Okubala 15:20 - Baibuli Ekibono kya Katonda 2014

²⁰ Ku ngaano ye musookanga okukanda, mufumbangaku omugaati omutono mugugheeyo ng'ekigheebwayo, nga bwe mughaayo ekigheebwayo olw'ekifo aghakubirwa engaano.

Okubala 15:20 ပူးပေါင်းရင်းမြစ်များ

Nehemia 10:37

“Buli mwaka twidha kuleetanga eri bakabona mu isinzizo, engaano ye tunaasookanga okukanda, n'ebintu ebindi, n'omwenge ogw'emizabbibu, n'omuzigo ogw'ebibala eby'emiti emyoliva, n'ebibala eby'oku miti egya buli nsambo. “N'Abalevi twidha kubaleeteranga ekintu kirala kirala ku buli bintu ikumi bye tufuna mu itaka lyaife, kuba Abalevi n'abasoloza ekirala ekirala ku buli bintu ikumi ebifunibwa mu byalo byaife byonabyona ye tulimira.

Okuvaayo 23:19

“Emere ye musookanga okukungula mu misiri gyaimwe mugireetanga mu ndhu yange nze Musengwa Katonda waimwe, mwagighaayo. “Mutafumbiranga mamba ya mbuzi nto oba ya ntaama nto, mu mata ga inhaayo.”

Okuvaayo 34:26

“Emere ye musookanga okukungula mu misiri gyaimwe, mugireetanga mu ndhu yange nze Musengwa Katonda waimwe, mwagighaayo. “Mutafumbiranga mamba ya mbuzi nto, oba ya ntaama nto mu mata ga inhaayo.”

Ezekieli 44:30

Ku bintu bye musooka okukungula byonabyona, ni ku bintu bye mughaayo ye ndi, mwidha kutoolangaku ebisinga bulungi bibenga bya bakabona. Era mwidha kubaleeteranga n'engaano ye munaasookanga okukanda, olwo enkabi dhibenga mu maka gaimwe.

Abalevi 2:12

Mughengayo eri Musengwa Katonda ebigheebwayo ku birime ebisooka okukungulwa buli mwaka, aye bitayokebwanga ku alutaari.

Abalevi 2:14

“Ole ng'aja okughaayo eri Musengwa Katonda ekigheebwayo eky'ebirime ebisooka okukungulwa, aghengayo engaano empyaka ekalangiibwaku.

Abalevi 23:10

akobere Abaisiraeli ati: “Bwe mulituuka mu nsi Musengwa Katonda y'abagha ni mukungula engaano, ekinhwa ekisooka mukitwalanga wa kabona.

Abalevi 23:20

Kabona anaaghangayo eri Musengwa Katonda emigaati gire ghalala n'entaama, ng'ekigheebwayo ekiwuubibwa, ekiba ekya bakabona. Ebigheebwayo ebyo bitukuvu.

Okubala 15:21

Ku ngaano ye musookanga okukanda, mutoolangaku mwaghaayo ekigheebwayo eri nze Musengwa Katonda, mu nse dhaimwe dhoonadhoona edhiirangagho.

Okubala 18:12

“Nkughaire ebirime ebisinga bulungi ebisooka okukungulwa Abaisiraeli bye bampa, era nga ni bino: omuzigo ogw'ebibala eby'emiti emyoliva, omwenge ogw'emizabbibu n'emere ey'empeke.

Matayo 6:33

Kale ni musookenga kunoonia Bwakyabazinga bwa Katonda n'obutuufu bwe, era byonabyona biribongerwaku.

Ab'e Roma 11:16

Omugaati gwonagwona guba mutukuvu kasita akatundu kaagwo kagheebwayo ng'ekibala ekisooka. Era emizi egy'omuti bwe giba emitukuvu, n'ensaga dhoona dhiba ntukuvu.

1 Ab'e Korintho 15:20

Aye mu butuufu bwene Kurisito yazuukira mu bafu okukakasa ng'abafu balizuukira

Amateeka Agokubiri 14:22

Musa yaakoba Abaisiraeli ati: “Mwidha kutoolangaku ekintu kirala kirala ku buli bintu ikumi ku birime bye mukungula mu nimiro dhaimwe.

Amateeka Agokubiri 14:23

Memale olwo mujenga mu kifo Musengwa Katonda waimwe ky'aliba ng'alonzeegho okumusinzizangamu, muliire eyo mu maiso ge ekitundu ekirala ekirala ku buli bitundu ikumi eky'engaano yaimwe, n'eky'omwenge gwaimwe ogw'emizabbibu, n'eky'omuzigo gwaimwe ogw'ebibala eby'emiti emyoliva, ghalala n'ente, n'entaama, n'embuzi dhaimwe edhizaalibwa mu luzaalo olusooka. Mukolenga mutyo, olwo mughange okwega okutyanga Musengwa Katonda waimwe enaku dhoonadhoona.

Amateeka Agokubiri 16:13

Musa yaakoba Abaisiraeli ati: “Bwe munaamalanga okukuba emere yaimwe ey'empeke n'okugikunguuta, ni mumala n'okukunha omwenge gwaimwe ogw'emizabbibu, munaakolanga Ekibinuko eky'Entindi okumala enaku musanvu.

Yakobo 1:18

Olw'okwenda kwe mwene yatutonda n'ekibono eky'amazima, olwo tutwale ekifo ekisooka mu bitonde bye.

Okwolekebwa 14:4

N'abo abatukuvu abateeyonoona na bakazi, baasigala nga beegha. N'abo abanonereza Entaama Ento buli y'eja era abaanunulwa mu bantu, baaba ng'oti bibala ebisooka okukungulwa ebigheebwayo eri Katonda n'eri Entaama Ento.