Okubala 16:9 - Baibuli Ekibono kya Katonda 2014

⁹ Mukibona nga kintu kitono, Katonda wa Isiraeli okulonda imwe mu bantu be Abaisiraeli boonaboona n'abaseesa okumpi ni mwene, mugheerezenga mu Weema ye era mwemererenga mu maiso g'abantu be abo okubagheereza?

Okubala 16:9 ပူးပေါင်းရင်းမြစ်များ

Amainhama 30:15

Leeya yairamu ati: “Wamala okuntoolaku baze. Ekyo tikikumala? Mpegaano oyenda na kuntoolaku mandurake w'omwana wange.” Rakeli yaamukoba ati: “Bw'ompa mandurake w'omwana wo, Yakobo anaaba n'iwe obwire buno.”

2 Samueli 7:19

Ate nga ekyo kyali kintu kitono inho ku iwe Musengwa Katonda, kuba era osuubiiza bingi ku izaire lyange mu biseera eby'omu maiso. Era ebyo, iwe Musengwa Katonda wange obyoleike nze omuntu obuntu naabimanha.

2 Ebyomubyanda 35:3

Yaakoba Abalevi abaayegeresanga abantu mu Isiraeli mwonamwona era abaalinga abatukuvu eri Musengwa Katonda, ati: “Mute Esanduuku entukuvu ey'Endagaano mu isinzizo, Solomoni mutabane wa kyabazinga Daudi owa Isiraeli lye yazimba. Tikikaabeetaagisa kugibbeederanga ku mabega gaimwe. Mpegaano mugheereze Musengwa Katonda waimwe n'abantu be Abaisiraeli.

Nehemia 12:44

Ku lunaku olwo baataagho abantu ab'okulabiriranga amaterekero omwateebwanga ebigheebwayo eby'eisinzizo bino: ebirime ebisooka okukungulwa, n'ekintu ekirala ekirala ku buli bintu ikumi omuntu by'afuna. Era mu materekero omwo, mwe baasololezanga emigabo egyagheebwanga bakabona n'Abalevi okuva mu misiri egya buli kibuga, ng'Amateeka bwe galagira. Abayudaaya baakola batyo kuba baasanhukira inho ensambo bakabona n'Abalevi ye baagheerezangamu Katonda,

Isaia 7:13

Agho Isaia yaakoba ati: “Mbeeni muwulire imwe baidhukulu ba Daudi. Imwe okukooya abantu ababaguminkiriza tikibamala, memale mwende okukooya ni Katonda wange?

Ezekieli 34:18

Abandi ku imwe okulya eisubi eirungi tikubamala, mutaaku n'okutyankirira n'ebigere eryo lye mutaliire. Era bwe mumala okunhwa amaadhi amalaavu, mutaabuula n'ebigere ago agasigairegho.

Ezekieli 44:16

Abo bonka n'abaidha okwingiranga mu isinzizo lyange okumpeereza ku alutaari yange entukuvu, era baidha kutuukirizanga bye mbalagira.

Okubala 1:53

Aye Abalevi baidha kusimbanga weema dhaibwe okwezungulula Weema ey'Okwagaananirangamu ni Musengwa Katonda, olwo Abaisiraeli balobe kusungughalirwa. Era Abalevi n'abanaabanga n'obuvunaanizibwa ku Weema ey'Okwagaananirangamu ni Musengwa Katonda.”

Okubala 16:13

Okututoola mu nsi engimu era erimu ebirungi kamaala n'otuleeta okutwitira ghano mu irungu, ti kikumala? Mpegaano oli na kwenda kwefuula mufuzi waife?

Okubala 16:8

Musa era yaakoba Kora ati: “Muwulire, imwe baidhukulu ba Levi.

Okubala 3:6

“Yeta ekika eky'Abalevi, obateegho bagheerezenga kabona Aaroni.

Okubala 3:9

Mu Baisiraeli boonaboona oidha kutoolamu Abalevi obaghe Aaroni ni batabane be, babeere irala babe.

Ebikolwa by'Abatume 13:2

Bwe baali nga bagheereza Musengwa era nga basiiba, Mwoyo Mutukuvu yaabakoba ati: “Mundhawulire Barunaba ni Saulo bankolere omulimo gwe mbeeteire.”

1 Ab'e Korintho 4:3

Nze ku bwange tifaayo imwe okunsalira omusango, oba omuntu owundi yeenayeena. Ninze mwene, tyesalira musango.

Amateeka Agokubiri 10:8

Mu biseera ebyo Musengwa Katonda yaayawula ab'ekika kya Levi okubbeedanga Esanduuku ey'Endagaano ye, n'okumugheerezanga, n'okughanga abantu enkabi mu liina lye. Egyo n'emirimo gyaibwe n'okutuusa mpegaano.

1 Samueli 18:23

Agho abagheereza ba Saulo, baakoba Daudi batyo. Daudi yaabakoba ati: “Mukyeta kintu kitono omuntu ng'oti ninze okuba mukoirume wa kyabazinga, ate nga ndi mwavu era atamanhiibwa naire?”