Okubala 18:8 - Baibuli Ekibono kya Katonda 2014

⁸ Agho Musengwa Katonda yaakoba Aaroni ati: “Era bona eno, nkughaire ebyo byonabyona ebirekebwagho nga tibyokeibwa ku bigheebwayo ebitukuvu Abaisiraeli bye bampa nze Musengwa Katonda. Mbikughaire iwe ni batabane bo ng'omugabo gwe munaafunanga ebyanda n'ebyanda.

Okubala 18:8 ပူးပေါင်းရင်းမြစ်များ

2 Bakyabazinga 12:16

Empiiya edhaagheebwangayo ng'omutango era n'edho edhaagheebwangayo olw'ebibi, tibaadhireetanga mu isinzizo dhaabanga dha bakabona.

2 Ebyomubyanda 31:4

Era yaalagira abantu ab'omu Yerusalemu okuleetanga omugabo ogw'okughanga bakabona, basobolenga okutuukiriza Amateeka ga Musengwa Katonda n'omwoyo mulala.

2 Ebyomubyanda 31:5

Ekiragiro ekyo bwe kyamala okulangirirwa, baaleeta mu bungi ebisooka okukungulwa, ku ngaano, ni ku mwenge ogw'emizabbibu, ni ku muzigo ogw'ebibala eby'emiti emyoliva, ni ku mudheenene ogw'endhuki, ni ku birime byonabyona. Era baaleeta mu bungi n'ekintu kirala kirala ku buli bintu ikumi ku ebyo bye baali nabyo.

Okuvaayo 28:43

Aaroni ni batabane baidha kuvaalanga ebivaalo ebyo buliidho memale bangire mu Weema ey'Okwagaananirangamu ni Musengwa Katonda, oba baseete ye Alutaari okugheereza nga bakabona mu Kifo Ekitukuvu. Bwe batakola batyo balyereetaku omusango era baafa. Kino kiragiro ekitaja kuvaagho eri Aaroni n'abaana be era n'abaidhukulu.

Okuvaayo 29:21

Agho oidha kutoola ku musaayi ogunaaba ku alutaari, ni ku muzigo ogusiigibwa, byombi obimansire ku Aaroni ni ku bivaalo bye, ni ku batabane ni ku bivaalo byaibwe. Olwo onaaba otukwiza Aaroni n'ebivaalo bye, ni batabane n'ebivaalo byaibwe.

Okuvaayo 29:28

Buli Baisiraeli lwe banaaleetanga akafumito n'ekisambi ng'ekigheebwayo olw'okutabagana, ebintu ebyo byombi binaateekwanga okuba ebya Aaroni ni batabane lubeerera. Ebintu ebyo n'ekigheebwayo abantu kye bampa nze Musengwa Katonda.

Okuvaayo 29:29

“Ebivaalo bya Aaroni eby'obwakabona biidha kugheebwanga mutabane anaamusikiranga, era oyo by'anaavaalanga nga bamusiiga omuzigo olw'okumwawula.

Okuvaayo 40:13

Era ovaaze Aaroni ebivaalo ebitukuvu, omusiige omuzigo, omutukuze ampeereze nga kabona.

Okuvaayo 40:15

obasiige omuzigo nga bw'onaaba okoze lata waibwe, baghange okumpeereza nga bakabona. Okusiiga omuzigo okwo kwidha kubangiza mu bugheereza obw'obwakabona, beene, n'abaana baibwe, n'abaidhukulu ense n'ense.”

Isaia 10:27

Olunaku olwo bwe lulituuka, imwe ndibatoola mu buyinza bw'Abassiria, naabatwikula n'obuzito bwe baabatwikanga, naazikiriza ebikoligo ebibali ku mabega.”

Abalevi 21:10

“Omukulu wa Bakabona yasiigibwa omuzigo ku mutwe, era yaatukuzibwa okuvaala ebivaalo eby'obwakabona. N'olw'ekyo taalekenga nviiri dhe nga ti nsunsule, era taakanulengamu bivaalo bye kwoleka ng'anakughaire.

Abalevi 23:20

Kabona anaaghangayo eri Musengwa Katonda emigaati gire ghalala n'entaama, ng'ekigheebwayo ekiwuubibwa, ekiba ekya bakabona. Ebigheebwayo ebyo bitukuvu.

Abalevi 6:16

Ekyo ekisigalagho bakabona n'abanaakiryanga. Kinaafumbwangamu emigaati egitazimbulukusiibwa, era baagiriira mu kifo ekitukuvu, mu luya lw'Eweema ey'Okwagaananirangamu ni Musengwa Katonda.

Abalevi 6:18

Mu byanda byonabyona ebiriidha, kiisi musaadha ku b'oku lulyo lwa Aaroni anaabanga wa idembe okukiryaku, ogwo nga n'omugabo gwaibwe ogw'olubeerera ku by'okulya ebigheebwayo eri Musengwa Katonda nga byokebwa omuliro. Kiisi anaakigemangaku, anaabanga mutukuvu.”

Abalevi 6:20

“Kino n'ekigheebwayo Aaroni ni baidhukulu be kye banaaghangayo eri Musengwa Katonda, ku lunaku lwe banaasiigirwangaku omuzigo okwawulibwa. Banaaghangayo buli lunaku kilo ndala ey'obuwunga obuseereibwa obukalamu ekitundu kyabwo ekindi ku nkyo, n'ekitundu kyabwo ekindi eigulo.

Abalevi 6:26

Kabona anaakighangayo n'aidhanga okukirya era kinaaliirwanga mu kifo ekitukuvu, mu luya lw'Eweema ey'Okwagaananirangamu ni Musengwa Katonda.

Abalevi 7:14

Anaaghangayo eri Musengwa Katonda mulala mulala ku buli kika eky'emigaati egyo ogwo gunaabanga gwa kabona amansira omusaayi ogw'ekigheebwayo olw'okutabagana.

Abalevi 7:28

Musengwa Katonda yaalagira Musa

Abalevi 7:6

Kiisi musaadha ow'oku lulyo lwa bakabona, anaabanga wa idembe okukiryaku. Aye kiteekwa okuliirwa mu kifo ekitukuvu, kuba kitukuvu inho.

Abalevi 8:30

Musa yaatoola ku muzigo ogusiigibwa, ni ku musaayi ogwali ku alutaari, yaagumansira ku Aaroni ni ku bivaalo bye, era ni ku batabane be, ni ku bivaalo byaibwe. Mu nsambo eyo yaayawula Aaroni ni batabane be baaba ba Musengwa Katonda, ghalala n'ebivaalo byaibwe.

Okubala 18:9

Bino n'ebinaabanga ebyaimwe ku bintu ebitukuvu einho byonabyona ebigheebwayo eri nze Musengwa Katonda, ebirekebwagho nga tibyokeibwa: buli ekigheebwayo eky'emere ey'empeke, buli ekigheebwayo olw'ebibi, na buli ekigheebwayo ng'omutango. Byonabyona ebitukuvu einho ebigheebwayo eri nze Musengwa Katonda, biidha kubanga bibyo ni batabane bo.

Okubala 5:9

Era kiisi kigheebwayo ekitukuvu eri Musengwa Katonda, Abaisiraeli kye banaaghangayo, kinaabanga kya kabona oyo ye bakigemeisa.

1 Ab'e Korintho 9:13

Timwidhi ng'abo abakola mu isinzizo balya ku bya mu ndhu ya Katonda, era n'abo abagheereza ku alutaari ya Katonda bafuna omugabo gwaibwe okuva ku bigheebwayo ku alutaari?

Amateeka Agokubiri 12:11

Musengwa Katonda waimwe alirondagho ekifo eky'okumusinzizangamu. Eyo ye munaatwalanga ebyo byonabyona bye mbalagiire: ebigheebwayo byaimwe ebyokebwa, n'emisengo gyaimwe, n'ekintu ekirala kye mughaayo ku buli bintu eikumi bye mufuna, n'ebigheebwayo byaimwe ebindi bye mughaayo, n'ebyo ebigheebwayo olw'okutuukiriza obweyamo bwaimwe ye Musengwa Katonda.

Amateeka Agokubiri 12:6

Eyo ye munaatwalanga ebigheebwayo byaimwe ebyokebwa, n'emisengo gyaimwe, n'ekintu ekirala kye mughaayo ku buli bintu eikumi bye mufuna, n'ebigheebwayo byaimwe ebindi bye mughaayo, n'ebigheebwayo olw'okutuukiriza obweyamo, n'ebigheebwayo eby'ekyeyendere, n'ensolo dhaimwe edhizaalibwa mu luzaalo olusooka dhe mughaayo.

Amateeka Agokubiri 18:1

Musa yaakoba Abaisiraeli ati: “Bakabona ab'ekika kya Levi tibaabenga na mugabo gwa itaka lya nsikirano mu Isiraeli. Aye baidha kulyanga ku bigheebwayo ebyokebwa, ni ku misengo egindi egigheebwayo ye Musengwa Katonda.

Amateeka Agokubiri 26:13

olwo oidha kwogeranga mu maiso ga Musengwa Katonda wo oti, ‘Ebintu byo ebitukuvu eby'ekintu ekirala ku buli bintu ikumi bye nkungwire, mbitoire mu ndhu yange naabigha Abalevi, n'abasenze, ni bamulekwa, ni banamwandu, nga bwe wandagira okukola. Ghazira kiragiro kyo waire ekirala kye ntatuukiriiza, oba kye neerabiire.

Abaheburayi 1:9

Ogonza obutuufu waakyagha obudheemu Katonda wo kyeyava akulonda era n'akugha okusangaalira mu kitiisa okusinga baino boonaboona.”

1 Yoanne 2:20

Aye imwe, Omutukuvu yabagha Mwoyo kale mwenamwena muli n'amagezi.

1 Yoanne 2:27

Aye imwe Mwoyo eyabagheebwa Ole, asigala n'imwe era ti mwetaaga na muntu yeenayeena kubeegeresa. Aye nga Mwoyo eyabagheebwa bw'abeegeresa byonabyona, ate nga by'ayegeresa bituufu muzira kusubagha naire, mukole bukole oti n'oyo bw'abeegeresa, mube mu oyo.