Okubala 18:2 - Baibuli Ekibono kya Katonda 2014

² Era oidha kuleetanga baganda bo ab'ekika kya Levi, bakweyimbeku, bakuyambengaku iwe ni batabane bo, nga muli kugheereza mu Weema.

Okubala 18:2 ပူးပေါင်းရင်းမြစ်များ

Amainhama 29:34

Era yaatoola enda, yaazaala omwana mulenzi, yaakoba ati: “Ku mukuzi guno baze aidha kugumira ku nze, kuba mmuzaaliire abaana abalenzi basatu.” Kyeyava n'amutuuma eriina Levi.

2 Ebyomubyanda 30:16

Baayemerera mu bifo byaibwe, ng'Amateeka ga Musa omusaadha wa Katonda bwe galagira. Abalevi baatwaliranga bakabona omusaayi ogw'emisengo, ate bakabona baagumansiranga.

Ezekieli 44:11

Banaabanga bakuumi ba miryango gya isinzizo lyange, nga bakola n'emirimo egindi ng'oti ni gino: okwitanga ebyo abantu bye baleeta ng'ebigheebwayo eby'emisengo egyokebwa, n'okugheerezanga abantu abo.

Ezekieli 44:15

Musengwa Katonda era yaakoba ati: “Aye ghaligho bakabona Abalevi ab'oku nda ya Zadoki, abaasigala nga bakampeereza mu isinzizo lyange n'obwesigwa mu kiseera Abaisiraeli abandi boonaboona kye banviiraku ni badaaliima. Bakabona abo n'abaidha okumpeerezanga nga baseeta ye ndi okughaayo amasavu n'omusaayi eby'emisengo.

Malaki 2:4

Agho mulimanha nga nze Musengwa Katonda Afuga Amagye ninze mbaghaire ekiragiro ekyo. Olwo endagaano yange ye nakola ni bakabona, baidhukulu ba Levi, erobe kumenhebwa.

Okubala 1:53

Aye Abalevi baidha kusimbanga weema dhaibwe okwezungulula Weema ey'Okwagaananirangamu ni Musengwa Katonda, olwo Abaisiraeli balobe kusungughalirwa. Era Abalevi n'abanaabanga n'obuvunaanizibwa ku Weema ey'Okwagaananirangamu ni Musengwa Katonda.”

Okubala 16:40

Ekyo kiidha kwidhukizanga Abaisiraeli, ghalobe kubangagho muntu yeenayeena atali kabona wa ku lulyo lw'Aaroni, aseeta mu maiso ga Musengwa Katonda okuniokeza obubbaani; kuba asobola okuzikirizibwa nga Kora ni baine bwe baazikirizibwa. Ebyo byakolebwa nga Musengwa Katonda bweyalagira Eleazari ng'abita mu Musa.

Okubala 17:7

Musa yaata emiigo egyo mu Weema ey'Okwagaananirangamu ni Musengwa Katonda, gha mberi w'Esanduuku ey'Endagaano.

Okubala 18:4

Baidha kukoleranga ghalala n'iwe, mu kulabiriranga Weema ey'Okwagaananirangamu ni Musengwa Katonda, nga mukola emirimo gyamu gyonagyona. Aye ghatabangagho muntu atali Mulevi, n'aseeta ye muli.

Okubala 3:5

Agho Musengwa Katonda yaakoba Musa ati:

Okubala 4:15

Agho Aaroni ni batabane bwe banaabanga nga bamaze okughemba ku bintu bire ebitukuvu ebikozesebwa mu Kifo Ekitukuvu, olwo nga saawa yeene etuuse ey'okusenguka, abantu abasimuka mu Kohathi banaidhanga baabbeeda ebintu ebyo ebitukuvu. Aye tibaikirizibwa kugema ku bintu ebyo nga ti bighembe byaku. Bwe babigemaku bafa. Ebyo n'ebintu abantu abasimuka mu Kohathi bye bali n'okubbeedanga.

Okubala 8:19

Era ntaire Abalevi ng'ekirabo mu mikono gy'Aaroni ni batabane be, bagheerezenga Abaisiraeli mu Weema ey'Okwagaananirangamu ni Musengwa Katonda, era baleeterenga Abaisiraeli abo okutoolebwaku ebibi; balobe kugwirwanga kibamba bwe banaabanga nga baseese kumpi n'Ekifo Ekitukuvu.”

Okubala 8:22

Ebyo nga biwoire, Abalevi baaja baagheereza mu Weema ey'Okwagaananirangamu ni Musengwa Katonda, nga balabirirwa Aaroni ni batabane be. Musengwa Katonda bye yalagira Musa bikolebwe ku Balevi abo, n'ebyo abantu bye baabakola.

Abaheburayi 9:6

Ebintu ebyo byonabyona nga bimaze okutegekebwa bityo, bakabona baajanga buliidho mu kiketezo eky'eweema ekituukirwamu, baakolanga eby'obwakabona.