Okubala 22:12 - Baibuli Ekibono kya Katonda 2014

¹² Aye Katonda yaakoba Balaamu ati: “Otaja nabo, era otakolimira bantu Baisiraeli bale, kuba bali n'enkabi.”

Okubala 22:12 ပူးပေါင်းရင်းမြစ်များ

Amainhama 12:2

Ndidha kukugha abaidhukulu kamaala, bafuuke eighanga ery'amaani. Ndidha kukugha enkabi, era ndeetere eriina lyo okumanhikana olwo lighange okugheesanga abandi enkabi.

2 Ebyomubyanda 31:10

Agho Azaria Kabona Omukulu, mwidhukulu wa Zadoki, yaakoba ati: “Okuva abantu lwe baatoolera okuleeta ebintu mu isinzizo, tulya emere twaiguta twalekerera n'okulekerera, yaasigalagho nhingi inho kuba Musengwa Katonda aghaire abantu be enkabi.”

Zabbuli 144:15

Beesiimye abo abali mu mbeera ng'oti n'eyo. Beesiimye abali ni Musengwa Katonda nga ni Katonda waibwe!

Zabbuli 146:5

Yeesiimye oyo ayambibwa Katonda wa Yakobo, era n'asuubirira mu Musengwa Katonda nga ni Katonda we.

Isaia 61:9

Abaana baibwe balimanhikana mu maghanga, n'abaidhukulu baibwe baaba bamanhifu mu bantu boonaboona. Buli muntu anaababonanga alimanha ng'abo n'abantu, nze Musengwa Katonda be mpaire enkabi.”

Mika 6:5

Bantu bange, mwidhukire Balaki Kyabazinga w'e Moabu bye yali ategeike okubakola, era ni Balaamu mutabane wa Beora bye yamwiramu. Era mwidhukire ebyali mu ngira nga muva e Shittimu nga muja e Giligali. Bwe munaidhukira ebyo byonabyona munaategeera bye nkola okubalokola.”

Okubala 22:11

‘Bona eno, abantu ab'eighanga eiramba baava e Misiri, baidha baasiisira era baamaamira ekiketezo kyaife. Kale mperaano nkweghembye, oidhe onkolimirire abantu abo oba katyo tunaasobola okubalwanisa twababingagho.’ ”

Okubala 22:13

Enkyo Balaamu yaakobera abakwenda abaava ye Balaki ati: “Mwireyo ewaimwe, kuba nze Musengwa andobeire okuja n'imwe.”

Okubala 22:6

Kale mperaano nkweghembye, oidhe onkolimirire abantu abo, kuba batusinga inho amaani; oba katyo tunaasobola okubaghangula twababingagho. Ndidhi nti omuntu y'osabira enkabi aba wa nkabi, ate y'okolimira yaaba mukolimire.”

Okubala 23:23

Ghazira irogo lisobola kulumya ba Yakobo, ghazira kulagula kusobola kutuusa kabi ku Baisiraeli abo. Okutoolaku abantu baidhanga kwogera ku Baisiraeli abo, bati, ‘Katonda ng'abakoleire eby'amaani!’

Okubala 23:3

Balaamu yaakoba Balaki ati: “Yemerera kumpi n'ekigheebwayo kyo ekyokebwa. Nze ka nje mbone oba nga Musengwa anaidha okwagaanana ninze. Era buli ky'anandholeka kyonakyona, ndidha kwira nkikukobere.” Agho yaaja yaaniina ghaigulu ku lusozi.

Okubala 23:8

Nnaakolimira ntya oyo Katonda y'atakolimiire? Nnaavumirira ntya oyo Musengwa y'atavumiriire?

Okubala 24:9

Babwama era baalambaala ng'oti mpologoma. Naani akana okubasitusa? Kiisi asabira Abaisiraeli abo enkabi, yeena agheebwenga enkabi. Kiisi abakolimira, yeena akolimirwenga.”

Matayo 27:19

Mperaano, Pilato bwe yali ng'atyaime ku kityamo kye eky'obulamuzi, mukazi we yaamutumira obukwenda nga bukoba buti: “Omuntu oyo azira musango otaba ni ky'omukola kuba ebintu by'oyo kamaala byandaaziiza mu kirooto.”

Ab'e Roma 11:29

Kuba Katonda tiyeidhusa bw'alondamu, oba bw'agabira abantu.

Ab'Efeso 1:3

Katonda era Lata wa Musengwa waife Yesu Kurisito, eyatugha mu Kurisito kiisi mukisa gwa Mwoyo oguva mu igulu, agheebwe ekitiisa.

Amateeka Agokubiri 2:7

“Musengwa Katonda waimwe yabagha enkabi, ebintu byonabyona byabajiira bukalamu. Yaabalabirira nga muli kubita mu irungu lino einene. Emyaka gino amakumi ana yaaba ghalala n'imwe, nga muzira kye mudhulirira.

Amateeka Agokubiri 23:5

Aye Musengwa Katonda waimwe yabagonza, yaaloba kuwulirisa bya Balaamu. Mu kifo eky'ekikolimo, yaabaghaamu nkabi.

Amateeka Agokubiri 28:6

“Mwidha kubanga n'enkabi nga mwingira era mubenga n'enkabi nga mufuluma.

Amateeka Agokubiri 33:29

Weesiimye iwe Isiraeli! Naani ali ng'oti niiwe, eighanga erirokolebwa Musengwa Katonda? Musengwa Katonda mwene n'engabo yo era n'empiima yo, oyo n'akugha obughanguzi. Abazigu bo baliidha nga bakweghemba obagemerwe ekivunika, era iwe olibaniinaku.”

Amateeka Agokubiri 7:14

Musengwa Katonda aidha kubaghanga enkabi okusinga amaghanga agandi goonagoona. Mu imwe timuubengamu musaadha atazaala, oba mukazi mugumba, oba waire mu byayo byaimwe okubaamu ekitazaala.