Okubala 15:7 - Baibuli Ekibono kya Katonda 2014

⁷ Era aghangayo lita ndala n'ekitundu ey'omwenge ogw'emizabbibu, ng'ekigheebwayo eky'ebyokunhwa. Akawoowo kaabyo kansangaaza nze Musengwa Katonda.

Okubala 15:7 ပူးပေါင်းရင်းမြစ်များ

1 Ebyomubyanda 29:21

Baaghaayo emisengo eri Musengwa Katonda, era ku lunaku olwairirira baaghaayo emisengo egyokebwa gyonagyona okuwaagho: ente enume lukumi (1,000), n'entaama enume lukumi (1,000), n'entaama ento lukumi (1,000), n'ebigheebwayo eby'okunhwa ebijiiraku, n'emisengo egindi kamaala, gye baaghaayo ku lwa Isiraeli yoonayoona.

Okuvaayo 29:40

Bw'oghaayo entaama esooka, oghaayo ni kilo ey'engaano eseereibwa obukalamu ng'etabwirwamu lita ey'omuzigo omukenenule ogukamwirwa mu bibala eby'emiti emyoliva ebisekwirwa, waateeraku ni lita ey'omwenge ogw'emizabbibu ng'ekigheebwayo eky'ebyokunhwa.

Okubala 15:6

Bw'aghangayo entaama enume enkulu, ategekangayo kilo ibiri edh'obuwunga obuseereibwa obukalamu, nga butabwirwamu lita ndala n'ekitundu ey'omuzigo, ekyo kibe ekigheebwayo eky'emere ey'empeke.

Okubala 15:8

Ole bw'ategekanga okughaayo ye nze Musengwa Katonda ente endaagho ng'ekigheebwayo ekyokebwa, oba ng'omusengo ogw'okutuukiriza obweyamo, oba ng'ekigheebwayo olw'okutabagana,

Okubala 28:2

“Lagira Abaisiraeli oti, bali n'okughangayo ebigheebwayo eby'emere ebyokebwa, ebiri n'akawoowo akansangaaza. Bakobe batengayo inho omwoyo okubighaayo ku nnaku dhaabyo edhaalagirwa.

Okubala 28:7

Era mwidha kugheerangayo ku ntaama eyo ey'oku nkyo ekigheebwayo eky'ebyokunhwa ebitamiiza nga kya lita ndala. Mwidha kukifukanga mu kifo ekitukuvu ng'ekigheebwayo eri nze Musengwa Katonda.

Okubala 6:15

Era aidha kughangayo ekiibo eky'emigaati egitazimbulukusiibwa, n'egindi egikoleibwa mu buwunga obuseereibwa obukalamu nga gitabwirwamu omuzigo, n'emitono egisiigiibwaku omuzigo, n'ebigheebwayo ebijiiraku bino: eky'emere ey'empeke n'eky'ebyokunhwa.

Abalamuzi 9:13

Aye omuti omuzabbibu gwairamu guti, ‘Ndekeyo okuvaamu omwenge gwange ogusangaaza emisambwa n'abantu, ndhire mu kufuga obw'emiti?’