Okubala 20:5 - Baibuli Ekibono kya Katonda 2014

⁵ Era lwaki watutoola mu Misiri okutuleeta mu kifo kino ekibi? Ghazira kintu kighanga kulimwagho, k'ebe engaano, oba emiti emitiini, oba emizabbibu, waire emikomamawanga! Ghazira waire maadhi ga kunhwa!”

Okubala 20:5 ပူးပေါင်းရင်းမြစ်များ

Nehemia 9:21

Wabakuuma okumala emyaka amakumi ana (40) nga bali mu irungu, nga ghazira kye badhulirira. Ebivaalo byaimwe tibyakairighaku waire ebigere okubazimbaku.

Yeremia 2:2

“Ja olangirire eri ab'omu Yerusalemu boonaboona, oti Musengwa Katonda akoba ati, ‘Ndidhi nga bwe wali omwesigwa ng'okaali muto, era nga bwe wali n'okugonza ng'okaali mugole. Waanonerezanga nga tuli mu irungu, mu nsi ezira kintu kisigibwamu naire.

Yeremia 2:6

Baaloba okwebuuzaaku naire bati, ‘Musengwa Katonda ali gha? Oyo n'eyatutoola mu nsi Misiri, yaatubisa mu irungu, mu nsi enkalu eidhwire ebiina, eziramu maadhi era ey'akabi, eziramu muntu agibitamu, era etabaamu bantu.’

Ezekieli 20:36

Nga bwe nasalira badhaadha baimwe omusango mu irungu ery'ensi Misiri, mwena ntyo bwenja okubasalira.” Musengwa Katonda atyo bw'akoba.

Okubala 16:14

Mu butuufu bwene tiwatuleeta mu nsi ngimu erimu birungi kamaala, era tiwatugha bibandha na masamba ga mizabbibu ni biba byaife ku bwaife. Aye oli kwenda kuziba bwa bantu bano maiso? Kale titwidha kwidha.”

Okubala 20:24

“Aaroni aidha kutwalibwa yeeyimbe ku bantu be abaafa. Taidha kwingira mu nsi ye nagha Abaisiraeli, kuba mwadheemera ekiragiro kyange nga muli gha maadhi ag'e Meriba.

Okubala 27:14

kuba mwadheemera ekiragiro kyange mu irungu ery'e Zini. Abantu bwe beemuluguunhia nga muli gha maadhi ag'e Meriba mu Kadeshi, timwayoleka bantu abo nga nze ndi n'obuyinza.”

Amateeka Agokubiri 8:15

Yababisa mu irungu einene era eritiisa, omwali emisota n'ebiyiri eby'obusagwa. Mu irungu omwo omuzira maadhi, yaabafunira amaadhi okuva mu lubaale olubbalangufu.”