Okubala 18:5 - Baibuli Ekibono kya Katonda 2014

⁵ Era niimwe abanaalabiriranga Ekifo Ekitukuvu ni alutaari, memale olwo ndobe kwirayo kusungughalira Baisiraeli.

Okubala 18:5 ပူးပေါင်းရင်းမြစ်များ

1 Ebyomubyanda 23:24

Abo n'ab'omu kika kya Levi ng'enda dhaibwe bwe dhaali, era nga n'abaali abakulu b'enda edho. Enda edho n'edhaavaamu abasaadha abaaba nga bagheziiza emyaka amakumi abiri n'okusingagho, abaabalibwa ni baghandiikibwa, nga n'ab'okukolanga omulimo ogw'okugheereza mu isinzizo lya Musengwa Katonda.

1 Ebyomubyanda 23:32

Era baagheebwa ogw'okulabiriranga Eweema ey'Okwagaananirangamu ni Musengwa Katonda, n'Ekifo Ekitukuvu, nga babeeraku baganda baibwe bakabona ab'olulyo lwa Aaroni okugheerezanga mu isinzizo lya Musengwa Katonda.

1 Ebyomubyanda 24:5

Aye mu bantu ab'omu bikunsu ebyo byombi, eky'abaasimuka mu Eleazari n'eky'abaasimuka mu Ithamari, mwalimu abakulira eisinzizo n'abakulira eby'okusinza. Kale kyaba nti emirimo gyonagyona baagigaba nga bakuba bwa kalulu.

1 Ebyomubyanda 9:19

Shallumu mutabane wa Kore, era mwidhukulu wa Abiasafu eyali mutabane wa Kora, ghalala n'ab'oku nda ye abaasimuka mu dhaadha we Kora, n'abaakolanga ogw'okukuuma emiryango gy'Eweema nga badhaadha baibwe bwe baakuumanga emiryango gy'ekifo ghe baasimbanga Weema ya Musengwa Katonda.

1 Ebyomubyanda 9:23

Kale abantu abo ghalala n'abaana, ni baidhukulu baibwe, baajanga nga bakuuma emiryango gy'eisinzizo.

1 Ebyomubyanda 9:33

Abandi ku Balevi baali bembi, era nga n'abakulira enda dha baiseibwe. Baasulanga mu bisenge by'oku isinzizo, era tibaabaghanga mulimo gundi gwonagwona, kuba ogwaibwe ogw'okwemba baagukolanga omusana n'obwire.

Okuvaayo 27:21

Buli igulo Aaroni ni batabane baidha kugikunaanianga bagireke ng'eyaka obutazikira okutuusa ku nkyo, agho mu maiso ga Musengwa Katonda, ku luya kw'olutimbe oluli emberi y'Esanduuku ey'Endagaano, mu Kifo Ekitukuvu Einho, agho mu Weema ey'Okwagaananirangamu ni Musengwa Katonda. Eiteeka eryo linaakuumibwanga Abaisiraeli boonaboona ense n'ense.”

Yeremia 23:15

“Agho ni, nze Musengwa Katonda Afuga Amagye, nkoba abalanzi b'omu Yerusalemu nti: ‘Mubone eno, ndidha kubagha olubiriizi balulye lubakaayire, mbaghe n'amaadhi agalimu eirogo baganhwe; kuba baleeteire abantu boonaboona mu nsi eno obutatya Katonda.’

Ezekieli 44:15

Musengwa Katonda era yaakoba ati: “Aye ghaligho bakabona Abalevi ab'oku nda ya Zadoki, abaasigala nga bakampeereza mu isinzizo lyange n'obwesigwa mu kiseera Abaisiraeli abandi boonaboona kye banviiraku ni badaaliima. Bakabona abo n'abaidha okumpeerezanga nga baseeta ye ndi okughaayo amasavu n'omusaayi eby'emisengo.

Ezekieli 44:16

Abo bonka n'abaidha okwingiranga mu isinzizo lyange okumpeereza ku alutaari yange entukuvu, era baidha kutuukirizanga bye mbalagira.

Abalevi 10:6

Musa yaakoba Aaroni ni batabane be, Eleazari ni Ithamari, ati: “Mutaloba kusunsula nviiri dhaimwe era mutakanulamu ebivaalo byaimwe okwoleka nga munakughaire. Bwe munaakola ekyo mwidha kufa, era Musengwa Katonda aidha kusungughalira ekikunsu kyonakyona eky'abantu. Aye Baisiraeli banaimwe abandi boonaboona, baikirizibwa okulira olw'okufiirwa okwo, okuleeteibwa omuliro Musengwa Katonda gw'asindiike.

Abalevi 24:3

Buli igulo, Aaroni aidha kugikunaanianga, agireke ng'eyaka obutazikira okutuusa ku nkyo, agho mu maiso ga Musengwa Katonda, ku luya kw'olutimbe oluli emberi ow'Esanduuku ey'Endagaano, mu Kifo Ekitukuvu einho agho mu Weema ey'Okwagaananirangamu ni Musengwa Katonda. Eiteeka eryo liidha kukuumibwanga ebyanda n'ebyanda.

Zekaria 10:3

Musengwa Katonda Afuga Amagye akoba ati: “Nsungughaliire inho abakulembeze abo abafuga abantu bange, era ndidha kubabonereza. Nze Musengwa Katonda Afuga Amagye, mwene ndirabiriranga abantu bange Abayudaaya ng'oti n'omwayi bw'alabirira ebyayo bye. Era ndibaleetera okuba ng'oti n'embalaasi edh'omu lutalo edhitatya naire.

Okubala 1:50

Aye oidha kubagha ogw'okulabiriranga Weema ey'Okwagaananirangamu ni Musengwa Katonda, n'ebikozesebwamu byonabyona. Baidha kugibbeedanga okugitwala n'ebikozesebwamu byonabyona, n'okukolanga emirimo gyamu. Era baidha kusimbanga eweema dhaibwe okugyezungulula.

Okubala 1:53

Aye Abalevi baidha kusimbanga weema dhaibwe okwezungulula Weema ey'Okwagaananirangamu ni Musengwa Katonda, olwo Abaisiraeli balobe kusungughalirwa. Era Abalevi n'abanaabanga n'obuvunaanizibwa ku Weema ey'Okwagaananirangamu ni Musengwa Katonda.”

Okubala 16:46

Musa yaakoba Aaroni ati: “Toola ekiniokezebwamu obubbaani ekikyo, okiteemu omuliro okuva ku alutaari era ote obubbaani ku muliro ogwo. Bw'omala okitwale mangu eri abantu okole omukolo ogw'okubatoolaku ebibi; kuba obusungu bwa Musengwa Katonda bumaze okubatuukaku era endwaire embi etooleire okubaita.”

Okubala 18:4

Baidha kukoleranga ghalala n'iwe, mu kulabiriranga Weema ey'Okwagaananirangamu ni Musengwa Katonda, nga mukola emirimo gyamu gyonagyona. Aye ghatabangagho muntu atali Mulevi, n'aseeta ye muli.

Okubala 4:18

“Mutalekanga bantu basimuka mu Kohathi kufa kuwaagho mu Balevi.

Okubala 8:19

Era ntaire Abalevi ng'ekirabo mu mikono gy'Aaroni ni batabane be, bagheerezenga Abaisiraeli mu Weema ey'Okwagaananirangamu ni Musengwa Katonda, era baleeterenga Abaisiraeli abo okutoolebwaku ebibi; balobe kugwirwanga kibamba bwe banaabanga nga baseese kumpi n'Ekifo Ekitukuvu.”

Okubala 8:2

“Koba Aaroni oti, bw'aba ng'ali kuta entaala omusanvu ku kikondo kyadho, adhiteeku dhibe nga dhimulisa mberi wa kikondo ekyo.”

1 Timotheo 1:18

Mwana wange Timotheo, bye nkulagira bijiira ku bibono eby'abalanzi bye baakwogeraku eira. Idhukiranga ebibono ebyo, memale oghange okulwana obukalamu,

1 Timotheo 3:15

Aye bwenaaba nga ndwire, bino binaakumanhisa bwetugwaine okwebisa nga bwe tuli abantu ba Katonda, ekyo nga n'Ekikunsu eky'Abaikiriza mu Kurisito ekya Katonda omulamu, era ng'ekyo n'empango n'omusingi ogw'amazima.

1 Timotheo 5:21

Nkusikirira mu maiso ga Katonda, ni Kurisito Yesu, ni bamalaika abatukuvu, ojiirenga ku biragiro bino buliidho, aghazira kwekubira oba okusaliriza.

1 Timotheo 6:20

Timotheo, kuumanga bukalamu bye wagemesebwa. Oteeyimbanga mu mpayo edh'abatatya Katonda, ni mu kutakana ebiziramu, abandi kwe beeta amagezi