Okubala 16:26 - Baibuli Ekibono kya Katonda 2014

²⁶ Yaakoba abantu boonaboona ati: “Mbeeghemba muve okumpi ni weema edh'abantu bano ababi era mutagema ku kintu kyaibwe kyonakyona. Bwe mutaakole mutyo, musobola okuzikirizibwa ghalala nabo olw'ebibi byaibwe.”

Okubala 16:26 ပူးပေါင်းရင်းမြစ်များ

Isaia 52:11

Muje, muje, muve mu Babiloni, imwe ababbeeda ebintu ebikozesebwa mu isinzizo lya Musengwa Katonda. Mutagema ku kintu kyonakyona ekitali kirongoofu. Muje mwekuume nga muli balongoofu.

Okwolekebwa 18:4

Era naawulira amamiro agandi agava mu igulu nga gakoba gati: “Bantu bange, mumuveemu, mulobe kweyimba mu bibi bye, na kugabana ku bibamba bye;

2 Ab'e Korintho 6:17

Kale Musengwa akoba ati: “Mweyawule ku bataikiriza Kurisito, mubaveemu. Era mutagemanga ku kitali kirongoofu, memale olwo zeena mbasangaaze.

1 Timotheo 5:22

Toyanguyirizanga kwisa mikono ku muntu yeenayeena. Tiweetabanga mu bibi bya bandi. Weekuumenga ng'oli mwamufu.

Ebikolwa by'Abatume 13:51

Aye Paulo ni Barunaba baakunkumulira abantu abo enkungu ey'omu bigere byaibwe, baaja mu Ikonio,

Ebikolwa by'Abatume 8:20

Aye Petero yaamwiramu ati: “Zikirira n'empiiya dho, kuba odhuuba okufuna ekirabo kya Katonda ng'okigula n'empiiya dho!

Amateeka Agokubiri 13:17

Muteesigalizangayo kintu waire ekirala ku ebyo ebigheereibwayo okuzikirizibwa. Olwo Musengwa Katonda asobole okukomya obusungu bwe obubitirivu. Aidha kubagemerwanga ekivunika, abasaasire, era abafuule bangi nga bweyasuubiza badhaadha baimwe.

Matayo 10:14

Bwe ghabangagho omuntu yeenayeena aloba okubakyaza, oba okuwulira ebibono byaimwe, mukunkumulanga enkungu mu bigere byaimwe nga muva mu ndhu ye oba mu kibuga ekyo.

Amainhama 19:17

Bwe baamala okubafulumya, owundi ku bamalaika yaakoba Loti ati: “Lumuka olobe kufa! Tolinga inhuma, era otayemereraku mu kiiko naire. Lumukira mu nsozi olobe kuzikirizibwa.”

Okubala 16:25

Agho Musa yaasituka, yaaja ye Dathani, ni Abiramu. Abakulembeze mu Isiraeli baamunonereza.

Yeremia 51:6

“Imwe Abaisiraeli n'Abayudaaya, mulumuke muve mu nsi Babilonia muwonie obulamu bwaimwe! Mulobe kufiira bwereere olw'ebibi bya Babilonia, kuba kino n'ekiseera nze Musengwa Katonda neesasulize ku nsi eyo nga ngibonereza nga bw'egwaniire.