Okubala 17:5 - Baibuli Ekibono kya Katonda 2014

⁵ Omwigo ogw'omuntu ye nnaalonda gwidha kusibuka. Mu nsambo eyo ndidha kulekeza Abaisiraeli okukwemuluguunhizanga.”

Okubala 17:5 ပူးပေါင်းရင်းမြစ်များ

2 Ebyomubyanda 26:16

Aye kyabazinga Uzzia bwe yafuuka ow'amaani atyo, yaidhamu okwekuluntaza era ekyo kyamuviiraku okugwa kuba yeetulinkiriza yaingira mu isinzizo lya Musengwa Katonda, yaaniokeza obubbaani ku alutaari eniokezebwaku obubbaani.

Ezera 2:62

Abantu abo baabanoonia mu nkalala dh'obuzaale aye nga tibabonekamu, kale baabalekeza okukola nga bakabona, nga batwalibwa ng'abatali balongoofu.

Zabbuli 105:26

Yaabatumira Musa omugheereza we, ni Aaroni ye yeerondera.

Okuvaayo 16:7

Enkyo ku nkyo mwidha kubona ekitiisa kya Musengwa Katonda, kuba awuliire bye mumwemuluguunhiaku buliidho. Okwemuluguunhia okwo tikusobola kwidha ku ife, kuba katyo ife niife baani?”

Isaia 11:1

Ng'olusaga bwe lusibukira ku kikonge ky'omuti ogutemeibwa, ni mu baidhukulu ba Yesse mutyo bwe mulisimukamu kyabazinga.

Isaia 13:11

Musengwa Katonda akoba ati: “Ndisindika ekibamba ku nsi, naabonereza abantu olw'ebibi byaibwe. Ndiisa ghansi abo abeetwala okuba aba ghaigulu, naabonereza abo abeekuluntaza n'abakola ebikolwa eby'obukambwe.

Isaia 27:6

Mu biseera ebiri kwidha, Abaisiraeli baidhukulu ba Yakobo balisimba emizi ng'oti muti, baamulisa ekimuli, era baataaku ebibala ebiidhuza ensi.

Isaia 5:24

Kale ni ng'omuliro bwe gumamula ebikaba, n'eisubi eikalu ni liya okuweekereragho, boona ebyo bye beesiga bwe birivunda, n'ebyo bye bakola byafuumuuka ng'oti nkungu; kuba baaloba amateeka ga Musengwa Katonda Afuga Amagye, baanhooma ekiragiro eky'Omutukuvu wa Isiraeli.

Ezekieli 16:41

Balyokya endhu dho, baakubonereza ng'abakazi abandi kamaala babona. Nze ndikulekeza okukola obwamalaaya, waaba nga tokaagulirira bagonzi bo.

Ezekieli 23:27

Agho ndirekeza obwenzi n'obwamalaaya bye watoola mu nsi Misiri. Era toliiramu kabiri kulingirira bifaananie bya misambwa gya Bamisiri, waire okwiramu okulowooza ku nsi Misiri.”

Hosea 14:5

Ng'amaadhi bwe gagwa ku itaka eikalu ni linoga amaadhi obukalamu, zeena ntyo bwe ndigha Abaisiraeli ebirungi kamaala. Baliba ng'oti kisimbe ekimuliisa ekimuli, era baasimba emizi mu itaka, baagumiragho ng'oti miti emipopulari egy'e Lebanoni.

Okubala 1:51

Buli lwe munaagisengulanga, Abalevi n'abanaagisimbulangagho, era buli ghe munaagisimbanga, Abalevi n'abanaagisimbangagho. Atali Mulevi bw'anaagiseetangaku aidha kwitibwanga.

Okubala 11:1

Agho abantu beemuluguunhiza Musengwa Katonda ng'abawulira, olw'ebizibu ebyabatuukaku. Musengwa Katonda bweyabawulira, obusungu bwe bwabatumbukiraku ng'oti muliro. Agho omuliro gwa Musengwa Katonda oyo gwabaakiramu era gwayokya oluuyi olusembayo olw'ekifo ghe baasimba weema dhaibwe.

Okubala 16:11

Kale mukimanhe muti, iwe ni baino boonaboona muli kudheemera Musengwa Katonda mwene kuba, katyo Aaroni naani memale mumwemuluguunhize?”

Okubala 16:5

Bwe yamala, yaakoba Kora ni baine boonaboona ati: “Enkyo Musengwa Katonda aidha kutwoleka oyo owuwe atuukiriire, era oyo aidha kumuseesa kumpi ni mwene. Oyo y'anaalonda aidha kumuseesa kumpi ni mwene.

Okubala 17:10

Musengwa Katonda yaakoba Musa ati: “Izaayo omwigo gw'Aaroni gha mberi w'Esanduuku ey'Endagaano, gukumirwe agho ng'akamanhiso eri abadheemu, nti baidha kufa bwe batalekera agho kuneemuluguunhizanga.”

Okubala 17:6

Musa yaayogera n'Abaisiraeli, era abakulembeze baibwe baamugha omwigo mulala mulala okuva mu buli kika. Egyo gyaba emiigo ikumi n'ebiri, nga n'ogw'Aaroni gulimu.

Okubala 17:8

Ku lunaku olwairirira, Musa bweyaja mu Weema eyo, yaabona ng'omwigo gw'Aaroni ogw'ab'ekika kya Levi gusibwike, gwaleeta amakaba, gwamulisa ebimuli, era gwataaku ebibala ebyetebwa alumondi ebyenvu.

1 Ab'e Korintho 10:10

Era tutaduuduumanga ng'abandi ku abo bwe baakola, Malaika ow'okufa n'abaita.

Yoshua 4:7

Nga mubakobera muti, ‘Amaadhi ag'omwiga Yorudani gaalekera agho okutambula, Sanduuku y'Endagaano bweyali ng'eri kusala omwiga ogwo.’ Kale amabaale ago ganaabanga kiidhukizo eri abantu Abaisiraeli ebyanda n'ebyanda.”