Okubala 18:20 - Baibuli Ekibono kya Katonda 2014

²⁰ Era Musengwa Katonda yaakoba Aaroni ati: “Timwidha kufuna kintu kyonakyona kya nsikirano, waire okugheebwa omugabo gwonagwona mu nsi y'Abaisiraeli. Ninze omugabo gwaimwe ogunaababeesangagho mu Baisiraeli.”

Okubala 18:20 ပူးပေါင်းရင်းမြစ်များ

Amainhama 15:1

Ebyo nga bimaze okubaagho, Aburamu yaawulira Musengwa Katonda mu kirooto, ng'amukoba ati: “Aburamu, otatya. Nze ndidha kubanga ngabo yo nkuwonie ebizibu, era ndidha kukugha empeera nnene.”

Zabbuli 142:5

Wo Musengwa Katonda, nkulirira oidhe ombeere; niiwe onkuuma era niiwe wenka ye neesiga mu nsi muno.

Zabbuli 16:5

Musengwa Katonda n'ekirungi kyonka kye ndi nakyo, oyo n'ekikopo ekyantegekerwa okunhwa, era obulamu bwange buli mu ngalo dhe.

Zabbuli 73:26

Waire omubiri gwange n'omwoyo binafugha, Katonda n'amaani gange era oyo n'omugabo gwange ebyanda n'ebyanda.

Okulira 3:24

Nkiidhi bukalamu mu mwoyo gwange nti Musengwa ye neesiga ku nsi. Olw'ekyo eisuubi lyange liri mu oyo.

Ezekieli 44:28

“Bakabona tibaabenga na kintu kyonakyona kya nsikirano. Nze Musengwa Katonda ninze obusika bwaibwe. Era mutabaghanga mugabo gwonagwona mu Isiraeli. Nze ninze omugabo gwaibwe.

Okubala 18:7

Aye iwe ni batabane bo, niimwe mwenka abanaakolanga emirimo egy'obwakabona egy'oku alutaari n'egy'omu Kifo Ekitukuvu. Mbaghaire obwakabona ng'ekirabo, era omuntu atali Mulevi bw'anaaseetanga okumpi, aidha kwitibwanga.”

Okubala 26:62

Abasaadha Abalevi boonaboona abaabalibwa, okuva ku mwana omulenzi agheziiza omwezi omulala n'okusingagho, baali emitwalo ebiri n'enkumi isatu (23,000). Abo tibaabalirwa ghalala na Baisiraeli bandi, kuba Abalevi abo tibaagheebwa mugabo gwa itaka lya nsikirano mu Baisiraeli banaibwe.

Amateeka Agokubiri 10:9

Eyo n'ensonga lwaki ab'ekika kya Levi tibaafuna mugabo gwa itaka lya nsikirano ng'oti n'ab'ebika ebindi. Bo baagabanaku kya kuba bakabona ba Musengwa Katonda, nga Musengwa Katonda waimwe bweyabakoba beene.)

Amateeka Agokubiri 12:12

Mwidha kusagambiranga eyo mu maiso ga Musengwa Katonda waimwe, nga muli ghalala ni batabane baimwe, n'abairu baimwe abasaadha n'abakazi, n'Abalevi abali mu bibuga byaimwe kuba, Abalevi abo tibaja kufuna mugabo gwa itaka lya nsikirano, gwaibwe ku bwaibwe.

Amateeka Agokubiri 14:27

“Abalevi ababa mu bibuga byaimwe mutabalekuliranga agho, kuba beene bazira mugabo gwa itaka lya nsikirano ng'oti n'imwe.

Amateeka Agokubiri 14:29

Olwo Abalevi abazira mugabo gwa itaka lya nsikirano nga imwe bwe muli nagwo, n'abasenze, ni bamulekwa, ni banamwandu abali mu bibuga byaimwe, banaidhanga baafuna ku mere eyo, baalya baiguta olwo Musengwa Katonda waimwe aghange okubagha imwe enkabi mu byonabyona bye munaakolanga.”

Yoshua 13:14

Ekika eky'Abalevi ni kyonka Musa ky'ataagha mugabo. Omugabo gwaibwe nga guli na kuva ku ebyo ebigheebwayo eri Musengwa Katonda nga byokerwa ku alutaari nga Musengwa Katonda oyo bwe yalagira Musa.

Yoshua 13:33

Aye ekika eky'Abalevi tiyakigha mugabo. Yabakoba ati omugabo gwaibwe gwidha kuvanga ku binaagheebwangayo eri Musengwa Katonda wa Isiraeli.

Yoshua 14:3

Musa yali amaze okugha ebika ebibiri n'ekitundu omugabo gwaibwe e buvandhuba wa Yorudani, aye Abalevi tiyabagha.

Yoshua 18:7

Abalevi bazira mugabo mu imwe, kuba omugabo gwaibwe kugheereza Musengwa Katonda nga bakabona. Ate Abagadi, n'Abareubeni, n'Abamanasse ab'e buvandhuba, baamala ira okufuna emigabo gyaibwe e buvandhuba wa Yorudani, Musa omugheereza wa Musengwa Katonda gye yabagha.”

Okwolekebwa 21:3

Naawulira amamiro ag'amaani nga gava gha kityamo eky'obwakyabazinga, nga gakoba gati: “Bona, mperaano ekifo Katonda mw'aba kiri mu bantu. Katonda anaabanga nabo, nga ni Katonda waibwe, era nga beene bantu be.