Okubala 18:7 - Baibuli Ekibono kya Katonda 2014

⁷ Aye iwe ni batabane bo, niimwe mwenka abanaakolanga emirimo egy'obwakabona egy'oku alutaari n'egy'omu Kifo Ekitukuvu. Mbaghaire obwakabona ng'ekirabo, era omuntu atali Mulevi bw'anaaseetanga okumpi, aidha kwitibwanga.”

Okubala 18:7 ပူးပေါင်းရင်းမြစ်များ

Zabbuli 115:10

Imwe bakabona abagheereza Katonda, mwesigenga Musengwa Katonda! Oyo n'ababeera era n'abakuuma.

Okuvaayo 28:1

Agho Musengwa Katonda yaalagira Musa ati: “Mu bantu boonaboona Abaisiraeli oidha kulondamu Aaroni muganda wo, ni batabane, Nadabu, ni Abihu, ni Eleazari, ni Ithamari, obaawule bampeereze nga bakabona.

Okuvaayo 29:9

obasibe enkoma mu nkende era obavaaze n'enkuufiira ku mitwe. Otyo bw'oidha okwawula Aaroni ni batabane babe bakabona. Era obwakabona bwidha kubanga bwaibwe olw'ekiragiro ekitaja kuvaagho.

Ezekieli 44:15

Musengwa Katonda era yaakoba ati: “Aye ghaligho bakabona Abalevi ab'oku nda ya Zadoki, abaasigala nga bakampeereza mu isinzizo lyange n'obwesigwa mu kiseera Abaisiraeli abandi boonaboona kye banviiraku ni badaaliima. Bakabona abo n'abaidha okumpeerezanga nga baseeta ye ndi okughaayo amasavu n'omusaayi eby'emisengo.

Ezekieli 44:16

Abo bonka n'abaidha okwingiranga mu isinzizo lyange okumpeereza ku alutaari yange entukuvu, era baidha kutuukirizanga bye mbalagira.

Ezekieli 44:8

Baaloba okukuuma ebintu byange ebitukuvu beene, aye baabitaaku bwa bantu bagwira babibakuumire.

Abalevi 16:2

Yaakoba ati: “Koba Aaroni muganda wo, alobe kumalanga gaja buli gh'ayendeire munda gh'olutimbe mu Kifo Ekitukuvu gha kisandikiza eky'Esanduuku y'Endagaano. Olwo alobe kufa, kuba ndidha kubonekeranga mu kire ghaigulu gh'ekisandikiza ekyo.

Abalevi 7:35

Ogwo n'omugabo ogutoolebwa ku by'okulya ebigheebwayo eri Musengwa Katonda ebyokebwa, ogwagheebwa Aaroni ni batabane be ku lunaku lwe baasiigibwa omuzigo, ni baawulibwa okugheereza Musengwa Katonda nga bakabona.

Okubala 1:51

Buli lwe munaagisengulanga, Abalevi n'abanaagisimbulangagho, era buli ghe munaagisimbanga, Abalevi n'abanaagisimbangagho. Atali Mulevi bw'anaagiseetangaku aidha kwitibwanga.

Okubala 16:40

Ekyo kiidha kwidhukizanga Abaisiraeli, ghalobe kubangagho muntu yeenayeena atali kabona wa ku lulyo lw'Aaroni, aseeta mu maiso ga Musengwa Katonda okuniokeza obubbaani; kuba asobola okuzikirizibwa nga Kora ni baine bwe baazikirizibwa. Ebyo byakolebwa nga Musengwa Katonda bweyalagira Eleazari ng'abita mu Musa.

Okubala 18:20

Era Musengwa Katonda yaakoba Aaroni ati: “Timwidha kufuna kintu kyonakyona kya nsikirano, waire okugheebwa omugabo gwonagwona mu nsi y'Abaisiraeli. Ninze omugabo gwaimwe ogunaababeesangagho mu Baisiraeli.”

Okubala 18:3

Baidha kukolanga emirimo gy'onaabaghanga era bakolenga n'emirimo egindi egy'omu Weema. Aye bataseetanga kumpi na bintu bikozesebwa mu Kifo Ekitukuvu, oba okuseeta ku alutaari olwo beene n'iwe mulobe kufa.

Okubala 3:10

Era oidha kutaagho Aaroni ni batabane be abo, bakole obwakabona; aye omuntu owundi yeenayeena agezaaku okukola obwakabona aidha kwitibwanga.”

Okubala 3:38

Musa, Aaroni, ni batabane b'Aaroni n'abaali ab'okusimba weema dhaibwe emberi ow'Eweema ey'Okwagaananirangamu ni Musengwa Katonda, ku luuyi lwayo olw'e buvandhuba. Omulimo gwaibwe gwali gwa kulabiriranga emikolo egikolebwa mu Kifo Ekitukuvu olw'Abaisiraeli. Era ng'omuntu owundi yeenayeena agezaaku okukola omulimo ogwo ali n'okwitibwa.

Matayo 10:8

Abalwaire mubawonianga, abafu mubazuukizanga, abali n'endwaire ey'ebigenge mubalongoosanga, emizimu emibi mugibinganga. Mwafuna kya busa mwena mukigheerenga busa.

Yoanne 3:27

Yoanne yaabairamu ati: “Ezira afuna kitone kyonakyona nga tikiviire mu igulu.

Ab'Efeso 3:8

Waire nga ninze asembayo mu batuukirivu boonaboona, Katonda yampa omukisa okukobera abamaghanga agandi Amawulire Amalungi, ag'obukombe obuli mu Kurisito obutaloodheka.

Amateeka Agokubiri 18:2

Tibaabenga na itaka lya nsikirano ng'ab'ebika ebindi. Omugabo gwaibwe gunaabanga mu kuba bakabona ba Musengwa Katonda, nga Musengwa Katonda bweyasuubiza.

Abaheburayi 5:4

Era omuntu tasobola kwegha mwene kitiisa ekyo kya kuba Kabona Mukulu. Aye ayetebwa bwetebwe Katonda ng'oti ni Aaroni bwe yayetebwa.

Yoshua 18:7

Abalevi bazira mugabo mu imwe, kuba omugabo gwaibwe kugheereza Musengwa Katonda nga bakabona. Ate Abagadi, n'Abareubeni, n'Abamanasse ab'e buvandhuba, baamala ira okufuna emigabo gyaibwe e buvandhuba wa Yorudani, Musa omugheereza wa Musengwa Katonda gye yabagha.”

1 Petero 5:2

okwayanga obukalamu ebyayo bya Katonda bye yabagemya. Mutakolanga mutyo lwa kukakibwa, aye mukolenga n'omwoyo ogwenda, era nga ti lwa kugwidhubanira bya kufuna.

1 Petero 5:3

Mulobenga kwebisa oti bafuzi mu byayo omwo, aye mubenga kya kuboneraku.

1 Samueli 2:28

Era naamulonda mu bika byonabyona ebya Isiraeli abe kabona wange, ajenga ku alutaari yange, aniokezenga obubbaani, era avaalenga ekivaalo eky'obwakabona mu maiso gange. Era naagha ab'endhu ye ebigheebwayo ebyokebwa byonabyona Abaisiraeli bye bampa.