Okubala 14:9 - Baibuli Ekibono kya Katonda 2014

⁹ Kye mutagwaine kukola, n'okudheemera Musengwa Katonda. Mutatya bantu bale, kuba baidha kutwanguyira okughangula, ng'oti bwetwanguyirwa okulya emere. Ekibakuuma kibatooleibwaku, era Musengwa Katonda ali ku luuyi lwaife.”

Okubala 14:9 ပူးပေါင်းရင်းမြစ်များ

Amainhama 48:21

Agho Isiraeli yaakoba Yosefu ati: “Bona, ndi kumpi kufa, aye Katonda aidha kubanga n'imwe, era alibaizaayo mu nsi ya badhaadha baimwe.

2 Ebyomubyanda 13:12

Bona eno, Katonda mwene n'omuduumizi waife. Ni bakabona be, bali ghano nga bagemye amagwala ag'okufuuyira abaja okulwanisa imwe. Kale ni Abaisiraeli imwe, mutalwanisa Musengwa Katonda, Katonda wa badhaadha baimwe, kuba timwidha kughangula naire.”

2 Ebyomubyanda 15:2

Azaria oyo yaaja ewa Asa, yaamukoba ati: “Isebantu kyabazinga, mpulirisa. N'imwe ab'ekika kya Yuda n'ab'ekya Benjamini, mumpulirise. Musengwa Katonda ali ghalala n'imwe, kasita mwena ni muba aghalala naye. Bwe mumunoonia, musobola okumuzuula, aye bwe mumuvaaku, nga yeena abalekulira agho.

2 Ebyomubyanda 20:17

Tikiidha kubeetaagisa imwe kulwana lutalo luno. Imwe mwetegeke, mwemerere bwemerere, olwo mubone obughanguzi Musengwa Katonda bw'anaabagha. Imwe abantu ab'omu Buyudaaya n'ab'omu Yerusalemu, mutatya era mutawaamu maani. Olwaidho imwe muje mubalumbe, Musengwa Katonda aidha kuba ghalala n'imwe.”

2 Ebyomubyanda 32:8

Mwene ali na igye lya bantu buntu, aye ife tuli ni Musengwa Katonda waife, nga n'atubeera era nga n'atulwaniragho entalo dhaife.” Agho abantu bairamu amaani olw'ebyo kyabazinga Hezekia owa Buyudaaya bye yabakoba.

Nehemia 4:14

Bwe nabona ntyo naasitukiramu, naakoba abakulembeze, n'abakungu, n'abantu abandi boonaboona nti: “Abazigu abo mutabatya. Mwidhukire nga Musengwa Katonda mukologho era wa ntiisa. Kale mulwanirire baganda baimwe, ni batabane baimwe, ni baghala baimwe, ni bakazi baimwe, era n'amaka gaimwe.”

Zabbuli 106:24

Agho baanhoomerera ensi engimu, olw'okuba baali tibaikiriza Katonda kye yabasuubiza.

Zabbuli 121:5

Musengwa Katonda n'akulabirira, era akuli kumpi agho ng'akukuuma.

Zabbuli 14:4

Aye abakozi b'ebibi bano boonaboona, abalya abantu bange ng'oti balya mere, kiki kyene kye bataidhi, ekibalobera okusinza Musengwa Katonda?

Zabbuli 46:11

Musengwa Katonda afuga amagye ali n'ife; Katonda wa Yakobo n'omukuumi waife.

Zabbuli 46:7

Musengwa Katonda Afuga Amagye ali n'ife; Katonda wa Yakobo n'omukuumi waife.

Zabbuli 46:8

Mwidhe mubone ebikulu Musengwa Katonda by'akoze; mubone ebyewuninkiriza by'akoze ku nsi.

Zabbuli 74:14

Wakonkona emitwe egy'ogusota ogwetebwa Leviathani, omulambo gwagwo waagugha ebisolo eby'omu irungu ng'emere.

Zabbuli 91:1

Omuntu asula mu ndhu y'oyo Ali Ghaigulu Yeene, n'akuumibwa oyo Aghanga Ebintu Byonabyona,

Okuvaayo 14:13

Aye Musa yaabairamu ati: “Mutatya, imwe mube bube bagumu, mwidha kubona Musengwa Katonda ky'anaakola okubawonia Abamisiri abo olwaleero luno. Kuba Abamisiri abo be muli kubona olwaleero timuja kwirayo kubabona kabiri.

Okuvaayo 33:16

kuba abantu balimanha batya ng'osiima nze ni beene bye tukola? Bw'oja n'ife, olwo oidha kwoleka nga ghaligho endhawulo ghagati gha ife n'abantu abandi boonaboona ab'oku nsi.”

Isaia 1:2

“Iwe eigulu wulira n'iwe ensi tega kutu, muwulirise bye nkoba. Abaana be nalera ni nkuza, bandheemeire.

Isaia 32:2

Buli muntu ku abo aliba ng'oti kifo kya kwekwekamu okuwona empewo era ng'oti mpuku ya kwewogomamu okuwona kiwunga. Baliba ng'oti miiga gya maadhi mu nsi enkalu ey'eirungu, era ng'oti kinsense eky'ogubaale ogukologho mu kiketezo ekikalukalu.

Isaia 41:10

Otatya, kuba nze ndi ghalala n'iwe. Oteeraliikirira, kuba nze ninze Katonda wo. Ndidha kukuyamba nkughe amaani, era nkulwanirire nkuleetere okughangula.

Isaia 41:14

Musengwa Katonda Omununuzi wo era Omutukuvu wo, iwe Isiraeli ninze nkoba ati: Otatya, waire ng'oli mugoogombe era omunafu ng'oti lugereegere. Nze ndidha kukuyamba.

Isaia 63:10

Aye baamala beene baadheema, baanakughaza omwoyo gwe omutukuvu. Kale Musengwa Katonda oyo yaakyuka yaafuuka muzigu waibwe, era yaabalwanisa mwene.

Yeremia 1:19

Balikulwanisa, aye tibalikughangula kuba nze ndi ghalala n'iwe okukukuumanga. Nze Musengwa Katonda, ninze nkobye.”

Yeremia 42:11

Mulekere agho okutya kyabazinga w'e Babilonia. Nze ndi n'imwe era ndidha kubatoola mu ngalo dhe mbawonie.

Yeremia 48:45

Abalirumuka ni bawonagho balyewogomaku mu kibuga Heshiboni nga bawoiremu amaani, nga benda babeeku mu kibuga ekyo kyabazinga Sihoni kye yafugaku. Aye balyagaana Heshiboni nga kiri kubbeibbera muliro. Omuliro guliba gumaze okwokya ebiketezo eby'oku nsalosalo dh'ekibuga n'ebiketezo eby'oku nsozi eby'abantu b'e Moabu abenda einho okulwana entalo.

Danieli 9:5

“Ife twakola ensobi, twayonoona, era twakola ebibi. Twadheema, era twakyuka twava ku mateeka go, ni ku by'otulagira.

Danieli 9:9

Aye iwe Musengwa Katonda waife osaasira era waasonigha, waire nga twakudheemera.

Okubala 13:30

Agho Kalebu yaasirisa abantu, agho mu maiso ga Musa, yaakoba ati: “Mukole tusitukiremu tuje tutwale ensi eyo. Kuba tusobolera irala bukalamu okugighangula.”

Okubala 17:6

Musa yaayogera n'Abaisiraeli, era abakulembeze baibwe baamugha omwigo mulala mulala okuva mu buli kika. Egyo gyaba emiigo ikumi n'ebiri, nga n'ogw'Aaroni gulimu.

Okubala 20:2

Mu kifo ekyo timwali maadhi ga bantu kukozesa, kale abantu beesoloza balumba Musa ni Aaroni.

Okubala 24:8

Beesiga Katonda oyo eyabatoola mu Misiri ng'oti n'embogo bweyeesiga amayiga gaayo. Baidha kweyangagho amaghanga ag'abazigu baibwe, bamenhemenhenga amagumba gaibwe, babafumitenga n'obulaso bwaibwe.

Matayo 1:23

“Bona, omughala omwegha aja kutoola enda azaale omwana wa bulenzi, era eriina balimweta Emmanueli”, ekitegeeza kiti: “Katonda ali n'ife.”

Ab'e Roma 8:31

Kale ebyo tunaabikobaku ki? Katonda bw'aba ku luuyi lwaife, aghanga okutulwanisa naani?

Amateeka Agokubiri 1:21

Eyo n'ensi Musengwa Katonda waimwe y'abooleike. Muje mugitwale nga Musengwa Katonda oyo, Katonda wa badhaadha baimwe bw'abakobye, aghazira kutyamu naire.’

Amateeka Agokubiri 1:26

“Aye imwe mwadheemera ekiragiro kya Musengwa Katonda waimwe, mwaloba okwingira mu nsi eyo.

Amateeka Agokubiri 1:29

“Aye nze naabakoba nti, ‘Mutatya era abantu abo batabamalamu maani.

Amateeka Agokubiri 31:6

Mube bagumu era bamalirivu. Mutatya bantu abo era batabamalamu maani. Musengwa Katonda waimwe mwene, n'aidhanga okuja n'imwe. Talibavaaku, waire okubalekulira agho.”

Amateeka Agokubiri 31:8

Era Musengwa Katonda mwene n'aidha okukukulemberamu era abenga n'iwe. Talikuvaaku waire okukulekulira agho. Otatya era otawaamu maani.”

Amateeka Agokubiri 32:42

Obusaale bwange buliidhula omusaayi, n'empiima yange yaafumita emamba n'omusaayi ogw'abaitiibwa n'abanhagiibwa, okuva mu bazigu ab'emitwe egiriku enviiri endeeyi.’

Amateeka Agokubiri 7:18

Aye mutabatyanga. Mwidhukirenga Musengwa Katonda waimwe kye yakola kyabazinga w'e Misiri, ni ku bantu b'e Misiri boonaboona.

Amateeka Agokubiri 7:21

Kale ni mutabatyanga, kuba Musengwa Katonda waimwe aba mu imwe, era oyo n'omukologho ali n'okutiibwa.

Amateeka Agokubiri 9:7

“Mutagezangaku naire okwerabira nga bwe mwaleetera Musengwa Katonda waimwe okubasungughalira mu irungu. Okuviira irala ku lunaku lwe mwaviiraku mu Misiri, okutuusa lwe mwatuuka mu kifo kino, mubairenga nga mumudheemera.

Ab'e Filippi 1:27

Ekikulu kiri nti mu bulamu bwaimwe mwebise nga bwe kigwaniire ababunia Amawulire Amalungi aga Kurisito. Agho ni oba ndidha okubabona oba tiidha, mbe nga mpulira nti mwekalangwire, muli muntu mulala, era nga kye munuyirira kiri kirala okulwanirira okwikiriza Amawulire Amalungi

Yoshua 1:5

Ndidha kubanga n'iwe buliidho nga bwe nabanga ni Musa. Tija kukulekulira agho naire. Ezira muntu aja kukughangula, enaku dhoonadhoona dh'olimala ng'oli mulamu ku nsi.

Yoshua 14:12

Agho ni kyenva nsaba nti mpa ebiketezo ebyo ebirimu ensozi, Musengwa Katonda bye yansuubiza ku olwo kuba wawulira ku olwo nga bw'eriyo Abanaki, abantu abawaigufu, mu bibuga ebyezungulwirwa ebimante ebigumu. Musengwa Katonda aghanga okuba ninze, naababingamu nga Musengwa Katonda bwe yakoba.”

Abalamuzi 1:22

Agho ab'ekika kya Efuraimu n'ekya Manasse boona Musengwa Katonda yaababeera, baalumba ekibuga Betheli, ekyayetebwangaku Luzi.