Okubala 15:3 - Baibuli Ekibono kya Katonda 2014

³ Bwe munaayendanga okugha nze Musengwa Katonda ekigheebwayo okuva mu nte dhaimwe, oba mu ntaama dhaimwe, oba mu mbuzi dhaimwe, ng'ekigheebwayo ekyokebwa, oba ng'omusengo ogugheebwayo olw'okutuukiriza obweyamo, oba ng'ekigheebwayo eky'ekyeyendere, oba nga muli ku mbaga edh'ebibinuko ebyalagirwa, akawoowo ak'ebigheebwayo ebyo kaidha kunsangaazanga nze Musengwa Katonda.

Okubala 15:3 ပူးပေါင်းရင်းမြစ်များ

Amainhama 8:21

Musengwa Katonda yaawunhiza akawoowo, yaasangaala, yaakoba mule ati: “Tikairayo kukolima nsi kabiri olw'omuntu by'akola, kuba omwoyo gwe gwidhwire bubi bwereere okuva mu buto bwe. Tikairayo kabiri kuzikiriza bintu biramu byonabyona nga bwe nkoze.

Ezera 7:17

“Oidha kukozesa empiiya edho n'obwegendereza ogule ente enume, n'entaama enume, n'entaama ento. Oguleku n'ebigheebwayo eby'emere ey'empeke ebijiiraku, n'ebigheebwayo eby'okunhwa ebijiiraku. Ebintu ebyo mwidha kubigheerayo ku alutaari ey'omu isinzizo lya Katonda eri e Yerusalemu.

Zabbuli 54:6

Ndidha kughaayo omusengo nze mwene kyeyendere. Wo Musengwa Katonda, ndidha kukusiimanga kuba oli mulungi.

Okuvaayo 29:18

Ekyo n'ekigheebwayo eri Musengwa Katonda ekyokebwa, ekiri n'akawoowo akamusangaaza.

Okuvaayo 29:25

Agho obibatoole mu ngalo obyokere ku alutaari ng'oyongereza ku kigheebwayo ekyokebwa ekinaaba kiriku. Akawoowo akava ku kigheebwayo ekyo ekyokebwa kasangaaza nze Musengwa Katonda.

Okuvaayo 29:41

Ere entaama eyindi y'oli n'okughaayo olw'eigulo, oidha kugighaayo n'ebintu bire ebisatu by'onaaba ng'ogheereire ku ere ey'enkyo: engaano, omuzigo n'omwenge ogw'emizabbibu era mu bipimo nga bire eby'ey'enkyo. Ekyo n'ekigheebwayo eri nze Musengwa Katonda ekyokebwa ekiri n'akawoowo akansangaaza.

Abalevi 10:13

Mugiriire mu Kifo Ekitukuvu mwonka, kuba ogwo n'omugabo gwo iwe Aaroni, ni batabane bo, ku by'okulya ebigheebwayo eri Musengwa Katonda. Ekyo Musengwa kye yandagira.

Abalevi 27:2

akobere Abaisiraeli ati, “Ole bw'aneeyamanga okughaayo omuntu eri Musengwa Katonda ng'ekigheebwayo, omuntu oyo agheereibwayo anaanunulwanga omughendo ogw'empiiya guno,

Abalevi 7:16

“Aye ekigheebwayo omuntu ky'aghaayo bwe kinaabanga olw'okutuukiriza obweyamo, oba eky'ekyeyendere, emamba yaakyo enaaliibwanga ku olwo lwe kigheereibwayo ng'omusengo, era esigalagho enaaliibwanga enkyo.

Okubala 28:27

Ku lunaku olwo, mwidha kughangayo eri nze Musengwa ekigheebwayo ekyokebwa, ekiri n'akawoowo akansangaaza, nga kirimu bino: ente enume ento ibiri, entaama enume enkulu ndala, n'entaama ento enume musanvu edh'omwaka omulala omulala.

Okubala 29:8

Ku lunaku olwo mwidha kughangayo ekigheebwayo ekyokebwa ekiri n'akawoowo akansangaaza nze Musengwa Katonda, nga kirimu bino: ente ento enume ndala, entaama enume enkulu ndala, n'entaama ento enume musanvu edh'omwaka omulala omulala, nga dhiziraku kikyamu kyonakyona.

Okubala 6:15

Era aidha kughangayo ekiibo eky'emigaati egitazimbulukusiibwa, n'egindi egikoleibwa mu buwunga obuseereibwa obukalamu nga gitabwirwamu omuzigo, n'emitono egisiigiibwaku omuzigo, n'ebigheebwayo ebijiiraku bino: eky'emere ey'empeke n'eky'ebyokunhwa.

Matayo 3:17

N'eiroboozi lyava mu igulu lyakoba liti: “Ono ni mutabane wange omugonzi, mwe neesiimira einho.”

2 Ab'e Korintho 2:15

Kuba ife tuli ng'oti n'obubbaani Kurisito bw'aniosa, Katonda awulire akawoowo akabuna mu b'okulokolebwa n'ab'okuzikirira.

2 Ab'e Korintho 2:16

Eri abo ab'okuzikirira tuli kivundu ekiita, aye eri abo ab'okulokolebwa tuli kawoowo akaleeta obulamu. Kale naani asobola omulimo oti ni guno?

Ab'Efeso 5:2

Era mugonzanienga nga Kurisito bwe yatugonza ni yeeghaayo ye Katonda ku lwaife ng'ekigheebwayo era ng'omusengo oguwunha akawoowo.

Amateeka Agokubiri 12:11

Musengwa Katonda waimwe alirondagho ekifo eky'okumusinzizangamu. Eyo ye munaatwalanga ebyo byonabyona bye mbalagiire: ebigheebwayo byaimwe ebyokebwa, n'emisengo gyaimwe, n'ekintu ekirala kye mughaayo ku buli bintu eikumi bye mufuna, n'ebigheebwayo byaimwe ebindi bye mughaayo, n'ebyo ebigheebwayo olw'okutuukiriza obweyamo bwaimwe ye Musengwa Katonda.

Amateeka Agokubiri 12:17

Kiisi kye mughaayo ye Musengwa Katonda, mutakiriiranga eyo ye muba: ka kibe ekitundu ekirala ekirala ku buli bitundu ikumi eby'engaano yaimwe, oba eby'omwenge gwaimwe ogw'emizabbibu, oba eby'omuzigo ogw'ebibala eby'emiti emyoliva oba ka dhibe ensolo dhaimwe, ng'ente, entaama, oba embuzi, edhizaalibwa mu luzaalo olusooka oba ekigheebwayo kyaimwe eky'okutuukiriza obweyamo bwaimwe ye Musengwa Katonda, oba ekigheebwayo kyaimwe eky'ekyeyendere, oba ebigheebwayo byaimwe ebindi bye mughaayo.

Amateeka Agokubiri 12:6

Eyo ye munaatwalanga ebigheebwayo byaimwe ebyokebwa, n'emisengo gyaimwe, n'ekintu ekirala kye mughaayo ku buli bintu eikumi bye mufuna, n'ebigheebwayo byaimwe ebindi bye mughaayo, n'ebigheebwayo olw'okutuukiriza obweyamo, n'ebigheebwayo eby'ekyeyendere, n'ensolo dhaimwe edhizaalibwa mu luzaalo olusooka dhe mughaayo.

Ab'e Filippi 4:18

Ebintu byonabyona mbifunie mu bwidhuvu, bisingaku ni bye neetaaga. Mperaano buli kintu kye neetaaga ndi nakyo okuva Epafurodito bwe yampa ebyo bye mwantonera nga biri ng'omusengo oguwunhira Katonda akawoowo, gw'asiima era ogumusangaaza.