Okubala 17:10 - Baibuli Ekibono kya Katonda 2014

¹⁰ Musengwa Katonda yaakoba Musa ati: “Izaayo omwigo gw'Aaroni gha mberi w'Esanduuku ey'Endagaano, gukumirwe agho ng'akamanhiso eri abadheemu, nti baidha kufa bwe batalekera agho kuneemuluguunhizanga.”

Okubala 17:10 ပူးပေါင်းရင်းမြစ်များ

Zabbuli 57:4

Buti ndi ghagati mu mpologoma edhikankamira abantu, edhiri n'amaino ng'oti mafumo na bulaso, edhiri n'enimi endhogi ng'oti mpiima.

Okuvaayo 16:32

Musa yaakoba ati: “Musengwa Katonda yatulagira tulekeghooku akaibo aka mannu, tukaterekere abaana n'abaidhukulu abaliiragho, babone ku mere Musengwa Katonda ye yatughanga nga tuli mu irungu, lwe yatutoola mu Misiri.”

Okuvaayo 16:34

Kale nga Musengwa Katonda bweyalagira Musa, Aaroni bweyakola, yaatoola ekidoome yaakita aghali Sanduuku ey'Endagaano, kiterekebwe.

Isaia 1:2

“Iwe eigulu wulira n'iwe ensi tega kutu, muwulirise bye nkoba. Abaana be nalera ni nkuza, bandheemeire.

Hosea 10:9

Musengwa Katonda akoba ati: “Abaisiraeli tibalekeranga kukola bibi, okuviira irala ku biseera bye baakoleramu ebibi e Gibea. Kale yeene eyo e Gibea olutalo ye lulibaagaana.

Okubala 14:5

Agho Musa ni Aaroni baakutama n'ebyeni byatuuka ku itaka agho mu maiso ag'Abaisiraeli boonaboona abeesoloza.

Okubala 16:21

“Mwesende muve mu bantu bano, mbazikirize amangu gano.”

Okubala 16:38

Ebiniokezebwamu obubbaani ebyo eby'abantu abo abaayonoona ni baitibwa, bitukuvu, kuba baabighaayo eri nze Musengwa Katonda. Kale ni ka babigheeseemu amabaati ag'okughembanga ku alutaari, kabenga akamanhiso ak'okulabulanga Abaisiraeli.”

Okubala 16:40

Ekyo kiidha kwidhukizanga Abaisiraeli, ghalobe kubangagho muntu yeenayeena atali kabona wa ku lulyo lw'Aaroni, aseeta mu maiso ga Musengwa Katonda okuniokeza obubbaani; kuba asobola okuzikirizibwa nga Kora ni baine bwe baazikirizibwa. Ebyo byakolebwa nga Musengwa Katonda bweyalagira Eleazari ng'abita mu Musa.

Okubala 17:11

Musa yaakola atyo nga Musengwa Katonda bweyamulagira.

Okubala 17:4

Oidha kutwala emiigo egyo mu Weema ey'Okwagaananirangamu ni Musengwa Katonda, ogite gha mberi w'Esanduuku ey'Endagaano ghe twagaananira n'iwe.

Okubala 17:9

Musa yaatoolayo emiigo gyonagyona okuva gha mberi gh'Esanduuku ey'Endagaano, yaagireetera Abaisiraeli boonaboona baabona, era buli mukulembeze yaatoola omwigo ogugwe.

Okubala 20:9

Musa yatoola omwigo ogwo okuva agho mu maiso ga Musengwa Katonda, nga Musengwa Katonda bweyamulagira.

Okubala 4:18

“Mutalekanga bantu basimuka mu Kohathi kufa kuwaagho mu Balevi.

1 Ab'e Korintho 10:10

Era tutaduuduumanga ng'abandi ku abo bwe baakola, Malaika ow'okufa n'abaita.

Ab'Efeso 5:6

Batabaguyanga na bibono biziramu, kuba byene ebyo n'ebireetera obusungu bwa Katonda okwidha ku batamuwulira.

Amateeka Agokubiri 9:24

Mubaire mudheemeranga Musengwa Katonda okuviira irala lwe nabamanha.

Amateeka Agokubiri 9:7

“Mutagezangaku naire okwerabira nga bwe mwaleetera Musengwa Katonda waimwe okubasungughalira mu irungu. Okuviira irala ku lunaku lwe mwaviiraku mu Misiri, okutuusa lwe mwatuuka mu kifo kino, mubairenga nga mumudheemera.

Abaheburayi 9:4

Ghano n'aghaali alutaari eyakolebwa mu zaabu nga yaakuniokezaaku bubbaani. Era n'aghaali Esanduuku ey'Endagaano, eyaghembwaku zaabu ku ndhuyi dhoonadhoona. Mu sanduuku omwo mwalimu ekibya ekya zaabu omwali mannu era mwalimu omwigo gwa Aaroni ogwalokaku amakaba, mwabaamu n'ebipande eby'endagaano.

1 Samueli 2:12

Batabane ba Eli baali abantu abazira kye bagasa, nga tibaisaayo mwoyo ku Musengwa Katonda.

1 Samueli 30:22

Agho abasaadha ababi era abazira kye bagasa, abaali mu abo abaaja ni Daudi, baakoba bati: “Abo abataajiire n'ife ghazira kye twidha kubagha ku munhago gwe tuleese, okutoolaku okubaganha batwale bakazi baibwe n'abaana baibwe, memale bagolole.”