Okubala 2:17 - Baibuli Ekibono kya Katonda 2014

¹⁷ Agho ebikunsu ebyo ebibiri nga bitooleire okutambula, Abalevi boona baidha kutambulanga nga babbeedie Weema ey'Okwagaananirangamu ni Musengwa Katonda, nga bali ghagati ghe bikunsu ebibiri ebisooka n'ebibiri ebiiraku. Ebikunsu biidha kutambulanga nga bijiira ku nsambo ye biiraganwaku mu kifo ghe basimba weema, nga buli kikunsu kinonereza bendera yaakyo.

Okubala 2:17 ပူးပေါင်းရင်းမြစ်များ

Okubala 10:17

Eweema ey'Okwagaananirangamu ni Musengwa Katonda bweyasimbulwangagho, ng'ab'ekika kya Gereshoni n'ab'ekika kya Merari bagibbeeda, nga batoolera okutambula.

Okubala 10:21

Agho ab'ekika eky'Abalevi abasimuka mu Kohathi baatoolera okutambula nga babbeedie ebintu ebitukuvu. Era baajanga okutuuka mu kifo eky'okusimbamu weema edh'abantu, nga Eweema ey'Okwagaananirangamu ni Musengwa Katonda yaweire ira okusimbwa.

Okubala 2:1

Agho Musengwa Katonda yaakoba Musa ni Aaroni ati:

Okubala 2:18

Ab'ekika kya Efuraimu baidha kusimbanga weema dhaibwe ku luuyi olw'e bugwandhuba, nga bali mu bikunsu. Omukulembeze waibwe nga ni Elishama mutabane wa Ammihudi,

Okubala 3:38

Musa, Aaroni, ni batabane b'Aaroni n'abaali ab'okusimba weema dhaibwe emberi ow'Eweema ey'Okwagaananirangamu ni Musengwa Katonda, ku luuyi lwayo olw'e buvandhuba. Omulimo gwaibwe gwali gwa kulabiriranga emikolo egikolebwa mu Kifo Ekitukuvu olw'Abaisiraeli. Era ng'omuntu owundi yeenayeena agezaaku okukola omulimo ogwo ali n'okwitibwa.

1 Ab'e Korintho 14:40

Byonabyona bikolebwenga bukalamu era nga bisengeke.

Ab'e Kolosai 2:5

Waire tiri n'imwe mu mubiri, aye ndi n'imwe mu mwoyo, era okusangaala kwange kuli mu kubona nga mwegemye kimonte, mwekalangula ku kuba n'okwikiriza mu Kurisito.