Okubala 18:9 - Baibuli Ekibono kya Katonda 2014

⁹ Bino n'ebinaabanga ebyaimwe ku bintu ebitukuvu einho byonabyona ebigheebwayo eri nze Musengwa Katonda, ebirekebwagho nga tibyokeibwa: buli ekigheebwayo eky'emere ey'empeke, buli ekigheebwayo olw'ebibi, na buli ekigheebwayo ng'omutango. Byonabyona ebitukuvu einho ebigheebwayo eri nze Musengwa Katonda, biidha kubanga bibyo ni batabane bo.

Okubala 18:9 ပူးပေါင်းရင်းမြစ်များ

2 Bakyabazinga 12:17

Mu kiseera ekyo Hazaeli kyabazinga wa Siria yaalumba ekibuga Gathi yaakighangula. Agho yaakyuka okuja okulwanisa ekibuga Yerusalemu.

Nehemia 10:36

“Twidha kutwalanga batabane baife ababeri, ye bakabona mu isinzizo, tubaghengayo eri Musengwa Katonda nga bwe kyaghandiikibwa mu Mateeka. Era twidha kughangayo eri Musengwa Katonda oyo, ente dhaife, n'embuzi, n'entaama, edhinaazaalibwanga mu luzaalo olusooka.

Ezekieli 42:13

Agho omusaadha yankoba ati: “Ebizimbe ebyo byombi ebirinzagainia n'oluya, ku luuyi olw'omukono omugooda olw'e buvandhuba ni ku luuyi olw'omukono omusaadha olw'e buvandhuba, bizimbe bitukuvu. Omwo bakabona abaseeta ye Musengwa Katonda, mwe banaaliiranga ebigheebwayo ebitukuvu einho. Era olw'okuba ebizimbe ebyo bitukuvu, omwo mwe banaaterekanga n'ebigheebwayo ebitukuvu einho: ebigheebwayo eby'emere ey'empeke, ebigheebwayo olw'ebibi, n'ebigheebwayo ng'omutango.

Ezekieli 44:29

Baidha kulyanga ebyo abantu bye banaaleetanga, ng'ebigheebwayo eby'emere ey'empeke, ebigheebwayo olw'ebibi, n'ebigheebwayo ng'omutango. Na buli kintu kyonakyona ekinaagheebwangayo mu Isiraeli okuba ekyange kinaabanga kyaibwe.

Abalevi 10:17

“Ekigheebwayo olw'ebibi lwaki timukiriiriire mu Kifo Ekitukuvu? Ekigheebwayo ekyo Kitukuvu inho, era Musengwa Katonda yakibagha okutoolagho ebibi by'abantu, nga mughaayo omusengo olw'ebibi eby'abantu mu maiso ga Musengwa Katonda.

Abalevi 14:13

Agho anaitiranga entaama eyo ento mu kifo ekitukuvu aghaitirwa ensolo dhe baghaayo ng'ekigheebwayo olw'ebibi, n'edho dhe baghaayo ng'ekigheebwayo ekyokebwa. Anaakolanga atyo, kuba ekigheebwayo ng'omutango kiba kya kabona ng'oti n'ekigheebwayo olw'ebibi bwe kiba, era kitukuvu inho.

Abalevi 2:10

Ekyo ekisigalagho ku kigheebwayo eky'emere ey'empeke ekyo, kiba kya bakabona kitukuvu inho, kuba kitoolebwa ku ekyo ekigheebwayo ye Musengwa Katonda, nga kyokeibwa n'omuliro.

Abalevi 22:11

Aye abairu, abo kabona be yagula n'empiiya dhe, n'abo abaazaalirwa mu maka ge, banaikirizibwanga okulya ku mere ya kabona.

Abalevi 22:7

Endhuba ng'egwire anaabanga mulongoofu; olwo ng'asobola okulya ku bigheebwayo ebitukuvu, kuba ebyo n'emere ye nga kabona.

Abalevi 4:22

Omufuzi bw'anaabanga n'akoze ekibi nga tagendereire, n'asobya ku ebyo Musengwa Katonda bye yalagira,

Abalevi 4:27

Omuntu yeenayeena ku bantu ababuliidho bw'anaabanga nga n'akoze ekibi nga tagendereire, n'asobya ku ebyo Musengwa Katonda bye yalagira,

Abalevi 5:1

Omuntu bw'anaalayizibwanga okugha obudhulizi ku musango, aye n'atakoba kye yabona oba kye yawulira, anaabonerezebwanga.

Abalevi 5:6

Era anaaleetanga eri Musengwa Katonda entaama enkazi oba embuzi ng'omutango olw'omusango ogwo gw'aiziiza. Kabona anaaghangayo ebintu ebyo byaba ekigheebwayo ng'omutango olw'ekibi eky'omuntu oyo.

Abalevi 6:17

Tikiifumbirwengamu kizimbulukusa. Nze Musengwa Katonda mwene nkighaire bakabona, kibe omugabo gwaibwe ku byange ebigheebwayo nga byokebwa omuliro. Kitukuvu inho ng'oti n'ekigheebwayo olw'ebibi, era ng'oti n'ekigheebwayo ng'omutango.

Abalevi 6:19

Musengwa Katonda yaalagira Musa ati:

Abalevi 6:30

Aye omusaayi gwakyo bwe gunaaleetebwanga mu Weema ey'Okwagaananirangamu ni Musengwa Katonda, era ni gukozesebwa mu musengo ogugheebwayo olw'ebibi, olwo tikiiriibwengaku kinaayokebwanga bwokebwe.

Abalevi 7:1

“Gano n'amateeka aganaafuganga ekigheebwayo ng'omutango. Kiba kitukuvu inho.

Abalevi 7:6

Kiisi musaadha ow'oku lulyo lwa bakabona, anaabanga wa idembe okukiryaku. Aye kiteekwa okuliirwa mu kifo ekitukuvu, kuba kitukuvu inho.

Abalevi 7:7

“Eiteeka erifuga ekigheebwayo olw'ebibi era ni lyene eryo erinaafuganga ekigheebwayo ng'omutango: emamba ey'ebigheebwayo ebyo, enaatwalibwanga kabona anaabanga nga n'akoze ku bigheebwayo ebyo.

Okubala 18:10

Ebintu ebyo mwidha kubiriiranga mu Kifo Ekitukuvu Einho, era buli musaadha anaabanga wa idembe okubiryaku. Mubitwalenga nga bitukuvu.

Amateeka Agokubiri 18:1

Musa yaakoba Abaisiraeli ati: “Bakabona ab'ekika kya Levi tibaabenga na mugabo gwa itaka lya nsikirano mu Isiraeli. Aye baidha kulyanga ku bigheebwayo ebyokebwa, ni ku misengo egindi egigheebwayo ye Musengwa Katonda.