Okubala 18:1 - Baibuli Ekibono kya Katonda 2014

¹ Agho Musengwa Katonda yaakoba Aaroni ati: “Iwe ni batabane bo n'ab'omu kika kyo boonaboona, niimwe mwidha okuvunaanibwanga byonabyona ebinaabanga nga bisobye mu Kifo Ekitukuvu. Aye ebinaabanga nga bisobye mu bwakabona, biidha kuvunaanibwanga iwe ni batabane bo mwenka.

Okubala 18:1 ပူးပေါင်းရင်းမြစ်များ

Okuvaayo 28:38

Era kaidha kubanga mu bweni bwa Aaroni okwoleka nti aikiriiza okwetwika ensobi dhoonadhoona edhisobola okukolebwa mu kughaayo ebigheebwayo ebitukuvu, Abaisiraeli bye bampa nze Musengwa Katonda, olwo mbe nga mbiikiriza.

Isaia 53:11

Bw'alibona ku ebyo ebiriva mu kudaazibwadaazibwa kwe, alisangaala. Olwo yaamanha nga tiyadaazibwadaazibwa bwereere. Omugheereza wange oyo aneesiimisa, era alyetwika ekibonerezo ky'ebibi eby'abangi, nze naabasonigha ku lulwe.

Isaia 53:6

Ife twenatwena twabula ng'oti ntaama, buli muntu yaagema njira ye. Aye Musengwa Katonda yaatoola ekibonerezo ekyali kitugwaniire olw'ebibi byaife, yaakita ku mugheereza we oyo.

Ezekieli 4:4

“Ng'omaze ekyo, oidha kulambaala kya mbavu ku luuyi olw'omukono gwo omugooda, nze nkuteeku ebibi eby'abeighanga lya Isiraeli. Enaku dh'onaamala ng'olambaaliire ku luuyi olwo, oidha kudhisasuliramu ebibi eby'eighanga Isiraeli.

Abalevi 10:17

“Ekigheebwayo olw'ebibi lwaki timukiriiriire mu Kifo Ekitukuvu? Ekigheebwayo ekyo Kitukuvu inho, era Musengwa Katonda yakibagha okutoolagho ebibi by'abantu, nga mughaayo omusengo olw'ebibi eby'abantu mu maiso ga Musengwa Katonda.

Abalevi 22:16

nga baganha abantu abatali bakabona okubiryaku, olwo baaleetera abantu abo okubaaku omusango era n'okubonerezebwa. Ninze Musengwa Katonda abifuula ebitukuvu.”

Abalevi 22:9

“Bakabona boonaboona banaatuukirizanga bye mbalagira, balobenga kwonoona ni bafa olw'okubinhooma. Ninze Musengwa Katonda abafuula abatukuvu.

Okubala 14:34

Mwidha kudaagadaaga olw'ebibi byaimwe okumala emyaka amakumi ana. Buli lunaku, ku nnaku amakumi ana dhe mwamala nga mukeeta ensi eyo, mwidha kulusasulangamu mwaka mulamba. Memale olwo mumanhe nga tiri musangaavu.

Okubala 16:10

Katonda yabaseesa kumpi ni mwene, iwe ni baganda bo baidhukulu ba Levi. Buti muli kwenda mufune n'obwakabona bwona?

Okubala 17:13

Oba nga buli muntu aseeta okumpi ni Weema ey'Okwagaananirangamu ni Musengwa Katonda ateekwa kufa, olwo twenatwena tituuweegho buwe?”

Okubala 17:3

Era oidha kughandiika eriina ly'Aaroni ku mwigo ogw'ekika kya Levi, kuba buli mukulu wa kika aidha kuba n'omwigo mulala.

Okubala 17:7

Musa yaata emiigo egyo mu Weema ey'Okwagaananirangamu ni Musengwa Katonda, gha mberi w'Esanduuku ey'Endagaano.

Okubala 18:11

“Okwongereza ku ebyo, ebintu ebindi byonabyona Abaisiraeli bye banaaghangayo eri nze Musengwa Katonda ng'ekigheebwayo eky'endhawulo nga kiwuubibwa, biidha kubanga bibyo iwe, ni batane bo, ni baghala bo ng'omugabo gwe munaafunanga ebyanda n'ebyanda. Buli muntu yeenayeena ow'omu ndhu yo anaabanga wa idembe okubiryaku kasita anaabanga nga mulongoofu.

Okubala 3:6

“Yeta ekika eky'Abalevi, obateegho bagheerezenga kabona Aaroni.

Amateeka Agokubiri 10:8

Mu biseera ebyo Musengwa Katonda yaayawula ab'ekika kya Levi okubbeedanga Esanduuku ey'Endagaano ye, n'okumugheerezanga, n'okughanga abantu enkabi mu liina lye. Egyo n'emirimo gyaibwe n'okutuusa mpegaano.

Abaheburayi 13:17

Muwulirenga abakulembeze baimwe era mubagonderenga, kuba n'abalabirira emyoyo gyaimwe, era balyewozaaku ensambo ye baagirabiriramu. Mubasobozese okukola omulimo guno n'eisanhu, aye ti mu nnaku, kuba ekyo ghazira kye kibaganhula.

Abaheburayi 4:15

Omukulu wa Bakabona oyo ye tuli naye, n'oyo afaayo okutusaasira mu bunafu bwaife, era n'oyo eyalebwa mu buli nsambo ng'oti niife bwe tulebwa aye n'atakola kibi kyonakyona.

1 Petero 2:24

Yaganha okwetwika ebibi byaife ng'akomererwa ku musalaba, tube abafu eri ekibi, aye tube balamu eri obutuufu. Okudaazibwadaazibwa kwe n'okwabawonia imwe.

Abalamuzi 17:12

Omusaadha oyo Mika, yaamutaagho abe kabona we, era omwisuka oyo Omulevi, yaabanga mu maka ga Mika oyo.