Okubala 20:8 - Baibuli Ekibono kya Katonda 2014

⁸ “Toola omwigo gwo, osoloze abantu boonaboona ng'oli ghalala ni muganda wo Aaroni. Memale okobe olubaale luveemu amaadhi gaalwo, nga boonaboona babona. Olwo oidha kutoola amaadhi mu lubaale, oghe abantu banhwe n'ebyayo byaibwe.”

Okubala 20:8 ပူးပေါင်းရင်းမြစ်များ

Amainhama 18:14

Ghaligho ekintu ekikalangufu einho Musengwa Katonda ky'atasobola? Nga bwe nkukobye, omwaka ogwidha mu biseera bino, ndikukyalira kabiri era mukazi wo Sara aliba ng'azaire omwana mulenzi.”

Nehemia 9:15

Wabagha emere okuva mu igulu okubawonia endhala, era waabagha amaadhi okuva mu lubaale okubawonia endiwo. Waabakoba baje batoole ebiketezo bye wasuubiza okubagha, bibe ebyaibwe ku bwaibwe.

Zabbuli 105:41

Yakuba olubaale lwayawuka, mwafukumukamu amaadhi, gaakuuluula mu irungu ng'oti mwiga;

Zabbuli 114:8

oyo afuula aghabaire olubaale ni ghabaagho ekidiba eky'amaadhi, era n'afuula aghabaire eibaale eikalangafu ni ghaidhagho enhindo edhivaamu amaadhi agakuuluula.

Zabbuli 33:9

kuba yayogera bwogere ensi yaabaagho, yaalagira bulagire buli kintu kyabaagho.

Okuvaayo 14:16

Iwe toola omwigo gwo, ogusonke ku nhandha, amaadhi gaidha kwegabaniamu ghabiri, Abaisiraeli baghange okubita mu nhandha nga batambulira ku itaka ikalu.

Okuvaayo 17:9

Musa yaakoba Yoshua ati: “Londayo abasaadha muje enkyo mulwane n'Abamaleki. Nze ndidha kuba ku mutwe ogw'olusozi nga ngemye omwigo Katonda gwe yankoba okuja nagwo.”

Okuvaayo 4:17

Era oidha kuja n'omwigo ogwo gw'oli nagwo mu ngalo, ni gw'olikozesa obumanhiso obwo.”

Okuvaayo 4:2

Musengwa Katonda n'okumubuuza ati: “Kiki ekyo ekikuli mu ngalo?” Musa yaamwiramu ati: “Mwigo.”

Okuvaayo 4:20

Musa yaata mukazi we ni batabane be ku ndogoyi, baaja e Misiri, nga mwene agemye omwigo Katonda gwe yamukoba okuja nagwo.

Okuvaayo 7:20

Agho Musa ni Aaroni baakola nga Musengwa Katonda bweyabalagira, nga kyabazinga n'abakungu be babona. Yaaghanika omwigo, yaakuba amaadhi agaali mu mwiga Kiyira, era amaadhi ago goonagoona gaafuuka musaayi.

Isaia 43:20

Ensolo edh'omu nsiko dhirintaamu ekitiisa, n'ebibe ni maaya byansaaka; olw'okuba ntaagho emiiga mu nsi enkalukalu naaleetera amaadhi okuba mu irungu, olwo naagha abantu bange be nalondamu okunhwa.

Isaia 48:21

Musengwa Katonda oyo bwe yali ng'ali kubisa abantu be mu irungu, endiwo tiyabagema naire; kuba yayatisa olubaale, amaadhi gaatiiriika nga gava mu lutanda olwo, atyo yaabagha amaadhi okuva mu lubaale olwo.

Okubala 20:11

Era Musa yaagalula omukono yaakuba olubaale emikuzi ebiri n'omwigo gwe. Amaadhi amangi einho gaava mu lubaale olwo, abantu baanhwa n'ebyayo byaibwe.

Okubala 20:7

Musengwa Katonda yaakoba Musa ati:

Okubala 21:15

n'obuserengeto obw'ebiiko, ebija ni bituuka ku kibuga Ari, kumpi n'ensalosalo ni Moabu.”

Okubala 21:18

Ensulo eyasimwa abakologho, abakungu ab'abantu; nga basimisa emiigo gyaibwe egy'obwakyabazinga, emiigo gyaibwe egy'omu ngalo.” Bwe baava mu irungu, baaja e Mattana.

Matayo 21:21

Yesu yaabairamu ati: “Bwenebwene ka mbakobere, bwe muba n'okwikiriza, nga timubuusabuusa, timulikola ekyo ekikoleibwa ku mutiini kyonka, aye ni bwe mulikoba olusozi luno muti, ‘Va ghano weesuule mu nhandha,’ kityo bwe kiriba.

Luka 11:13

Kale oba imwe, ababi, mwidhi okugha abaana baimwe ebirabo ebirungi, memale Lata waimwe ow'omu igulu! Talisingagho inho okugha Mwoyo Mutukuvu ababa bamusabye?”

Yoanne 16:24

Ni ye buli eno timusabangaku kintu kyonakyona mu liina lyange. Musabe muligheebwa, okusagamba kwaimwe kwatuukirira.

Ebikolwa by'Abatume 1:14

Bano boonaboona beemalira ku kusaba n'omwoyo mulala, ghalala n'abakazi, ni Maria mukaire wa Yesu, ni baganda be.

Yoshua 6:20

Kale bakabona baafuuwa endeka. Era abantu olwawulira endeka baaleekaana inho n'amaani, ebimante ebyali byezungulwire ekibuga byagwa byonabyona ku itaka. Olwo abantu bangira mu kibuga butereevu okuva buli muntu ghe yali, baakigema.

Yoshua 6:5

Agho bakabona abo balifuuwayo endeka omukuzi mulala nga muleeyiriri, era bwe muliguwulira abasaadha bo boonaboona balireekaanira ghaigulu omukuzi mulala. Olwo ebimante ebyezungulwire ekibuga byagwa byonabyona ku itaka. Olwo abasaadha bo bangira mu kibuga okuva buli muntu gh'aliba ng'ali.”

Okwolekebwa 22:1

Agho malaika yandholeka omwiga ogw'amaadhi ag'obulamu agabitamu amaiso, oguva mu kityamo kya Katonda n'eky'Entaama Ento.

Okwolekebwa 22:17

Mwoyo n'Omugole bakoba bati: “Idha!” N'oyo awulira bino akoba ati: “Idha!” Kiisi ali ndiwo aidhe, era kiisi ayenda maadhi ga bulamu, agafune aghazira kusasula.