Okubala 22:1 - Baibuli Ekibono kya Katonda 2014

¹ Agho Abaisiraeli baasitula, baaja baatuuka e Yeriko, ere ng'osomoike omwiga Yorudani, mu kiketezo ky'e Moabu eky'oku museetwe, baasimba eyo weema dhaibwe.

Okubala 22:1 ပူးပေါင်းရင်းမြစ်များ

Yeremia 40:11

Mu nsambo n'endala, Abayudaaya abandi abaali mu Moabu, ni mu Ammoni, ni mu Edomu, ni mu nsi edhindi, baawulira nga kyabazinga ow'e Babilonia yaganha Abayudaaya abandi okusigala mu Buyudaaya era nga Gedalia ni ye yabagha okubafuga.

Okubala 21:20

Bwe baava e Bamothi, baatuuka mu kiiko ekiri mu biketezo bya Moabu gh'olengerera eirungu, kumpi n'entwiko y'olusozi Pisiga.

Okubala 26:3

Agho Musa ni Eleazari kabona, baayogera n'abantu e Yeriko ekiri mu kiketezo ky'e Moabu eky'oku museetwe, ku mbali okw'omwiga Yorudani. Baabakoba bati:

Okubala 31:12

baabitwalira Musa ni Eleazari kabona, n'Abaisiraeli boonaboona abaali beesoloiza mu kifo ghe baasimba weema dhaibwe, e Yeriko mu kiketezo eky'oku museetwe ogw'e Moabu, okuliiraana n'omwiga Yorudani.

Okubala 32:19

Tituja kugabana nabo butaka ku luuyi lule olw'omwiga Yorudani n'okweyongerayo, kuba ife tumaze okufuna obutaka obwaife ku luuyi luno olw'e buvandhuba w'omwiga Yorudani ogwo.”

Okubala 34:15

Ebika ebyo ebibiri n'ekitundu, byamala ira okugheebwa obutaka bwabyo ere ng'osomoike Yorudani, ku luuyi olw'e buvandhuba ng'olingiriire Yeriko.”

Okubala 35:1

Agho Musengwa Katonda yaayogera ni Musa e Yeriko kumpi ni Yorudani, mu biketezo by'e Moabu eby'oku museetwe. Yaakoba Musa ati:

Okubala 36:13

Ago n'amateeka n'ebiragiro Musengwa Katonda bye yalagira Musa okukobera Abaisiraeli nga bali e Yeriko okumpi n'omwiga Yorudani mu kiketezo ky'e Moabu eky'oku museetwe.

Amateeka Agokubiri 1:5

Mu nsi Moabu, ere ng'omaze okusomoka omwiga Yorudani, Musa ye yatoolerera okwinhonhola amateeka ga Katonda, ng'akoba ati:

Amateeka Agokubiri 3:8

“Kale ni, mu biseera ebyo, twanhaga ensi dha bakyabazinga abo bombi Abamori abaabanga ere ng'osomoike Yorudani, okuva ku kiiko Arunoni okutuuka ku lusozi Herimoni.

Amateeka Agokubiri 34:1

Agho Musa yaava mu kiketezo eky'oku museetwe e Moabu, yaaniinaniina ku lusozi Nebo, entwiko ya Pisiga, olulingiriire Yeriko. Musengwa Katonda yaamwoleka ekiketezo kyonakyona okuva e Gileadi, okutuuka e Dani,

Amateeka Agokubiri 34:8

Agho Abaisiraeli baalira Musa okumala enaku amakumi asatu, nga bali mu kiketezo eky'oku museetwe e Moabu, okutuusa ekiseera eky'okumulira bwe kyawaaku.

Yoshua 3:16

amaadhi gaalekera okutambula, geebunga kumpi n'ekibuga Adamu ekiriiraine ekibuga Zarethani. Amaadhi agaali gaserengeta nga gaja mu Nhandha Eyomuunhu gaalekera agho, abantu baasobola okusomoka nga boolekeire Yeriko.