Okubala 22:41 - Baibuli Ekibono kya Katonda 2014

⁴¹ Bwe bwakya enkyo, Balaki yaatwala Balaamu mu kifo ekigulumivu eky'okusinzizaamu e Bamothi Baali. Balaamu ng'ali eyo, yaabonaku abandi ku Baisiraeli abaamuli okumpi.

Okubala 22:41 ပူးပေါင်းရင်းမြစ်များ

2 Ebyomubyanda 11:15

Yeroboamu oyo yeeteeragho bakabona ababe abaagheerezanga mu bifo ebigulumivu eby'okusinzizaamu, n'abo abaagheerezanga emisambwa n'ebifaananie eby'ente ento.

Yeremia 19:5

Era baaja baazimbira omusambwa Baali ebifo ebigulumivu ebisinzibwamu, eby'okwokerangaku abaana baibwe n'omuliro ng'ebigheebwayo ebyokebwa. Ate nga nze tibalagirangaku kukola kintu ekyo, waire okukirowoozaaku obulowooze mu mwoyo gwange.

Yeremia 48:35

Nja kulekeza abantu ab'omu Moabu okughangayo emisengo egyokebwa mu bifo byaibwe ebigulumivu eby'okusinzizaamu, era ndekeze n'okuniokezanga bakatonda baibwe obubbaani. Nze Musengwa Katonda, ninze nkobye.

Okubala 21:28

Omuliro gwava mu Heshiboni; enimi dhaagwo dhaava mu kibuga kya Sihoni. Gwayokya ekibuga Ari ekya Moabu; gwamamulamamula abakungu ab'ebifo ebigulumivu eby'okusinzizaamu 1 ku mwiga Arunoni.

Okubala 22:40

Balaki yaaghaayo ente n'entaama ng'omusengo, era yaagheerezaaku Balaamu n'abakungu abaali naye emamba.

Okubala 23:1

Balaamu yaakoba Balaki ati: “Nzimbira ghano alutaari musanvu, era ondeetere ghano ente enume musanvu n'entaama enume musanvu.”

Okubala 23:13

Agho Balaki yaakoba Balaamu ati: “Idha tuje mu kifo ekindi gh'onaabonera abandi ku Baisiraeli abanaakuba okumpi, waire nga toobabone boonaboona. Memale olwo obankolimirire ng'oli eyo.”

Amateeka Agokubiri 12:2

Muli n'okuzikiriza ebifo byonabyona, ab'amaghanga ge muja okutwala mwe basinziza bakatonda baibwe: ku nsozi enene, ni ku busozi obutono, ni ghansi mu binsense by'emiti emizibirivu.