Okubala 19:16 - Baibuli Ekibono kya Katonda 2014

¹⁶ Omuntu yeenayeena bw'anaabanga ng'ali eyo kuliya, n'agema ku muntu ye baise obwite, oba ku muntu afiire mwene, oba ku igumba ery'omuntu, oba ku magombe, aidha kubanga nga tiimulongoofu okumala enaku musanvu.

Okubala 19:16 ပူးပေါင်းရင်းမြစ်များ

Isaia 52:11

Muje, muje, muve mu Babiloni, imwe ababbeeda ebintu ebikozesebwa mu isinzizo lya Musengwa Katonda. Mutagema ku kintu kyonakyona ekitali kirongoofu. Muje mwekuume nga muli balongoofu.

Ezekieli 44:26

Bw'anaamalanga okwiramu okuba omulongoofu, anaabisangagho enaku musanvu,

Abalevi 21:1

Musengwa yaalagira Musa ati: “Kobera bakabona batabane ba Aaroni oti ghatabangagho waire omulala ati ku beene aneereeteranga okuba atali mulongoofu nga yeeyimba mu mikolo egibaagho mu kufiirwa ab'enganda dhe,

Okubala 19:11

“Omuntu bw'anaagemanga ku mulambo ogw'omuntu, aidha kusigalanga nga tiimulongoofu okumala enaku musanvu.

Okubala 19:15

Era buli kintu ekikozesebwa mu weema eyo ekinaabanga nga tikiteereibwaku kisandikiza kyakyo ekisibiirwaku, kyona kiidha kubanga nga tiikirongoofu.

Okubala 31:19

Era buli muntu ku imwe eyaita omuntu, n'oyo eyagema ku mufu, asigale eyo kuliya okw'ekifo ghe twasimba weema dhaife, okumala enaku musanvu. Ku lunaku olwokusatu ni ku lwomusanvu mwidha kwetukuza, imwe aghalala n'abantu be mwanhaga.

Okubala 5:2

“Lagira Abaisiraeli babingengagho mu kifo ghe baasimba weema dhaibwe, abantu boonaboona abali n'endwaire ey'ebigenge, n'abo abava amasira mu mubiri, n'oyo yeenayeena atali mulongoofu olw'okwekonta ku mulambo.

Okubala 6:6

Ekiseera kyonakyona ky'anaamalanga nga yeeghaireyo okuba owa Musengwa Katonda, taaseetenga gha mulambo,

Okubala 9:6

Aye ghaaligho abasaadha abataali balongoofu olw'okugema ku mulambo, olwo baaba nga tibasobola kukola kibinuko ekyo ku lunaku olwo. Agho baaja ye Musa ni Aaroni ku lunaku olwo,

Matayo 23:27

“Mukagwireku Abanamateeka n'Abafarisaayo, abakuusa imwe, kuba mufaanana ng'amagombe ge basiizeeku langi endheru obulungi, nga gaboneka bulungi ku ngulu, aye nga munda gaidhwire magumba ga bafu na buli kivundu kyonakyona.

Luka 11:44

Mukagwireku Abafarisaayo! Kuba muli oti magombe agataboneka, abantu kwe batambulira nga tibaidhi.”