Okubala 18:11 - Baibuli Ekibono kya Katonda 2014

¹¹ “Okwongereza ku ebyo, ebintu ebindi byonabyona Abaisiraeli bye banaaghangayo eri nze Musengwa Katonda ng'ekigheebwayo eky'endhawulo nga kiwuubibwa, biidha kubanga bibyo iwe, ni batane bo, ni baghala bo ng'omugabo gwe munaafunanga ebyanda n'ebyanda. Buli muntu yeenayeena ow'omu ndhu yo anaabanga wa idembe okubiryaku kasita anaabanga nga mulongoofu.

Okubala 18:11 ပူးပေါင်းရင်းမြစ်များ

Abalevi 10:14

Aye ekifuba ekigheebwayo nga kiwuubibwa, n'ekisambi ekigheebwayo obugheebwe, iwe ni batabane bo ni baghala bo, munaabanga ba idembe okubiriira mu kifo kyonakyona ekirongoofu, kuba ebyo bikugheebwa iwe n'abaana bo, nga n'omugabo gwaimwe bakabona, ku misengo egigheebwayo Abaisiraeli olw'okutabagana.

Abalevi 7:14

Anaaghangayo eri Musengwa Katonda mulala mulala ku buli kika eky'emigaati egyo ogwo gunaabanga gwa kabona amansira omusaayi ogw'ekigheebwayo olw'okutabagana.

Okubala 18:1

Agho Musengwa Katonda yaakoba Aaroni ati: “Iwe ni batabane bo n'ab'omu kika kyo boonaboona, niimwe mwidha okuvunaanibwanga byonabyona ebinaabanga nga bisobye mu Kifo Ekitukuvu. Aye ebinaabanga nga bisobye mu bwakabona, biidha kuvunaanibwanga iwe ni batabane bo mwenka.

Okubala 18:10

Ebintu ebyo mwidha kubiriiranga mu Kifo Ekitukuvu Einho, era buli musaadha anaabanga wa idembe okubiryaku. Mubitwalenga nga bitukuvu.

Okubala 18:19

Nkughaire iwe, ni batabane bo, ni baghala bo, ebigheebwayo ebitukuvu byonabyona Abaisiraeli bye banandeeteranga nze Musengwa Katonda, bibe omugabo gwaimwe gwe munaafunanga ebyanda n'ebyanda. Eyo n'endagaano ye nkoze n'iwe era n'eizaire lyo, etaja kumenhebwagho ebyanda n'ebyanda.”

Okubala 18:8

Agho Musengwa Katonda yaakoba Aaroni ati: “Era bona eno, nkughaire ebyo byonabyona ebirekebwagho nga tibyokeibwa ku bigheebwayo ebitukuvu Abaisiraeli bye bampa nze Musengwa Katonda. Mbikughaire iwe ni batabane bo ng'omugabo gwe munaafunanga ebyanda n'ebyanda.

Amateeka Agokubiri 18:3

“Guno n'omugabo abantu abali kughaayo omusengo, gwe banaaghanga bakabona: bw'enaabanga ente oba entaama, banaaghanga bakabona omukono, n'emba dhombi, n'ebyenda.