Okubala 19:9 - Baibuli Ekibono kya Katonda 2014

⁹ Omuntu omulongoofu aidha kuyoolagho eivu ery'ente eyo, aje alite mu kifo ekirongoofu ezira weema dha bantu, ye liri n'okukuumirwa. Eivu eryo liidha kukozesebwanga Abaisiraeli, mu kutegeka amaadhi agakozesebwa mu mukolo ogw'okwetukuza, ogukolebwa mu kutoolagho ebibi.

Okubala 19:9 ပူးပေါင်းရင်းမြစ်များ

Abalevi 15:20

Na buli kintu ky'anaalambalangaku, oba ky'anaatyamangaku ng'ali mu biseera bye eby'okulwala, tikiibenga kirongoofu.

Zekaria 13:1

Musengwa Katonda Afuga Amagye akoba ati: “Ekiseera ekyo bwe kirituuka, ensulo eriigulwagho olw'okunaaza ebibi n'obwonoonefu ku baidhukulu ba Daudi n'abantu b'omu Yerusalemu, basobole okwetukuza.

Okubala 19:13

Omuntu yeenayeena agema ku muntu afiire, aye n'ateetukuza, ayonoona Weema ya Musengwa Katonda. Era omuntu oyo aidha kulekeranga okubalibwa mu Baisiraeli; kuba aba tamansiirwaku maadhi ga kumutukuza. Aidha kubanga nga tiimulongoofu, era asigalenga n'obutali bulongoofu bwe.

Okubala 19:17

Abo abatali balongoofu baidha kutoolanga ku ivu ery'ekigheebwayo olw'ebibi ekimaze okwokebwa, balitenga mu kibya, baliyughengaku amaadhi agatooleibwa mu mwiga.

Okubala 19:18

Agho omuntu omulongoofu aidha kutoolanga akati akeetebwa hissopu akainhike mu maadhi ago, memale agamansire mu weema eyo, ni ku bintu byamu byonabyona, ni ku bantu abaagirimu, ni ku oyo anaabanga ng'agemye ku muntu aitiibwa obwitibwe, oba ku afiire mwene, oba ku igumba, oba ku magombe.

Okubala 19:3

Ente eyo mwidha kugigha Eleazari kabona, etoolebwe mu kifo abantu ghe baasimba weema dhaibwe, eje eitirwe eyo embali nga Eleazari abona.

Okubala 19:8

Omuntu anaayokya ente eyo aidha kunaaba omubiri era ayoze ebivaalo bye, aye era aidha kusigala nga tiimulongoofu okutuusa olw'eigulo.

Okubala 6:12

era airengamu buyaaka okweghaayo okuba owa Musengwa Katonda okumala entangama y'anaamalanga nga yeeghaireyo. Agho aidha kughangayo entaama ento enume egheza omwaka omulala, ebe ekigheebwayo ng'omutango. Olwo ekiseera eky'einhuma kye yamala nga yeeghaireyo okuba owa Musengwa Katonda kinaabanga nga tikikaabalwa, kuba kyayonoonebwa.

Okubala 8:7

Kola oti: bamansireku amaadhi agatukuzaaku ebibi era obakobe basaleku enviiri edhibali ku mibiri gyaibwe dhoonadhoona. Bayoze engoye dhaibwe, olwo beetukuze.

Okubala 9:13

Aye omuntu yeenayeena omulongoofu era atali mu lugendo, bw'anaalobanga okukola ekibinuko ekyo aidha kulekeranga okubalirwa mu bantu ba Musengwa Katonda, olw'okuloba okumuleetera ekigheebwayo mu kiseera kyakyo ekyalagirwa. Era omuntu oyo aidha kubonerezebwanga olw'ekibi kye ekyo.

2 Ab'e Korintho 5:21

Kurisito tiyali na kibi, aye ku lwaife Katonda yamutaaku ebibi byaife tusobole okubita mu oyo okugabana ku butuufu bwa Katonda.

2 Ab'e Korintho 7:1

Bakagwa, nga bwe tuli n'ebisuubizo bino, ka twenaazeeku buli kintu kyonakyona ekyonoona omubiri n'omwoyo, tube mu bulamu obutuukiriire nga tutya Katonda.

Abaheburayi 7:26

Kyali kituufu tube n'Omukulu wa Bakabona ali atyo omutukuvu, aziraku musango, aziraku kimyamya, eyayawulwa okuva ku babi, era Katonda ye yagulumiza mu igulu.

Abaheburayi 9:13

Omusaayi ogw'embuzi, n'ogw'ente enume, n'eivu ery'ente enduusi, bwe bimansirwa ku abo abatali balongoofu bibatukuza baaba balongoofu mu by'oku ngulu.