Okubala 22:6 - Baibuli Ekibono kya Katonda 2014

⁶ Kale mperaano nkweghembye, oidhe onkolimirire abantu abo, kuba batusinga inho amaani; oba katyo tunaasobola okubaghangula twababingagho. Ndidhi nti omuntu y'osabira enkabi aba wa nkabi, ate y'okolimira yaaba mukolimire.”

Okubala 22:6 ပူးပေါင်းရင်းမြစ်များ

Amainhama 12:3

“Abo abakusabira enkabi, nnaabaghanga enkabi, aye abo abakukolimira zeena ndidhanga kubakolimira. Era mu iwe amaghanga goonagoona mwe galigheerwa enkabi.”

Amainhama 27:29

Abantu aba buli nsambo bakugheerezenga, n'amaghanga kamaala gakukubirenga amakiryaivu! Ofugenga baganda bo, era abaana ba inhoko bakukubirenga amakiryaivu! Kiisi akukolimira akolimirwenga, era kiisi akusabira enkabi, yeena agheebwenga enkabi!”

1 Bakyabazinga 22:13

Agho omukwenda eyaja okweta Mikaia, yaakoba Mikaia oyo ati: “Bona eno, abalanzi abandi boonaboona balanze bughanguzi eri kyabazinga. Weena ogwaine olange nga beene bwe bakoze, ng'oyogera bikalamu.”

1 Bakyabazinga 22:6

Agho kyabazinga wa Isiraeli yaasoloza abalanzi ng'ebikumi bina, yaababuuza ati: “Nje numbe Ramothi eky'e Gileadi, oba ntakirumba?” Bairamu bati: “Ja okirumbe, Musengwa Katonda aidha kukikugha okighangule.”

1 Bakyabazinga 22:8

Kyabazinga wa Isiraeli yaakoba Yehoshafati ati: “Ghakaaligho omuntu ye tusobola okubitamu okwebuuzaaku ku Musengwa Katonda. Oyo ni Mikaia, mutabane wa Imula. Aye timwenda naire, kuba talangangaku bikalamu ku nze, okutoolaku ebibi.” Yehoshafati yaakoba ati: “Kyabazinga, otakoba otyo.”

Nehemia 13:2

kuba abantu abo baaloba okugha Abaisiraeli emere n'amaadhi mu lugendo lwaibwe nga buli kuva e Misiri. Era baagulirira Balaamu abakolimire. Aye Katonda waife mu kifo eky'ekikolimo, yaatughaamu nkabi.”

Zabbuli 109:28

Ka bankolimire aye nga iwe ompa bwa nkabi! Ni bwe baanumba, ka baswale aye nga nze omugheereza wo nsangaala busangaale.

Ensambo 26:2

Ng'enkazaluya bw'epuuluukira eyo etyo, n'akamiini ni kagulukira eyo katyo, n'ekikolimo eri omuntu aziraku nsonga kityo bwe kiba, tikimugema.

Ezekieli 13:6

Balimba abantu bati babonekeirwa era baalanga eby'obuguya. Baabakobera mbu bali kwogera bukwenda bwange nze Musengwa Katonda, ate nga ti ninze mbatumye. Era basuubira mbu nze ndidha kutuukiriza bye bakobye.

Mika 6:5

Bantu bange, mwidhukire Balaki Kyabazinga w'e Moabu bye yali ategeike okubakola, era ni Balaamu mutabane wa Beora bye yamwiramu. Era mwidhukire ebyali mu ngira nga muva e Shittimu nga muja e Giligali. Bwe munaidhukira ebyo byonabyona munaategeera bye nkola okubalokola.”

Okubala 22:12

Aye Katonda yaakoba Balaamu ati: “Otaja nabo, era otakolimira bantu Baisiraeli bale, kuba bali n'enkabi.”

Okubala 22:17

kuba ndidha kukuleetera okuba ow'ekitiibwa einho, era ky'onankoba okukola kyonakyona ndidha kukikola. Idha onkolimirire abantu abo.’ ”

Okubala 23:13

Agho Balaki yaakoba Balaamu ati: “Idha tuje mu kifo ekindi gh'onaabonera abandi ku Baisiraeli abanaakuba okumpi, waire nga toobabone boonaboona. Memale olwo obankolimirire ng'oli eyo.”

Okubala 23:27

Kabiri Balaki yaakoba Balaamu ati: “Mpegaano idha, ka nkutwale mu kifo ekindi, oba katyo Katonda anaikiriza okukuleka waabankolimirira eyo.”

Okubala 24:9

Babwama era baalambaala ng'oti mpologoma. Naani akana okubasitusa? Kiisi asabira Abaisiraeli abo enkabi, yeena agheebwenga enkabi. Kiisi abakolimira, yeena akolimirwenga.”

Ebikolwa by'Abatume 16:16

Olunaku lulala twali tuja mu kifo ekisabirwamu, twayagaana omughala omwiru eyali abandwa omuzimu ogulagula era eyafuniranga basengwa be ebintu ekyodo ng'alagula.

Amateeka Agokubiri 23:4

Kuba mu lugendo lwaimwe nga muli kuva e Misiri, baaloba okubagha emere n'amaadhi. Era baagulirira Balaamu mutabane wa Beori ow'e Pethori ekibuga ky'e Mesopotamia, okubakolimira.

Yoshua 24:9

Kyabazinga w'e Moabu ye baayetanga Balaki mutabane wa Zippori, yeena yabalwanisa era yaayeta Balaamu mutabane wa Beori abakolimire.

1 Samueli 17:43

Omufilisiti yaakoba Daudi ati: “Nze ondhese mbwa, memale ondhidhire n'emiigo obwigo.” Agho yakolimira Daudi mu liina ly'emisambwa gye.