Okubala 16:14 - Baibuli Ekibono kya Katonda 2014

¹⁴ Mu butuufu bwene tiwatuleeta mu nsi ngimu erimu birungi kamaala, era tiwatugha bibandha na masamba ga mizabbibu ni biba byaife ku bwaife. Aye oli kwenda kuziba bwa bantu bano maiso? Kale titwidha kwidha.”

Okubala 16:14 ပူးပေါင်းရင်းမြစ်များ

Okuvaayo 22:5

“Omuntu bw'anaalekuliranga ensolo dhe okuliira mu musiri gwe oba mu isamba lye ery'emizabbibu, memale ni dhija ni dhirya emere mu musiri ogw'omuntu owundi, aidha kusasulanga emere ye dhiriire ng'atoola ku bisinga obulungi ebiri mu musiri gwe oba isamba lye ery'emizabbibu.

Okuvaayo 23:10

“Onaamalanga emyaka omukaaga ng'osimba emere yo, era ng'ogikungula.

Okuvaayo 23:11

Aye mu mwaka ogwomusanvu olekanga eitaka lyo lyawuumulaku, era emere yoonayoona ebala mu misiri erekebwangayo, abaavu baagirya. Ate eyo abaavu ye baba nga tibaliire bagirekeranga ensolo edh'omu nsiko dhaalya. Mu nsambo n'endala eyo, otyo bw'onaakolanga amasamba go ag'emizabbibu n'ag'emiti emyoliva.

Okuvaayo 3:17

Era nsazeegho nti nja kubatoola mu kudaazibwadaazibwa kwe mulimu mu Misiri mbatwale mu nsi ey'Abakanaani, n'Abahitti, n'Abamori, n'Abaperizzi, n'Abahivi n'Abayebusi ensi engimu era erimu ebirungi kamaala.’

Okuvaayo 3:8

era n'okwika mbawonie Abamisiri, mbatoole mu nsi eyo, mbatwale mu nsi enene, engimu era erimu ebirungi kamaala ensi omuli buti Abakanaani, Abahitti, Abamori, Abaperizzi, Abahivi, n'Abayebusi.

Abalevi 20:24

Aye imwe nabasuubiza okubagha ensi eno engimu era erimu ebirungi kamaala, era ndigibagha yaaba yaimwe. Ninze Musengwa Katonda waimwe, eyabaawula ku maghanga agandi.

Okubala 13:27

Baakobera Musa bati: “Twatuuka mu nsi ye watutuma okukeeta, twabona nga ngimu era ng'erimu ebirungi kamaala, era bino n'ebibala byamu.

Okubala 14:8

Musengwa Katonda bw'aba ng'atusiimye aidha kututwala mu nsi eyo engimu era erimu ebirungi kamaala, agitughe.

Okubala 20:5

Era lwaki watutoola mu Misiri okutuleeta mu kifo kino ekibi? Ghazira kintu kighanga kulimwagho, k'ebe engaano, oba emiti emitiini, oba emizabbibu, waire emikomamawanga! Ghazira waire maadhi ga kunhwa!”

Abalamuzi 16:21

Abafilisiti baamugema, baamutundulamu amaiso. Era baamutwala e Gaza, baamusibisa endhegere edh'ekyuma eky'ekikomo, baamuta ku mulimo ogw'okuseeranga ku lubengo mu ikomera.

1 Samueli 11:2

Aye Nahashi yaabakoba ati: “Ndidha kukola n'imwe endagaano, bwe munaaganha ni ntundulamu eriiso lya buli muntu ery'oku mukono omusaadha, olwo ndeetere Isiraeli yoonayoona okunhoomebwa.”