Okubala 18:30 - Baibuli Ekibono kya Katonda 2014

³⁰ Bwe munaamalanga okughaayo ebyo ebisinga bulungi, ebisigalagho mwidha kubisigazanga ng'omuntu bw'asigaza ebiva mu kifo aghakubirwa engaano n'ebiva mu kikunhiro eky'omwenge ogw'emizabbibu.

Okubala 18:30 ပူးပေါင်းရင်းမြစ်များ

Amainhama 43:11

Agho Isiraeli iseibwe yaabakoba ati: “Oba nga kityo bwekiri, mukole muti: mutwale mu nsawo dhaimwe ebirabo bye munaagha omusaadha oyo. Mumutwalire ku bintu eby'omu nsi eno ebisinga kuba birungi: ku busando obw'akawoowo, ni ku mudheenene gw'endhuki, ni ku buwoowo obwetebwa balamu ni mirra, ni ku maido ag'omu itaka n'ag'oku miti.

Amainhama 50:10

Bwe baatuuka mu kifo aghakubirwa engaano, eky'e Atadi e buvandhuba wa Yorudani, baakubira eyo empungu nhingi inho okumala ekiseera. Era Yosefu yaamala enaku musanvu ng'alira ise.

Okuvaayo 29:27

“Era ku ntaama enume eyo egheebwayo olw'okwawulibwa kw'Aaroni ni batabane, oidha kutukuzaaku akafumito kaayo, n'ekisambi kyayo, byombi bibe ekigheebwayo nga kiwuubibwa.

Malaki 1:8

Mulowooza muti bwe mutoola ensolo entulu, oba enema, oba endwaire, ni mudhighaayo ng'emisengo, ekyo tikiba kibi? Kale lwaki ensolo ng'oti n'edho timudhitoneraku bafuzi baimwe? Obwo bwenebwene abafuzi abo banaabasangaalira era baabasiima?”

Okubala 18:29

Ku bintu byonabyona bye munaafunanga, mwidha kutoolangaku ebisinga bulungi mubighengayo mu bwidhuvu ng'ekigheebwayo eri nze Musengwa Katonda.

Okubala 18:31

Munaabanga ba idembe, imwe beene era n'ab'omu ndhu dhaimwe, okubiriira mu kifo kyonakyona ekibaagho, kuba ebyo n'ebisasulira obugheereza bwe mukola mu Weema ey'Okwagaananirangamu ni Musengwa Katonda.

Matayo 6:33

Kale ni musookenga kunoonia Bwakyabazinga bwa Katonda n'obutuufu bwe, era byonabyona biribongerwaku.

Amateeka Agokubiri 6:5

Mugonzenga Musengwa Katonda, oyo Katonda waimwe, n'omutima gwaimwe gwonagwona, n'amaani gaimwe goonagoona.