Okubala 14:6 - Baibuli Ekibono kya Katonda 2014

⁶ Aye Yoshua mutabane wa Nuni, ni Kalebu mutabane wa Yefune, abaali ku abo abaaja okukeeta, baakanulamu ebivaalo byaibwe olw'okunakughala.

Okubala 14:6 ပူးပေါင်းရင်းမြစ်များ

Amainhama 37:29

Reubeni bweyairayo ku kiina n'ayagaana nga Yosefu aziramu, yaakanulamu ebivaalo bye olw'okunakughala.

Amainhama 37:34

Yakobo yaakanulamu ebivaalo bye olw'okunakughala, yeesiba ekikaakaati, yaamala enaku kamaala ng'alira omwana we.

Amainhama 44:13

Agho aboluganda baakanulamu ebivaalo byaibwe olw'okunakughala, buli muntu yaatwika ebintu ku ndogoyi ye, bairayo mu kibuga.

2 Samueli 3:31

Agho Daudi yaalagira Yoabu n'abantu be yali nabo bakanulemu ebivaalo byaibwe olw'okunakughala, beesibe ebikaakaati, balire Abuneri. Era kyabazinga Daudi mwene, yaanonereza omulambo gw'Abuneri nga baja okuguziika.

2 Bakyabazinga 18:37

Agho Eliakimu mutabane wa Hilikia, nga n'eyalabiriranga ekisaagaati kya kyabazinga, ni Shebuna eyali omughandiisi w'omu kisaagaati kya kyabazinga, era ni Yoa mutabane wa Asafu, nga n'eyali omukuumi w'ebighandiiko, baaja eri Kyabazinga Hezekia nga bakanwirekanwire ebivaalo byaibwe olw'okunakughala. Baamukobera omukungu w'e Assiria bye yakoba.

1 Ebyomubyanda 7:27

Nuni, Nuni yaazaala Yoshua.

Yobu 1:20

Agho Yobu yaasituka, yaakanulamu ekivaalo kye era yaamwa omutwe gwe olw'okunakughala, yaakutama n'ekyeni kyatuuka ku itaka, yaasinza Katonda.

Okubala 13:30

Agho Kalebu yaasirisa abantu, agho mu maiso ga Musa, yaakoba ati: “Mukole tusitukiremu tuje tutwale ensi eyo. Kuba tusobolera irala bukalamu okugighangula.”

Okubala 13:6

Kalebu mutabane wa Yefune ow'omu kika kya Yuda;

Okubala 13:8

Hoshea mutabane wa Nuni ow'omu kika kya Efuraimu;

Okubala 14:24

Aye olw'okuba omugheereza wange Kalebu ali n'omwoyo ogw'endhawulo, era nga aneesigira irala mu bwidhuvu, ndidha kumwingiza mu nsi ye yakeeta. Era baidhukulu be n'abaliba beene nsi eyo.

Okubala 14:30

ghazira waire mulala ati alituuka mu nsi ye nabalayirira okubagha, okutoolaku Kalebu mutabane wa Yefune, ni Yoshua mutabane wa Nuni.

Okubala 14:38

Okutoolaku Yoshua mutabane wa Nuni ni Kalebu mutabane wa Yefune, n'abataafa ku abo abaaja okukeeta ensi eyo.

Okubala 14:5

Agho Musa ni Aaroni baakutama n'ebyeni byatuuka ku itaka agho mu maiso ag'Abaisiraeli boonaboona abeesoloza.

Okubala 14:7

Baakoba Abaisiraeli boonaboona abeesoloza bati: “Ensi ye twaja okukeeta nungi ebitaloodheka.

Matayo 26:65

Agho Omukulu wa Bakabona yaakendebula ebivaalo bye, era yaakoba ati: “Avumye Katonda! Tukaayenderaki abadhulizi? Mumaze okuwulira bw'avuma Katonda!

Mariko 14:63

Agho Omukulu wa Bakabona yaakendebula ebivaalo bye, yaakoba ati: “Tukaayendera ki abadhulizi abandi?

Ebikolwa by'Abatume 14:14

Aye Abatume Barunaba ni Paulo bwe baawulira ekyo, baakanula ebivaalo byaibwe, baalumuka, beekuba mu bantu baayasiikana bati:

Yoshua 14:6

Lulala, abantu ab'ekika ekya Yuda baidha ye Yoshua nga bakaali e Giligali. Owundi ku bantu abo ye baayetanga Kalebu mutabane wa Yefunne ow'oku nda ya Kenizzi yaamukoba ati: “Oidhi Musengwa Katonda kye yakoba Musa omusaadha we, ekigema ku iwe ni ku nze, nga tuli e Kadeshi Barinea.

Yoshua 7:6

Agho Yoshua n'abakulu ab'ebikunsu mu Isiraeli baayuza ebivaalo byaibwe, beeyala wa mberi gh'Esanduuku y'Endagaano ya Musengwa Katonda, era beeyugha enkungu mu mitwe, baaba agho okutuusa eigulo. Ebyo byonabyona baabikola olw'okunakughala.

Abalamuzi 11:35

Yefutha bwe yamubona, yaakanulamu ebivaalo olw'enaku, ng'akoba ati: “Nkagwireku mwana wange! Onnakughaiza inho, era ondeeteire obulumi ku mwoyo, kuba neeyama ye Musengwa Katonda era tisobola kumenhagho bweyamo obwo!”