Okubala 25:3 - Baibuli Ekibono kya Katonda 2014

³ Kale Abaisiraeli baasinzanga omusambwa Baali ogw'e Peori. Agho obusungu bwa Musengwa bwabatumbukiraku ng'oti muliro.

Okubala 25:3 ပူးပေါင်းရင်းမြစ်များ

Zabbuli 90:11

Naani aidhi amaani g'obusungu bwo kye gasobola okukola? Era naani ategeera obusungu bwo nga bwe butiisa?

Yeremia 17:4

Mulirekula ensi ye nabagha ng'omugabo ogwaimwe, abazigu baagitwala. Nja kubafuula bagheereza ba bazigu baimwe eyo mu nsi ye mutaidhi naire, kuba obusungu bwange butumbwike ng'oti muliro era tiguja kuzikira.”

Hosea 4:14

Tiribonereza baghala baimwe nga bakoze obwamalaaya, waire okubonereza bakazi baimwe nga bakoze obwenzi; kuba n'imwe abasaadha beene muja n'abakazi bamalaaya ab'omu isabo, era mwabeeyimbaku mwaghaayo emisengo. Kale ni abantu abatategeera balizikirira.

Hosea 9:10

Musengwa Katonda akoba ati: “Nayagaana ensi Isiraeli ng'oti n'ole bw'ayagaana emizabbibu egiri kukulira eyo mu irungu. Era naabona badhaadha baimwe ng'oti n'ole bw'abona ebibala eby'omutiini ebisooka okwenga mu mwaka. Aye bwe baatuuka ka lusozi Peori baatoolera okusinza omusambwa Baali, olwo baafuuka ekyenhinhalwa ng'oti n'omusambwa gwene ogwo gwe baasinzanga bwe gwali.

Okubala 25:5

Agho Musa yaakoba abalamuzi ati: “Buli mulala ku imwe aje aite abasaadha boonaboona abali mu kikunsu kye, abaasinza omusambwa Baali ogw'e Peori.”

Okubala 31:16

Mwidhukire nga baali bakazi abo, mu bizibu ebyali e Peori, nga bajiira ku magezi ga Balaamu, baaleetera Abaisiraeli okughemukira Musengwa Katonda baalekera okuba abeesigwa y'ali. Ekyavaamu n'ekibamba okwidha mu bantu ba Musengwa Katonda abo.

Yoshua 22:17

Aye mwidhukire ekibi kye twakola nga tuli e Peori, era mwidhukire Musengwa Katonda bwe yasindika mu bantu be endwaire embi ng'ekibonerezo. Endwaire eyo ekaatudaaza, imwe mudhuuba ng'ekyo kyali kitono?

Abalamuzi 2:11

Agho Abaisiraeli baayonoona ye Musengwa Katonda, baasinza emisambwa egyetebwa Baali.

Abalamuzi 2:13

Baava ku Musengwa Katonda, baagheereza emisambwa egyetebwa Baali ni Ashitarothi.

Abalamuzi 2:14

Kale obusungu bwa Musengwa Katonda bwatumbukira ku Baisiraeli ng'oti muliro, era yaabaghaayo mu ngalo dh'abanhazi, baabanhagaku ebyaibwe. Yaaleka abazigu baibwe abaali nga babeezungulwire baabaghangula. Olwo Abaisiraeli baaba nga tibakaaghanga kwerwanaku.

Abalamuzi 2:20

Agho obusungu bwa Musengwa Katonda bwatumbukira ku Baisiraeli ng'oti muliro, yaakoba ati: “Abantu ab'eighanga lino bamenhie endagaano ye nalagira badhaadha baibwe okukuumanga, era tibakampulira naire.