Okubala 16:5 - Baibuli Ekibono kya Katonda 2014

⁵ Bwe yamala, yaakoba Kora ni baine boonaboona ati: “Enkyo Musengwa Katonda aidha kutwoleka oyo owuwe atuukiriire, era oyo aidha kumuseesa kumpi ni mwene. Oyo y'anaalonda aidha kumuseesa kumpi ni mwene.

Okubala 16:5 ပူးပေါင်းရင်းမြစ်များ

Zabbuli 105:26

Yaabatumira Musa omugheereza we, ni Aaroni ye yeerondera.

Zabbuli 115:10

Imwe bakabona abagheereza Katonda, mwesigenga Musengwa Katonda! Oyo n'ababeera era n'abakuuma.

Zabbuli 65:4

Wa nkabi oyo y'olonda n'omuseesa okumpi n'iwe, abenga mu kifo kyo ekitukuvu. Bwe tufuna ebirungi eby'omu ndhu yo, ni tufuna n'enkabi edhiva mu isinzizo lyo eitukuvu, titudhulirira kindi.

Okuvaayo 28:1

Agho Musengwa Katonda yaalagira Musa ati: “Mu bantu boonaboona Abaisiraeli oidha kulondamu Aaroni muganda wo, ni batabane, Nadabu, ni Abihu, ni Eleazari, ni Ithamari, obaawule bampeereze nga bakabona.

Okuvaayo 28:41

Bw'omala oidha kuvaaza muganda wo Aaroni ni batabane ebivaalo byaibwe ebyo, olwo obasiige omuzigo olw'okubatukuza obaawule, era obagemye omulimo ogw'okumpeereza nga bakabona.

Okuvaayo 28:43

Aaroni ni batabane baidha kuvaalanga ebivaalo ebyo buliidho memale bangire mu Weema ey'Okwagaananirangamu ni Musengwa Katonda, oba baseete ye Alutaari okugheereza nga bakabona mu Kifo Ekitukuvu. Bwe batakola batyo balyereetaku omusango era baafa. Kino kiragiro ekitaja kuvaagho eri Aaroni n'abaana be era n'abaidhukulu.

Yeremia 30:21

Mu ighanga lyaibwe lyene n'omuliva alibafuga; kyabazinga waibwe aliva mu beene. Ndimala kumweta memale yaaseeta ye ndi. Ghaligho akana n'aseeta ye ndi ku bubwe yenka? Nze Musengwa Katonda, ninze nkobye.”

Yeremia 49:19

Ng'empologoma bw'evaayo mu kibira ekizibirivu ekiri ku mbali kw'omwiga Yorudani n'eja n'erumba ebyayiro by'ensolo ebirungi, zeena ntyo bwendiidha okuzindula Abaedomu, balumuke bave mu nsi yaibwe. Olwo omuntu ye ndirondagho n'alifuga eighanga eryo. Naani asobola okwegeza ku nze? Naani asobola okuneesonsaaku? Era mufuzi ki asobola okuntakania?

Yeremia 50:44

“Ng'empologoma bw'evaayo mu kibira ekizibirivu ekiri ku mbali kw'omwiga Yorudani n'eja n'erumba ebyayiro by'ensolo ebirungi, zeena, nze Musengwa Katonda, ntyo bwendiidha okuzindula Abababilonia, balumuke bave mu kibuga kyaibwe. Olwo omuntu ye ndirondagho n'alifuga eighanga eryo. Naani asobola okwegeza ku nze? Naani asobola okuneesonsaaku? Era mufuzi ki asobola okuntakania?

Ezekieli 40:46

Era ati ekisenge ekiringiriire ku luuyi olw'omukono omugooda olw'e buvandhuba kya bakabona abalabirira alutaari. Abo nga n'abasimuka mu Zadoki, era nga ni bonka ku b'omu kika kya Levi abaikirizibwa okuseeta ye Musengwa Katonda okumugheereza.

Ezekieli 43:19

bakabona Abalevi ab'oku nda ya Zadoki, nga ni bonka abaseeta ye ndi okumpeereza, olibagha ente enume ng'ekigheebwayo olw'ebibi. Nze Musengwa Katonda ninze nkobye.

Ezekieli 45:4

Ekitundu ekyo kiriba kitukuvu inho mu nsi Isiraeli, nga kya bakabona abaseeta ye Musengwa Katonda okumugheereza mu isinzizo. Kiribaamu endhu dha bakabona n'ekifo ekitukuvu eky'eisinzizo.

Abalevi 10:3

Agho Musa yaakoba Aaroni ati: “Kino Musengwa Katonda kye yayogeraku bweyakoba ati, ‘Ndyeyoleka nga ndi mutukuvu mu abo abampeereza, era nnaasaakibwanga mu maiso g'abantu boonaboona.’ ” Aye Aaroni yaasirika busirike.

Abalevi 8:2

“Twala Aaroni ni batabane be, otwale n'ebivaalo, n'omuzigo ogusiigibwa, n'ente ey'ekigheebwayo olw'ebibi, n'entaama enume eibiri, n'ekiibo ekirimu emigaati egitazimbulukusiibwa.

Malaki 3:18

Olwo kabiri muliiramu okwawulagho omutuufu n'omukozi w'ebibi, n'okwawulagho oyo ampeereza nze Katonda n'oyo atampeereza.”

Okubala 16:3

Beesoloza, baaja baadheemera Musa ni Aaroni, baabakoba bati: “Mubitiriiza okwekuluntaza! Abantu boonaboona ab'eighanga lino ba Musengwa Katonda era Musengwa Katonda aba mu ife. Kale lwaki mwetwala nga muli ba ghaigulu inho okusinga abantu ba Musengwa Katonda abo?”

Okubala 16:6

Mpegaano mwidha kukola muti: iwe Kora ni baino boonaboona mwidha kugema ebiniokezebwamu obubbaani,

Okubala 17:5

Omwigo ogw'omuntu ye nnaalonda gwidha kusibuka. Mu nsambo eyo ndidha kulekeza Abaisiraeli okukwemuluguunhizanga.”

Okubala 17:8

Ku lunaku olwairirira, Musa bweyaja mu Weema eyo, yaabona ng'omwigo gw'Aaroni ogw'ab'ekika kya Levi gusibwike, gwaleeta amakaba, gwamulisa ebimuli, era gwataaku ebibala ebyetebwa alumondi ebyenvu.

Yoanne 15:16

Ti niimwe abaanonda aye ninze eyabalonda era naabataagho okuja okwama ebibala, ebibala ebitawaagho. Era Lata anaabaghanga kyonakyona kye munaasabanga mu liina lyange.

Ebikolwa by'Abatume 1:2

okutuusa ku lunaku lwe yatwalibwa mu igulu, ng'amaze okugha Abatume be yali alonze ebiragiro ku bwa Mwoyo Mutukuvu.

Ebikolwa by'Abatume 1:24

Agho baasaba bati: “Musengwa, oidhi ebiri mu myoyo egy'abantu boonaboona, ku bano bombi tulage y'olonze,

Ebikolwa by'Abatume 13:2

Bwe baali nga bagheereza Musengwa era nga basiiba, Mwoyo Mutukuvu yaabakoba ati: “Mundhawulire Barunaba ni Saulo bankolere omulimo gwe mbeeteire.”

Ebikolwa by'Abatume 15:7

Bwe baamala okukubagania ebidhuubo einho, Petero yaayemerera, yaakoba ati: “Aboluganda, mwidhi muti mu nnaku edhaabita Katonda yaanonda mu imwe, nkobere abamaghanga agandi Amawulire Amalungi basobole okwikiriza.

Ebikolwa by'Abatume 22:14

yaakoba ati: ‘Katonda wa badhaadha baife akulonze omanhe ky'ayenda, obone Omutukuvu we era owulire eiroboozi lye.

Ab'Efeso 2:13

Aye mperaano mu Kurisito Yesu, imwe abaali nga timumwidhi yabaseesa olw'okufa kwa Kurisito ng'omusengo.

2 Timotheo 2:19

Aye omusingi gwa Katonda mugumu era gughandiikiibwaku ebibono ebikoba biti: “Musengwa aidhi ababe,” era ni biti “Kiisi ayatula eriina lya Musengwa ateekwa okuva mu bibi.”

Abaheburayi 12:14

Mufaabiikanenga okuba n'emiraala y'abantu boonaboona era mufaabiikanenga okuba n'obutukuvu, kuba aghazira obwo, ghazira alibona Musengwa.

Okwolekebwa 1:6

yaatufuula obwakyabazinga, era yaatufuula bakabona ba Katonda Ise. Agheebwenga ekitiisa n'obuyinza ebyanda n'ebyanda. Amiina.

1 Samueli 2:28

Era naamulonda mu bika byonabyona ebya Isiraeli abe kabona wange, ajenga ku alutaari yange, aniokezenga obubbaani, era avaalenga ekivaalo eky'obwakabona mu maiso gange. Era naagha ab'endhu ye ebigheebwayo ebyokebwa byonabyona Abaisiraeli bye bampa.