Okubala 22:34 - Baibuli Ekibono kya Katonda 2014

³⁴ Agho Balaamu yaakoba malaika wa Musengwa ati: “Nhonoine, kuba mbaire timanhie nga niiwe weekiise mu ngira okundobera okuja. Aye mpegaano oba nga kiba kibi y'oli nze okuja, ka nkyuke ndhireyo.”

Okubala 22:34 ပူးပေါင်းရင်းမြစ်များ

2 Samueli 12:13

Agho Daudi yaakoba Nathani ati: “Nakola ekibi naasungughaza Musengwa Katonda.” Nathani yaamukoba ati: “Musengwa Katonda akusoniighe toidha kufa.

1 Ebyomubyanda 21:7

Katonda yaasungughala olw'ekyo ekyakolebwa, kyeyava n'abonereza Isiraeli.

Zabbuli 78:34

Bwe yabaitamu banaibwe atyo, abaasigalagho baakyuka baira y'ali beenenia, baatoolera okumusinza n'omwoyo mulala.

Okuvaayo 9:27

Agho kyabazinga yaayetesa Musa ni Aaroni yaabakoba ati: “Ku mukuzi guno, ndhikiriiza gunsinze, Musengwa Katonda mutuufu aye nze n'abantu bange niife abakyamu.

Ensambo 24:18

Musengwa Katonda aidha kukibona anakughale, era alekere agho okusungughalira ole.

Okubala 11:1

Agho abantu beemuluguunhiza Musengwa Katonda ng'abawulira, olw'ebizibu ebyabatuukaku. Musengwa Katonda bweyabawulira, obusungu bwe bwabatumbukiraku ng'oti muliro. Agho omuliro gwa Musengwa Katonda oyo gwabaakiramu era gwayokya oluuyi olusembayo olw'ekifo ghe baasimba weema dhaibwe.

Okubala 14:40

Baawuuna ku nkyo inho baaniinaniina nga baaja mu kiketezo eky'oku nsozi, bakoba bati: “Bona eno tuli beetegefu okuja mu kifo Musengwa Katonda kye yatusuubiza. Bwenebwene tuboine nga twayonoona olw'okwemuluguunhia.”

Okubala 22:12

Aye Katonda yaakoba Balaamu ati: “Otaja nabo, era otakolimira bantu Baisiraeli bale, kuba bali n'enkabi.”

Okubala 22:33

Endogoyi yo emboine ku mikuzi egyo esatu, yanviirayo yaakyukira ku mbali. Era ngoli tekyusenga n'enviirayo, bwenebwene ngoli buti nkwise, yeene naagireka nga nnamu.”

1 Samueli 15:24

Saulo yairamu ati: “Nayonoona naadheemera ebiragiro bya Musengwa Katonda, era naaloba kujiira ku ebyo bye wansikirira, kuba natya abantu, naajiira ku bye bankoba.

1 Samueli 15:30

Agho Saulo yaakoba ati: “Nayonoona, mala gantaamuuku ku kanhagansi mperaano mu maiso g'abakulembeze ab'abantu bange n'ag'Abaisiraeli boonaboona, oireyo ninze nsobole okusinza Musengwa Katonda wo.”

1 Samueli 24:17

Yaakoba Daudi ati: “Niiwe omutuufu, kuba onkoleire ebirungi, aye nze naakusasulamu bibi.

1 Samueli 26:21

Agho Saulo yairamu ati: “Nkoze bubi. Ira, mwana wange Daudi, tikairayo kabiri kukukolaku kabi, kuba owoniiza obulamu bwange olwaleero. Bwenebwene mbaire musiru, era nkoze kibi inho.”