Okubala 18:32 - Baibuli Ekibono kya Katonda 2014

³² Era timuubenga na kibi kye mukoze olw'okubirya, kasita munaabanga nga mughaireyo ebisinga bulungi. Aye mwegenderezenga mulobe kwonoona ebintu ebitukuvu Abaisiraeli bye baleeta, memale olwo mulobe kufa.’ ”

Okubala 18:32 ပူးပေါင်းရင်းမြစ်များ

Okuvaayo 28:43

Aaroni ni batabane baidha kuvaalanga ebivaalo ebyo buliidho memale bangire mu Weema ey'Okwagaananirangamu ni Musengwa Katonda, oba baseete ye Alutaari okugheereza nga bakabona mu Kifo Ekitukuvu. Bwe batakola batyo balyereetaku omusango era baafa. Kino kiragiro ekitaja kuvaagho eri Aaroni n'abaana be era n'abaidhukulu.

Abalevi 19:8

Kiisi anaagiryangaku anaabonerezebwanga olw'obutagha kintu kya Musengwa Katonda ekitukuvu ekitiibwa kyakyo, era omuntu oyo anaabanga nga takaabalirwa mu bantu bange.

Abalevi 22:2

“Koba Aaroni ni batabane be, batenga ekitiisa mu bintu ebitukuvu, Abaisiraeli bye bantonera, balobenga kwonoona liina lyange eitukuvu. Ninze Musengwa Katonda.

Malaki 1:7

Muti bwe muunhooma: Mughaayo emere eyonooneike ku alutaari yange. Ate mwamala mwambuuza muti, ‘Alutaari yo tugyonoine tutya?’ Aye nga muba muginhoomye olw'okukola ekyo.

Okubala 18:22

Okuva ni mpegaano, Abaisiraeli abandi abatali Balevi bataseetanga kumpi na Weema eyo, olwo balobe kwereetaku kibi kya kubaitisa.

Okubala 18:31

Munaabanga ba idembe, imwe beene era n'ab'omu ndhu dhaimwe, okubiriira mu kifo kyonakyona ekibaagho, kuba ebyo n'ebisasulira obugheereza bwe mukola mu Weema ey'Okwagaananirangamu ni Musengwa Katonda.

Okubala 19:1

Agho Musengwa Katonda yaakoba Musa ni Aaroni ati:

1 Ab'e Korintho 11:27

Kale buli alya omugaati oba anhwa ku kikopo mu nsambo etagheesa Musengwa kitiisa, aiza omusango ku mubiri n'omusaayi gwa Musengwa.

1 Ab'e Korintho 11:29

kuba buli alya ku mugaati, era n'anhwa ku kikopo nga tategeire makulu ga mubiri gwa Musengwa, yeereetera mwene omusango okumusinga.