Okubala 2:2 - Baibuli Ekibono kya Katonda 2014

² Abaisiraeli baidha kusimbanga weema dhaibwe okwezungulula Weema ey'Okwagaananirangamu ni Musengwa Katonda, nga bagiringiriiza. Buli muntu aidha kusimbanga weema ye aghali bendera y'ekikunsu kye era aghali obumanhiso obw'abantu ab'enda ye.

Okubala 2:2 ပူးပေါင်းရင်းမြစ်များ

Zabbuli 74:4

Abazigu baayasiikana mu kifo kyo ekitukuvu nga beesuuta olw'obughanguzi; era baasimbamu ebendera dhaibwe ng'obumanhiso obw'obughanguzi.

Zabbuli 76:11

Imwe abantu mutuukirize eri Musengwa Katonda, oyo Katonda waimwe ebyo bye mweyama; imwe abali mu biketezo ebimwezungulwire mwenamwena mumutonere ebirabo, oyo atiibwa abantu boonaboona.

Isaia 12:6

Mwembe mukube n'emizira imwe abatyamye b'omu Sioni, kuba Katonda oyo Omutukuvu wa Isiraeli mukologho era aba ghalala n'imwe abantu be.”

Isaia 18:3

Mubakobe muti, ‘Imwe abantu mwenamwena abali mu nsi, mwekalirisenga mubone nga bendera esimbiibwa ku lusozi, era mutegenga kutu muwulire ng'eigwala lifuuye.’

Ezekieli 43:7

“Iwe omuntu, kino n'ekifo ekibaamu ekityamo kyange eky'obwakyabazinga, ekifo mwe nnaabanga nga ndi mu bantu bange Abaisiraeli okubafuganga ebyanda n'ebyanda. Ka babe abantu beene ab'eighanga Isiraeli oba bakyabazinga baibwe, ghazira aliirayo kabiri kwonoona liina lyange eitukuvu, n'anvaaku kusinza bintu ebitali nze Katonda, oba okuzimbira emirambo gya bakyabazinga ebiidhukizo

Zekaria 9:16

Ku lunaku olwo, Musengwa Katonda wa Isiraeli aliwonia abantu be abo, ng'oti n'omwayi bw'awonia ebyayo bye obutatuukibwaku kabi. Balimesunkanira mu nsi ye ng'oti n'amabaale ag'omughendo bwe gamesunkanira ku ngule.

Okubala 1:50

Aye oidha kubagha ogw'okulabiriranga Weema ey'Okwagaananirangamu ni Musengwa Katonda, n'ebikozesebwamu byonabyona. Baidha kugibbeedanga okugitwala n'ebikozesebwamu byonabyona, n'okukolanga emirimo gyamu. Era baidha kusimbanga eweema dhaibwe okugyezungulula.

Okubala 10:14

Abo ab'ebendera ey'ekikunsu eky'ekika kya Yuda n'abaasooka okutambula nga bali mu bikunsu byaibwe, Nahashoni mutabane wa Amminadabu nga n'ali kubakulembera.

Okubala 10:18

Agho abo ab'ebendera ey'ekikunsu eky'ekika kya Reubeni, bairaku okutambula nga boona bali mu bikunsu byaibwe, Elizuri mutabane wa Shedeura nga n'ali kubakulembera.

Okubala 10:22

Agho ab'ebendera ey'ekikunsu eky'ekika kya Efuraimu, bairaku okutambula nga boona bali mu bikunsu byaibwe. Elishama mutabane wa Ammihudi nga n'ali kubakulembera.

Okubala 10:25

Agho ab'ebendera ey'ekikunsu eky'ekika kya Dani, abaasembayo einhuma w'ebikunsu byonabyona, batoolera okutambula nga boona bali mu bikunsu byaibwe. Ahiezeri mutabane wa Ammishaddai nga n'ali kubakulembera. Abo nga n'abakola ng'abakuumi b'ebikunsu byonabyona nga babiva einhuma.

Okubala 2:1

Agho Musengwa Katonda yaakoba Musa ni Aaroni ati:

Okubala 2:10

Ab'ekika kya Reubeni baidha kusimbanga weema dhaibwe ku luuyi olw'omukono omusaadha olw'e buvandhuba, nga bali mu bikunsu. Omukulembeze waibwe nga ni Elizuri mutabane wa Shedeura,

Okubala 2:3

Abanaasimbanga weema dhaibwe ku luuyi olw'e buvandhuba, baidha kubanga ab'ekika kya Yuda nga bali mu bikunsu byaibwe. Omukulembeze ow'ab'ekika kya Yuda, ni Nahashoni mutabane wa Amminadabu,

Okubala 24:2

yaabona Abaisiraeli nga basimbye weema dhaibwe, ng'ebika byaibwe bwe biiraganwaku. Agho omwoyo gwa Katonda gwamwidhaku,

1 Ab'e Korintho 14:33

kuba Katonda tayenda tube mu kudoobaana, aye ayenda tube miraala, nga bwekiri mu Bikunsu eby'Abaikiriza mu Kurisito byonabyona.

1 Ab'e Korintho 14:40

Byonabyona bikolebwenga bukalamu era nga bisengeke.

Ab'e Filippi 1:27

Ekikulu kiri nti mu bulamu bwaimwe mwebise nga bwe kigwaniire ababunia Amawulire Amalungi aga Kurisito. Agho ni oba ndidha okubabona oba tiidha, mbe nga mpulira nti mwekalangwire, muli muntu mulala, era nga kye munuyirira kiri kirala okulwanirira okwikiriza Amawulire Amalungi

Ab'e Kolosai 2:19

Oyo aba aviire ku Kurisito, omutwe. Ate ng'omutwe n'ogugemerera omubiri gwonagwona, nga gukozesa enkusakusa mu buli buyungiro, era omutwe n'oguliisa omubiri ni gukula nga Katonda bw'aba asiimye.

Yoshua 3:4

Agho mwidha kumanha ghe muja okubita, kuba mubaire timubitangaku eno. Aye mutaseeta kumpi na Sanduuku ya Ndagaano eyo, mulekeghooku eibanga nga lya kilomita namba.”