Okubala 18:3 - Baibuli Ekibono kya Katonda 2014

³ Baidha kukolanga emirimo gy'onaabaghanga era bakolenga n'emirimo egindi egy'omu Weema. Aye bataseetanga kumpi na bintu bikozesebwa mu Kifo Ekitukuvu, oba okuseeta ku alutaari olwo beene n'iwe mulobe kufa.

Okubala 18:3 ပူးပေါင်းရင်းမြစ်များ

Ezekieli 44:13

Tibaidha kuseetanga ye ndi kumpeereza nga bakabona, waire okwingira mu Kifo Ekitukuvu, oba okuseeta obuseete kumpi n'ebintu byange ebitukuvu. Baliba bwa mu kuswala nga babonerezebwa olw'ebyenhinhalwa bye baakola.

Okubala 1:51

Buli lwe munaagisengulanga, Abalevi n'abanaagisimbulangagho, era buli ghe munaagisimbanga, Abalevi n'abanaagisimbangagho. Atali Mulevi bw'anaagiseetangaku aidha kwitibwanga.

Okubala 1:53

Aye Abalevi baidha kusimbanga weema dhaibwe okwezungulula Weema ey'Okwagaananirangamu ni Musengwa Katonda, olwo Abaisiraeli balobe kusungughalirwa. Era Abalevi n'abanaabanga n'obuvunaanizibwa ku Weema ey'Okwagaananirangamu ni Musengwa Katonda.”

Okubala 16:40

Ekyo kiidha kwidhukizanga Abaisiraeli, ghalobe kubangagho muntu yeenayeena atali kabona wa ku lulyo lw'Aaroni, aseeta mu maiso ga Musengwa Katonda okuniokeza obubbaani; kuba asobola okuzikirizibwa nga Kora ni baine bwe baazikirizibwa. Ebyo byakolebwa nga Musengwa Katonda bweyalagira Eleazari ng'abita mu Musa.

Okubala 18:4

Baidha kukoleranga ghalala n'iwe, mu kulabiriranga Weema ey'Okwagaananirangamu ni Musengwa Katonda, nga mukola emirimo gyamu gyonagyona. Aye ghatabangagho muntu atali Mulevi, n'aseeta ye muli.

Okubala 18:7

Aye iwe ni batabane bo, niimwe mwenka abanaakolanga emirimo egy'obwakabona egy'oku alutaari n'egy'omu Kifo Ekitukuvu. Mbaghaire obwakabona ng'ekirabo, era omuntu atali Mulevi bw'anaaseetanga okumpi, aidha kwitibwanga.”

Okubala 3:25

Omulimo gwaibwe gwali gwa kulabiriranga Weema eyo, ebintu ebigighembaku, n'ekintu ekikinzaagho,

Okubala 3:31

Omulimo gwaibwe gwali gwa kulabiriranga Esanduuku ey'Endagaano, emeeza, ekikondo eky'entaala, alutaari, n'ebintu byonabyona bakabona bye baakozesanga mu Kifo Ekitukuvu, era n'ekintu ekikinzaagho. Nga n'abalabirira emirimo egigemagana n'ebintu ebyo byonabyona.

Okubala 3:36

Omulimo ogwabagheebwa gwali gwa kulabiriranga ebikondo bya Weema eyo, n'embaawo edhikiikamu, n'empango, n'ebikolo ebyemereraku ebikondo, n'ebikolerwaku. Nga n'abalabirira emirimo egigemagana n'ebintu ebyo byonabyona.

Okubala 31:30

Ku mugabo ogw'Abaisiraeli abandi abasigairegho oidha kutoolaku omuntu mulala mulala ku buli bantu ataanu abanhage, era oidha kukola otyo ku nte, ku ndogoyi, ku ntaama, ku mbuzi, era ni ku nsolo edhindi dhoonadhoona, obighe Abalevi abalabirira Weema ya Musengwa Katonda.”

Okubala 4:15

Agho Aaroni ni batabane bwe banaabanga nga bamaze okughemba ku bintu bire ebitukuvu ebikozesebwa mu Kifo Ekitukuvu, olwo nga saawa yeene etuuse ey'okusenguka, abantu abasimuka mu Kohathi banaidhanga baabbeeda ebintu ebyo ebitukuvu. Aye tibaikirizibwa kugema ku bintu ebyo nga ti bighembe byaku. Bwe babigemaku bafa. Ebyo n'ebintu abantu abasimuka mu Kohathi bye bali n'okubbeedanga.