema ku Baali. Nga bweyazikiriza mu imwe abo boonaboona abaali basinza Baali oyo.

Yoshua 22:17

Aye mwidhukire ekibi kye twakola nga tuli e Peori, era mwidhukire Musengwa Katonda bwe yasindika mu bantu be endwaire embi ng'ekibonerezo. Endwaire eyo ekaatudaaza, imwe mudhuuba ng'ekyo kyali kitono?

Yoshua 23:2

Kale Yoshua oyo yaayeta, abakulu ab'ebika, abakulu ab'ebikunsu eby'endhawulo, abalamuzi, n'abakulembeze mu Isiraeli, n'Abaisiraeli abandi yaabakoba ati: “Buti nkairiighe n'emyaka gimpoireku.