Okubala 18:13 - Baibuli Ekibono kya Katonda 2014

¹³ Era nkughaire ebibala ebisooka okwenga mu misiri gyaibwe gyonagyona bye bandeetera nze Musengwa Katonda. Buli muntu yeenayeena ow'omu ndhu yo nga mulongoofu, anaabanga wa idembe okubiryaku.

Okubala 18:13 ပူးပေါင်းရင်းမြစ်များ

2 Bakyabazinga 4:42

Olundi ghaidhagho omusaadha eyava e Baali Shalisha ng'aleeteire mu nsawo ye ebirime ebisooka okukungulwa eri Elisha omuntu wa Katonda. Mwalimu obufaaganda obw'engaano ye baakakungula, n'emigaati amakumi abiri egya sayiri ye baasooka okukungula. Elisha yaakoba omugheereza we ati: “Ebyo bighe abantu balye.”

2 Ebyomubyanda 31:5

Ekiragiro ekyo bwe kyamala okulangirirwa, baaleeta mu bungi ebisooka okukungulwa, ku ngaano, ni ku mwenge ogw'emizabbibu, ni ku muzigo ogw'ebibala eby'emiti emyoliva, ni ku mudheenene ogw'endhuki, ni ku birime byonabyona. Era baaleeta mu bungi n'ekintu kirala kirala ku buli bintu ikumi ku ebyo bye baali nabyo.

Okuvaayo 22:29

“Oidha kundeeteranga ebigheebwayo ku birime by'osooka okukungula, ni ku muzigo ogw'emiti emyoliva gy'okamula, ni ku mwenge gw'emizabbibu gw'okunha. Era oidha kumpanga omwana omulenzi anaasookanga okuzaalibwa.

Okuvaayo 23:19

“Emere ye musookanga okukungula mu misiri gyaimwe mugireetanga mu ndhu yange nze Musengwa Katonda waimwe, mwagighaayo. “Mutafumbiranga mamba ya mbuzi nto oba ya ntaama nto, mu mata ga inhaayo.”

Okuvaayo 34:26

“Emere ye musookanga okukungula mu misiri gyaimwe, mugireetanga mu ndhu yange nze Musengwa Katonda waimwe, mwagighaayo. “Mutafumbiranga mamba ya mbuzi nto, oba ya ntaama nto mu mata ga inhaayo.”

Yeremia 24:2

Ekiibo ekindi kyalimu emitiini emirungi einho ng'oti n'egyo egisookereza okwenga ku muti. Aye ekiibo ekindi kyabaamu emitiini nga mibi inho, egitasobola na kuliibwa.

Ezekieli 44:30

Ku bintu bye musooka okukungula byonabyona, ni ku bintu bye mughaayo ye ndi, mwidha kutoolangaku ebisinga bulungi bibenga bya bakabona. Era mwidha kubaleeteranga n'engaano ye munaasookanga okukanda, olwo enkabi dhibenga mu maka gaimwe.

Hosea 9:10

Musengwa Katonda akoba ati: “Nayagaana ensi Isiraeli ng'oti n'ole bw'ayagaana emizabbibu egiri kukulira eyo mu irungu. Era naabona badhaadha baimwe ng'oti n'ole bw'abona ebibala eby'omutiini ebisooka okwenga mu mwaka. Aye bwe baatuuka ka lusozi Peori baatoolera okusinza omusambwa Baali, olwo baafuuka ekyenhinhalwa ng'oti n'omusambwa gwene ogwo gwe baasinzanga bwe gwali.

Abalevi 22:7

Endhuba ng'egwire anaabanga mulongoofu; olwo ng'asobola okulya ku bigheebwayo ebitukuvu, kuba ebyo n'emere ye nga kabona.

Abalevi 23:17

Buli maka ganaaleetanga emigaati ebiri eri Musengwa Katonda ng'ekigheebwayo ekiwuubibwa. Buli mugaati gunaakolebwanga mu kilo ibiri edh'obuwunga obuseereibwa obukalamu, nga butabwirwamu ekizimbulukusa. Emigaati egyo munaagighangayo eri Musengwa Katonda ng'ekigheebwayo eky'ebirime ebisooka okukungula.

Mika 7:1

Nkagwireku nze! Ndi oti n'omuntu ali endhala aja ku muti ogw'ebibala n'ayagaana nga baagumalaku, era n'aja ku mizabbibu nga kwona baaginogaku. Olwo yaaba ng'asubiibwa obuwoomi bw'emizabbibu n'obw'ebibala eby'emitiini ebisookereza okwenga!

Amateeka Agokubiri 18:4

Bakabona era banaafunanga ekitundu ekisooka okukungulwa, eky'engaano yaimwe, n'eky'omwenge gwaimwe ogw'emizabbibu, n'eky'omuzigo gwaimwe ogw'ebibala eby'emiti emyoliva. Era bafunenga n'ekitundu eky'obuviiri bwe musooka okusala ku ntaama dhaimwe.

Amateeka Agokubiri 26:2

buli muntu aidha kutanga mu kiibo ku birime bye byonabyona ebisooka okukungulwa. Abitwale mu kifo Musengwa Katonda waimwe ky'aliba ng'alonzeegho okumusinzizangamu.