Okubala 17:3 - Baibuli Ekibono kya Katonda 2014

³ Era oidha kughandiika eriina ly'Aaroni ku mwigo ogw'ekika kya Levi, kuba buli mukulu wa kika aidha kuba n'omwigo mulala.

Okubala 17:3 ပူးပေါင်းရင်းမြစ်များ

Okuvaayo 6:16

Levi yazaala abaana basatu era nga ni bano ng'ojiira ku nse dhaibwe: Gereshoni, Kohathi ni Merari. Era Levi oyo yaaghangaala emyaka kikumi n'asatu na musanvu (137).

Okuvaayo 6:20

Amuramu mu kufuna omukazi, yafuna songa we nga bamweta Yokebeda era baazaala abaana abalenzi bano: Aaroni ni Musa. Era yaaghangaala emyaka kikumi n'asatu na musanvu (137).

Yeremia 42:20

munaaba mukoze ekisobyo ekija okubaitisa kuba mwantuma okubasabira ye Musengwa Katonda waife, nga mukoba muti, ‘Tusabire ye Musengwa Katonda waife, era buli ky'anairamu okitukobere ife. Era twidha kukikola.’

Ezekieli 37:16

“Iwe omuntu, toola omwigo ogughandiikeku oti, ‘Gwa Yuda ni Baisiraeli baine.’ Kabiri otoole n'ogundi ogughandiikeku oti, ‘Gwa Yosefu ni Baisiraeli baine, era ng'ogwo n'omwigo gwa Efuraimu.’

Okubala 17:2

“Koba Abaisiraeli boonaboona bakughe emiigo ikumi n'ebiri, mulala mulala okuva ku buli mukulu wa kika. Era omale oghandiike eriina lya buli mukulu wa kika ku mwigo gwe.

Okubala 17:4

Oidha kutwala emiigo egyo mu Weema ey'Okwagaananirangamu ni Musengwa Katonda, ogite gha mberi w'Esanduuku ey'Endagaano ghe twagaananira n'iwe.

Okubala 18:1

Agho Musengwa Katonda yaakoba Aaroni ati: “Iwe ni batabane bo n'ab'omu kika kyo boonaboona, niimwe mwidha okuvunaanibwanga byonabyona ebinaabanga nga bisobye mu Kifo Ekitukuvu. Aye ebinaabanga nga bisobye mu bwakabona, biidha kuvunaanibwanga iwe ni batabane bo mwenka.

Okubala 18:7

Aye iwe ni batabane bo, niimwe mwenka abanaakolanga emirimo egy'obwakabona egy'oku alutaari n'egy'omu Kifo Ekitukuvu. Mbaghaire obwakabona ng'ekirabo, era omuntu atali Mulevi bw'anaaseetanga okumpi, aidha kwitibwanga.”

Okubala 26:10

Era ku olwo eitaka lyayasama, lyabamira ghalala ni Kora. Mu nsambo eyo, ekikunsu ky'abantu abo kyafa, ku lule omuliro lwe gwasenkeenha abantu abaaghera ebikumi ebibiri n'ataanu, ni bafuuka akamanhiso ak'okulabula abandi.