Okubala 15:30 - Baibuli Ekibono kya Katonda 2014

³⁰ “Aye ole akola ekibi ng'agendereire, k'abe Omuisiraeli omuzaale waamu oba omusenze, aba ng'annhoomye nze Musengwa Katonda era omuntu oyo aba nga takaabalirwa mu bantu bange.

Okubala 15:30 ပူးပေါင်းရင်းမြစ်များ

Amainhama 17:14

Omusaadha yeenayeena atali mukekete, ataakeketebwa luwutu lwa mubiri gwe, aidha kwawulwanga ku bantu be, kuba anaabanga amenhie endagaano yange.”

Yobu 38:15

Ababi obutangaavu bubamalaku emiraala, bwabalobera okukola eby'obukambwe.

Zabbuli 19:13

Era nkuuma ndobe kugwa mu bisobyo nga ngendereire, otabiganha kunfuga. Olwo ndidha kuba omutukuvu era aziraku musango gwa kibi.

Zabbuli 69:9

Okugonza einho eisinzizo lyo kuumazeegho; ebivumo by'abo abakuvuma biira ku nze.

Zabbuli 74:18

Aye Musengwa Katonda oteerabira kino nti abazigu bo bakusekerera, abantu abatakutya baakunhooma.

Zabbuli 74:22

Wo Katonda, situkiramu oyoleke nga bw'oli omutuufu. Oteerabira abantu abatakutya bwe bakusekerera omusana n'obwire.

Zabbuli 79:12

Weesasuulize ku maghanga ago agatuliiraine emikuzi musanvu, olw'okukuyeeyereza kwonakwona kwe babairenga bakola.

Zabbuli 89:51

Wo Musengwa Katonda, abazigu bo batyo bwe bavuma oyo ye wasiiga omuzigo, batyo bwe bamuvuma buli gh'aniina ekigere.

Okuvaayo 21:14

Aye omuntu anaalumbanga mwine mu bugenderevu, n'asala amagezi n'amwita, oyo ni bw'anaabanga ng'alumukiire ku alutaari yange okwewonia, anaatoolebwangayo yaitibwa.

Okuvaayo 30:33

Omuntu yeenayeena atabula omuzigo ogugufaananaku oba agukozesa ku muntu atali kabona, anaabanga takaabalirwa mu bantu bange.’ ”

Ensambo 14:31

Omuntu atuntuza omwavu aba ali kuvuma Katonda eyamutonda, aye ole agemerwa omuntu ali mu bwetaavu ekivunika aba atya Katonda.

Ezekieli 20:27

“Agho ni, iwe omuntu, yogera n'ab'eighanga Isiraeli, obakobe oti nze Musengwa Katonda ndi kubakoba ati: Eyo n'eyindi ku ngeri badhaadha baimwe dhe baanhoomangamu nze Musengwa Katonda, era ni balobanga okuba abeesigwa ye ndi.

Abalevi 20:10

“Omusaadha bw'anaabanga ni muka musaadha mwine mu buliri, abenzi bombi, omusaadha oyo n'omukazi, banaitibwanga.

Abalevi 20:3

Era zeena ndyefuulira omuntu oyo naamuboola naalekera agho okumubalira mu bantu bange, olw'okughaayo omwana we eri Moleki n'ayonoona Ekifo kyange Ekitukuvu, era n'ayonoona eriina lyange eitukuvu.

Abalevi 20:6

“Omuntu yeenayeena bw'anaajanga okwebuuza ku basamize n'abalogo, n'ataba mwesigwa eri nze, nnaamwefuuliranga, naalekera agho okumubalira mu bantu bange.

Okubala 15:29

Mubanga n'amateeka malala ago agavunaana omuntu akola ekibi nga tagendereire, k'abe omutyamye Omuisiraeli oba abe omusenze abanga ng'abalimu.

Okubala 9:13

Aye omuntu yeenayeena omulongoofu era atali mu lugendo, bw'anaalobanga okukola ekibinuko ekyo aidha kulekeranga okubalirwa mu bantu ba Musengwa Katonda, olw'okuloba okumuleetera ekigheebwayo mu kiseera kyakyo ekyalagirwa. Era omuntu oyo aidha kubonerezebwanga olw'ekibi kye ekyo.

Matayo 12:32

Era n'oyo alisala ku Mwana w'Omuntu ekibono alisoniyibwa aye oyo alyogera ekibi ku Mwoyo Mutukuvu, talisoniyibwa, idho ni lule.

Amateeka Agokubiri 1:43

Nze naabakobera Musengwa Katonda bye yakoba, aye mwaloba kumpulirisa, mwadheemera ekiragiro kya Musengwa Katonda. Era mwekuluntaza, mwaja mu nsi ey'ensozi.

Amateeka Agokubiri 32:27

Aye naatya nti abazigu baibwe ababakyagha baidha kwesuuta ebiziramu, bati beene n'ababaghangwire se ti nze Musengwa Katonda.’

Abaheburayi 10:26

Bwe twonoona nga tugendereire ng'ate tumaze okukoberwa amazima, ghaba nga tighakaaligho musengo gwa kugheebwayo olw'ebibi.

Abaheburayi 10:29

Kale mulowooza ekibonerezo tikirisingagho bukambwe eky'omuntu oyo atyankirira Omwana wa Katonda, era atwala omusaayi ogw'endagaano ogwamutukuza n'agubona ng'ogutali mutukuvu, era n'adhooga Mwoyo ow'ekisa?

2 Petero 2:10

Era Katonda abonereza okusingira irala abo abajiira ku mairu amabi ag'omubiri, ni banhooma obufuzi. Abeegeresa abo abaguya bakanu, era beidhi bonka tibatya na kuvuma ba kitiisa.

1 Yoanne 5:16

Omuntu yeenayeena bw'abona nga muganda we ali kukola ekibi ekitamutwala mu kuzikirira, asabenga Katonda aghe omuntu oyo obulamu. Nkoba abo abakola ebibi ebitatwala mu kuzikirira. Aye eriyo ebibi ebitwala mu kuzikirira. Ebyo ti ni bye nkoba okusabiranga.

1 Samueli 2:25

Omuntu bw'asobya ye muntu mwine, Katonda amutabagania n'omuntu oyo, aye omuntu bw'asobya ye Musengwa Katonda, naani asobola okumuwolereza?” Aye tibaawulirisa iseibwe bye yabakoba kuba Musengwa Katonda yali amaze okusalagho okubaita.

1 Samueli 3:14

Olw'ekyo neerayiriire eri endhu ya Eli, nti mu byanda byonabyona ebiriiragho, ezira musengo oba kigheebwayo kirisobola kubatoolaku kibi kyaibwe ekyo.”