Okubala 22:5 - Baibuli Ekibono kya Katonda 2014

⁵ yaatuma abakwenda ye Balaamu mutabane wa Beori e Pethori, ekiri okumpi n'omwiga Eufurate mu kiketezo ekyetebwa Amawa. Bamukobe bati: “Bona eno, abantu ab'eighanga eiramba baava e Misiri, baidha baasiisira era baamaamira ekiketezo kyaife, era bali ghano kumpi n'ife.

Okubala 22:5 ပူးပေါင်းရင်းမြစ်များ

Amainhama 13:16

Ndidha kufuula baidhukulu bo okuba abangi ng'oti nkungu mu nsi kibe nti ole bw'alisobola okubala enkungu mu nsi, olwo ni baidhukulu bo boona baliba basobola okubalwa.

Zabbuli 105:24

Musengwa Katonda yaabagha okuzaalagana baayala, baaba ba maani okusinga abazigu baibwe.

Okuvaayo 10:15

Kuba dhaaghemba ku nsi yoonayoona, yairugala olw'enzige edho, dhaalya ebimera byonabyona ebyali mu Misiri, n'ebibala ebyali ku miti byonabyona omugozi bye gutaakunkumula. Ghazira muti gwonagwona, oba ekimera ekindi kyonakyona, waire nga kya mu nsiko, ekyasigazaaku olwa kiragala mu nsi yoonayoona Misiri.

Mika 6:5

Bantu bange, mwidhukire Balaki Kyabazinga w'e Moabu bye yali ategeike okubakola, era ni Balaamu mutabane wa Beora bye yamwiramu. Era mwidhukire ebyali mu ngira nga muva e Shittimu nga muja e Giligali. Bwe munaidhukira ebyo byonabyona munaategeera bye nkola okubalokola.”

Okubala 23:7

Agho Balaamu yaayogera ebibono eby'obulanzi bino, ati: “Balaki kyabazinga wa Moabu yandheta okuva mu Aramu, mu nsozi edh'omu buvandhuba: Yankoba ati, ‘Idha onkolimirire aba Yakobo idha ovumirire Abaisiraeli abo.’

Okubala 31:8

Baita bakyabazinga abataanu ab'Abamidia, bano: Evi, Rekema, Zuri, Huri ni Reba. Era mu lutalo olwo mwe baitira ni Balaamu mutabane wa Beori.

Amateeka Agokubiri 23:4

Kuba mu lugendo lwaimwe nga muli kuva e Misiri, baaloba okubagha emere n'amaadhi. Era baagulirira Balaamu mutabane wa Beori ow'e Pethori ekibuga ky'e Mesopotamia, okubakolimira.

Amateeka Agokubiri 23:5

Aye Musengwa Katonda waimwe yabagonza, yaaloba kuwulirisa bya Balaamu. Mu kifo eky'ekikolimo, yaabaghaamu nkabi.

Yoshua 13:22

Era mu bantu Abaisiraeli be baita n'omwali Balaamu omulaguzi era mutabane wa Beora.

Yoshua 24:9

Kyabazinga w'e Moabu ye baayetanga Balaki mutabane wa Zippori, yeena yabalwanisa era yaayeta Balaamu mutabane wa Beori abakolimire.

Yuda 1:11

Bakagwireku! Kuba bagema engira nga Kaini ye yagema. Olw'okugonza einho empiiya bagwa mu nsobi ya Balaamu. Era nga Kora bwe yakola, boona badheemera ababafuga, era baazikirizibwa nga bwe yazikirizibwa

Okwolekebwa 2:14

“Aye ndiku ni bye ntakusiimaku: Eyo oliyo n'abantu abajiira ku kwegeresa kwa Balaamu eyayegeresa Balaki okusendasenda Abaisiraeli okugwa mu kibi balye ebigheereibwayo eri ebisinzibwa ebitali Katonda, era bakole eby'obudankaanu.