Okubala 22:32 - Baibuli Ekibono kya Katonda 2014

³² Malaika wa Musengwa Katonda, yaabuuza Balaamu ati: “Lwaki okubye endogoyi yo emikuzi egyo esatu? Bona eno, ndidhye okwekiika mu ngira yo, kuba olugendo lwo luno tirusemba.

Okubala 22:32 ပူးပေါင်းရင်းမြစ်များ

Zabbuli 145:9

Musengwa Katonda mulungi eri abantu boonaboona, alumirwa kiisi kye yakola.

Zabbuli 147:9

Agha ensolo emere yaadho, era atyo bw'akola n'amakoova amato, bwegaba gali kulira endhala.

Zabbuli 36:6

Obutuufu bwo bugulumivu ng'oti nsozi, ate ensala yo ey'amazima eika yaatuuka ku ntobo ey'enhandha. Niiwe owonia abantu n'ensolo obutagwa mu kabi.

Ensambo 14:2

Omuntu omwesimbu atya Musengwa Katonda, aye ateesigika amunhooma.

Ensambo 16:2

Ole asobola okwebona nga by'akola bituufu, aye Musengwa Katonda yeekebeedha ebigendererwa eby'omuntu oyo.

Ensambo 28:18

Omuntu omwesigwa aidha kubanga bukalamu, aye atali mwesigwa aja kugwa mangu inho.

Ensambo 28:6

Omuntu amala gaba mwavu aye nga mwesigwa, atabaire mukombe aye nga mukupankupania.

Yona 4:11

Memale nze tigwaine kufaayo ku Nineve, ekibuga ekikologho ekyo, ekirimu abaana abaziraku musango abaswika mu mitwalo eikumi n'ebiri (120,000), era nga kirimu n'ensolo kamaala?”

Mika 6:5

Bantu bange, mwidhukire Balaki Kyabazinga w'e Moabu bye yali ategeike okubakola, era ni Balaamu mutabane wa Beora bye yamwiramu. Era mwidhukire ebyali mu ngira nga muva e Shittimu nga muja e Giligali. Bwe munaidhukira ebyo byonabyona munaategeera bye nkola okubalokola.”

Okubala 22:20

Obwire obwo Katonda yaidha yaakoba Balaamu ati: “Oba nga abantu abo baidhie kukweta, situka oje nabo. Aye kye nnaakukoba okukola kyonka ky'onaakola.”

Okubala 22:22

Aye obusungu bwa Katonda bwatumbukira ku Balaamu ng'oti muliro, olw'okuja. Agho Balaamu bweyali ali kuvuga endogoyi ye ng'ali n'abagheereza be babiri, malaika wa Musengwa yeekiika mu ngira okumulobera okweyongerayo.

Okubala 22:28

Agho Musengwa Katonda yaasobozesa endogoyi okwogera. Endogoyi eyo yaabuuza Balaamu eti: “Nkukoze ki okunkuba emikuzi gino esatu?”

Okubala 22:33

Endogoyi yo emboine ku mikuzi egyo esatu, yanviirayo yaakyukira ku mbali. Era ngoli tekyusenga n'enviirayo, bwenebwene ngoli buti nkwise, yeene naagireka nga nnamu.”

Okubala 22:35

Aye malaika wa Musengwa Katonda yaamukoba ati: “Ja n'abasaadha abo, aye kye nnaakukoba okwogera kyonka ky'onaayogera.” Kale Balaamu yeeyongerayo, yaaja n'abakwenda ba Balaki.

Ebikolwa by'Abatume 13:10

yaamukoba ati: “Iwe omwana wa Sitaani! Iwe aidhwire obuguya n'obukupankupania, omuzigu w'obutuukirivu bwonabwona! Tolirekera kugodagoda magira ga Musengwa amatereevu?

Amateeka Agokubiri 23:4

Kuba mu lugendo lwaimwe nga muli kuva e Misiri, baaloba okubagha emere n'amaadhi. Era baagulirira Balaamu mutabane wa Beori ow'e Pethori ekibuga ky'e Mesopotamia, okubakolimira.

Amateeka Agokubiri 25:4

“Otasibanga nte munwa bw'eba ng'emulungula engaano.”