Okubala 20:12 - Baibuli Ekibono kya Katonda 2014

¹² Aye Musengwa Katonda yaakoba Musa ni Aaroni ati: “Olw'okuba timubaire na kwikiriza mu nze, mwaloba kwoleka bantu bano boonaboona nga bwendi n'obuyinza, ti mwidha kubatuusa mu nsi ye nabagha.”

Okubala 20:12 ပူးပေါင်းရင်းမြစ်များ

2 Ebyomubyanda 20:20

Bwe bwakya, baasituka ku nkyo okuja mu irungu ly'e Tekoa. Bwe baali bali kuja, Yehoshafati yaayemerera, yaakoba ati: “Imwe abantu ab'omu Buyudaaya n'ab'omu Yerusalemu, mumpulirise. Mwikirize Musengwa Katonda waimwe, olwo mwidha kuba bagumu. Mwikirize eby'abalanzi be, olwo mwidha kughangula.”

Zabbuli 106:32

Olundi era, baaleetera Musengwa Katonda okusungughala nga bali gha maadhi ag'e Meriba, baaleetera Musa obuzibu olw'ekyo kye baakola;

Zabbuli 99:8

Wo Musengwa Katonda waife, abantu bo wabaghanga bye baakusabanga, waabasonighanga bye baakusobyanga, waire nga wababonerezanga olw'ebibi byaibwe.

Isaia 7:9

Ekibuga ekikulu ekya Isiraeli kiri Samaria, era Peka mutabane wa Remalia ni kyabazinga wa Isiraeli. “‘Bwe muliroba okwikiriza, timuligumiragho ni mukakasibwa.’”

Isaia 8:13

Mumanhe nga nze Musengwa Katonda Afuga Amagye ndi mutukuvu. Ninze ye mube mutyenga era mumpenga ekitiisa.

Ezekieli 20:41

Bwendimala okubatoolayo eyo mu maghanga, ni mbasolozaayo eyo mu nsi ye mwasansaanira, ndisiima emisengo gyaimwe egyokebwa, era mulirangirira eri amaghanga nga bwendi omutukuvu.

Ezekieli 36:23

Ndyoleka eri amaghanga eriina lyange eikologho bwe liri eitukuvu, eriina imwe lye mwayonoona mu maghanga ago. Olwo amaghanga ago galimanha nga ninze Musengwa Katonda. Nze Musengwa Katonda ninze nkobye. Bye ndikolera mu imwe, biryoleka amaghanga ago nga bwendi omutukuvu.

Ezekieli 38:10

Musengwa Katonda era akoba, ati: “Ku lunaku olwo ebidhuubo biriidha mu mwoyo gwo, waategeka okukola akabi,

Abalevi 10:3

Agho Musa yaakoba Aaroni ati: “Kino Musengwa Katonda kye yayogeraku bweyakoba ati, ‘Ndyeyoleka nga ndi mutukuvu mu abo abampeereza, era nnaasaakibwanga mu maiso g'abantu boonaboona.’ ” Aye Aaroni yaasirika busirike.

Okubala 11:15

Bw'oba ng'otyo bw'oidha okumbisanga, mala gansaasira ondhite mangu mpegaano, ndobe kutuuka ku kudaagadaaga.”

Okubala 20:24

“Aaroni aidha kutwalibwa yeeyimbe ku bantu be abaafa. Taidha kwingira mu nsi ye nagha Abaisiraeli, kuba mwadheemera ekiragiro kyange nga muli gha maadhi ag'e Meriba.

Okubala 27:14

kuba mwadheemera ekiragiro kyange mu irungu ery'e Zini. Abantu bwe beemuluguunhia nga muli gha maadhi ag'e Meriba mu Kadeshi, timwayoleka bantu abo nga nze ndi n'obuyinza.”

Matayo 17:17

Yesu yaakoba ati: “Yii, oluse luno oluzira kwikiriza, era olw'abantu abadankaanu! Ndituusa gha okuba n'imwe? Ndituusa gha okubaguminkiriza? Mumundeetere ghano.”

Matayo 17:20

Yaabakoba ati: “Kuba muli n'okwikiriza kutono. Bwenebwene ka mbakobere: bwe muba n'okwikiriza okwaga akamuuma ka kaladaali, mulikoba olusozi luno muti, ‘Va ghano, ja ghale,’ lwaja, era ghazira kye mutalighanga kukola. [

Luka 1:20

Aye ni wulira kino: Oidha kuziba omunwa, obe nga toghanga kwogera okutuusa ku olwo bino lwe biribaagho kuba iwe toikiriza bibono byange, ebirituukirizibwa mu biseera byabyo.”

Luka 1:45

Weesiimye eyaikiririzaagho kuba Musengwa bye yakukoba birituukirira.”

Yoanne 1:17

Kuba, nga Katonda bwe yateeka Amateeka ng'abita mu Musa, ekisa n'amazima abibisa mu Yesu Kurisito.

Ab'e Roma 4:20

Tiyalekayo kwikiriza era ti yabuusabuusa Katonda kye yamusuubiza. Yeeyongera mu kwikiriza, yaagha Katonda ekitiisa

Amateeka Agokubiri 1:37

Era ku lwaimwe, zeena Musengwa Katonda yansungughalira, yankoba ati, ‘N'iwe Musa, weena tolingira mu nsi eyo,

Amateeka Agokubiri 34:4

Agho Musengwa Katonda yaakoba Musa ati: “Eyo n'ensi ye nasuubiza Aburahamu, ni Isaaka, ni Yakobo, nti ndigigha baidhukulu baibwe. Nkuganhie waagibonaku bubone, aye toidha kusomoka kujaayo.”

Amateeka Agokubiri 4:21

Era Musengwa Katonda yansungughalira ku lwaimwe, yeefuugha nga bwe ntaja kusomoka mwiga Yorudani, era nga bwe ntaja kwingira mu nsi eyo engimu, Musengwa Katonda oyo Katonda waimwe y'ali kubagha okuba obutaka bwaimwe.

Yoshua 1:2

“Musa, abaire omugheereza wange, yafa. Kale ni, iwe weetegeke n'Abaisiraeli abandi boonaboona, musomoke omwiga Yorudani, mwingire mu nsi ye ndi kubagha.

1 Petero 3:15

aye mu myoyo gyaimwe mutyenga Kurisito nga ni Musengwa. Buli kaseera mubenga beetegefu okwiramu omuntu yeenayeena ababuuza ku kusuubira kwe muli nakwo mu imwe. Aye kino mukikolenga na idembe era na kitiisa.