Okubala 21:5 - Baibuli Ekibono kya Katonda 2014

⁵ Kale baatoolera okwemuluguunhiza Katonda ni Musa nga bakoba bati: “Lwaki mwatutoola mu Misiri okwidha okufiira ghano mu irungu? Ghano ghazira mere waire amaadhi, era bino ebimere bitusinie.”

Okubala 21:5 ပူးပေါင်းရင်းမြစ်များ

Zabbuli 68:6

Abo abazira ghe baba abafunira amaka ag'okubangamu, yaatoola abasibe mu makomera, yaabatuusa ku idembe ery'okusanhuka. Aye abadheemu abaleetera okusenga ku itaka ery'olubbalangu.

Zabbuli 78:19

Baayogera bubi ku Katonda, bati: “Katonda asobola okutufunira emere mu irungu?

Okuvaayo 14:11

Beemuluguunhiza Musa nga bakoba bati: “Lwa kuba mu Misiri yali ezira magombe ganditumaze kutuziikamu, kye wava n'otutoolayo twidhe tufiire eno mu irungu? Watukola ki kino okututoola mu Misiri?

Okuvaayo 15:24

Abantu beemuluguunhia nga babuuza Musa bati: “Olwo mperaano ife tunaanhwa ki?”

Okuvaayo 16:15

Abaisiraeli bwe baalubona beebuuzagania beene na beene bati: “Kino ki?” Musa yaabairamu ati: “Eyo n'emere Musengwa Katonda y'abaghaire okulya.

Okuvaayo 16:31

Abaisiraeli baayeta emere eyo mannu, ng'eri ng'oti kamuuma akatono ate nga keeru, era ng'ewooma ng'oti n'emigaati emitono gye bafumbiramu omudheenene.

Ensambo 27:7

Omuntu aigwite tawoomerwa ni bweguba omudheenene ogw'endhuki, aye omuyala awoomerwa n'ebikaagha.

Ezekieli 20:21

“Aye abaana boona bandheemera, baaloba kujiira ku mateeka gange era baava ku biragiro byange, ebireetera omuntu okuba omulamu ng'abituukiriiza. Baayonoona n'olunaku lwange olwa Sabbato. Agho naayenda okubamaliraku ekiruyi kyange, mboolekeze obusungu bwange nga bali eyo mu nsi Misiri.

Okubala 11:20

aye mwidha kugirya omwezi mulamba okutuusa lw'eribafulumira mu nhindo n'ebasemba ku mwoyo. Ebyo bija kuba bityo kuba mwava ku Musengwa Katonda ali mu imwe, mwamwemuluguunhiza muti kale lwaki twava e Misiri?’ ”

Okubala 16:41

Ku lunaku olwairirira, abantu boonaboona beemuluguunhiza Musa ni Aaroni, nga bakoba bati: “Mwaise abantu ba Musengwa Katonda!”

Okubala 17:12

Agho Abaisiraeli baakoba Musa bati: “Bona eno, tutuuse okuzikirira. Tufiire, tuwoiregho.

1 Ab'e Korintho 10:9

Tulobenga kuleba Musengwa ng'abandi ku abo bwe baakola, emisota ni gibaita.