Okubala 20:16 - Baibuli Ekibono kya Katonda 2014

¹⁶ Bwe twalirira Musengwa Katonda, Musengwa Katonda oyo yawulira okulira kwaife, yaatutumira malaika yaatutoola mu Misiri. Mpegaano tuli ghano e Kadeshi, ekibuga ekiri ku nsalosalo n'ekiketezo kyo.

Okubala 20:16 ပူးပေါင်းရင်းမြစ်များ

Okuvaayo 14:10

Abaisiraeli baaja okulinga bati, baalengera kyabazinga wa Misiri n'abalwani be boonaboona nga bali kubaidhira. Agho baatya ebitoogerekeka era baalirira Musengwa Katonda abayambe.

Okuvaayo 14:19

Malaika wa Katonda eyakulemberangamu Abaisiraeli yaakyuka yaabaira einhuma, n'ekire ekiri ng'oti mpango kyona kyava emberi waibwe kyabaira einhuma

Okuvaayo 23:20

“Bona eno, ndidha kubatumira malaika okubakulemberamu ng'abakuuma, era abatuuse mu kifo kye mbategekeire.

Okuvaayo 33:2

Ndidha kutuma malaika emberi waimwe, era ndidha kubinga mu nsi eyo Abakanaani, n'Abamori, n'Abahitti, n'Abaperizzi, n'Abahivi, n'Abayebusi.

Okuvaayo 6:5

Ate ekindi naawulira okulira okw'Abaisiraeli, Abamisiri be baafuula abairu, naidhukira endagaano yange.

Danieli 6:22

Katonda wange yatumye malaika we, yaaziba eminwa egy'empologoma dhaaloba kunkolaku kabi koonakoona, kuba mu maiso ga Katonda oyo nze nziraku musango gwonagwona. Era ni mu maiso go, iwe Isebantu kyabazinga, ghazira kibi kye nakola.”

Okubala 20:15

Oidhi nga badhaadha baife bwe baaja mu Misiri, ye twaba emyaka kamaala, Abamisiri ni babisa obubi badhaadha baife abo era n'ife.

Okubala 21:22

“Tukweghemba otuleke tubiteku mu nsi yo. Titwidha kubita waire mu musiri oba mu isamba ery'emizabbibu, oba okunhwa amaadhi mu nsulo. Twidha kutambulira mu luguudo mwonka, okutuusa nga tumaze okuva mu kiketezo kyo.”

Okubala 33:37

Baava e Kadeshi, baaja baasimba weema dhaibwe ku lusozi Hori, ku mbali okw'ekiketezo eky'Abaedomu.

Amateeka Agokubiri 4:34

Oba ghalighooku katonda eyaali ageziizaaku okuja okutwala abantu ab'eighanga erindi, abafuule ababe ng'abatoola ghagati mu ighanga erindi, nga Musengwa Katonda waimwe bweyabakolera imwe mu Misiri? Yakozesa amaani ge agataloodheka, yaasindika ebibamba n'olutalo, yaakola ebyewuunhio n'ebyewuninkiriza, era yaaleetera ebintu ebitiisa einho okubaagho, nga mubona.

Amateeka Agokubiri 4:37

Olw'okugonza badhaadha baimwe, yalonda imwe baidhukulu baibwe, era yaakozesa obuyinza bwe obungi, mwene yaabatoola mu Misiri.

Yoshua 15:1

Ekiketezo eky'ab'ekika kya Yuda kye baafuna nga kija kyatuuka ku irungu lya Zini ghe likoma, ku luuyi olw'omukono omusaadha olw'e buvandhuba, aghali ensalosalo ni Edomu.